![]() |
Houthi စစ်သွေးကြွတွေက မြို့တော်မှာရှိတဲ့ အစိုးရရဲ့အဓိကနေရာတွေကို သိမ်းပိုက်။ (ဇန်နဝါရီ ၂၁၊ ၂၀၁၅) |
သမ္မတ Hadi, ၀န်ကြီးချုပ် Khaled Bahah နဲ့ သူ့ရဲ့အစိုးရအဖွဲ့က သူတို့နှုတ်ထွက်မယ်လို့ ကြာသပတေး နေ့က ကမ်းလှမ်းထား ကြတာပါ။
အခြေခံဥပဒေမူကြမ်းမှာ အပြောင်းအလဲတွေလုပ်ပေးဖို့ တောင်းဆိုနေတဲ့ Houthi စစ်သွေးကြွတွေက မြို့တော်မှာရှိတဲ့ အစိုးရရဲ့အဓိကနေရာတွေကို သိမ်းပိုက်ထားပြီး ရက်အတော်အကြာမှာ အဲဒီလိုကြေညာကမ်းလှမ်းလိုက်ကြတာပါ။
အစိုးရအဖွဲ့အနေနဲ့ အပြုသဘောမဆောင်တဲ့ နိုင်ငံရေးအရှုပ်အထွေးထဲမှာ မပါချင်ဘူးလို့ ၀န်ကြီးချုပ်က သူ့ရဲ့ ဖေ့စ်ဘုတ် စာမျက် နှာမှာ ရေးထားတာကို ရိုက်တာသတင်းဌာနက ကိုးကားဖော်ပြပါတယ်။
Houthi စစ်သွေးကြွတွေကို ထောက်ခံသူနဲ့ကန့်ကွက်သူ နှစ်ဘက်စလုံးက ယီမင်နိုင်ငံတ၀န်း သောကြာနေ့မှာ လူထုစုဝေးပွဲတွေ လုပ်ကြပါတယ်။ ဒါပေမဲ့လည်း အခြေအနေတွေကတော့ အတော်လေး အေးအေးချမ်းချမ်းရှိနေတယ်လို့ မြို့တော်ကလာတဲ့ သတင်းတွေမှာ ပြောကြပါတယ်။
လက်ရှိအကျပ်အတည်းကနေ ဘယ်လိုရှေ့ဆက်သွားမယ်ဆိုတဲ့အပေါ် သဘောတူညီချက်တရပ် ထွက်လာမယ့် အားလုံးပါဝင်တဲ့ ဆွေးနွေးညှိနှိုင်းမှုတွေမှာ ပါဝင်ကြဖို့ ကုလသမဂ္ဂသံတမန် Jamal Benomar က သောကြာနေ့မှာ ဆာနားမြို့တော်ကနေ တောင်းဆိုထားပါတယ်။
ဗွီအိုအေ (မြန်မာပိုင်း)
http://burmese.voanews.com/content/yemen-in-turmoil-as-president-resigns/2611679.html
ယီမင်နိုင်ငံရေး မရေမရာဖြစ်ဆဲ
Reviewed by သစ်ထူးလွင်
on
06:49
Rating:
