ဓါတ်ပုံ - ကိုဟန်ဝင်းအောင် |
ရေဆိုးတွေကြောင့် စိုက်ပျိုးလို့မရတော့တဲ့ လယ်မြေတွေအတွက် လျော်ကြေးပေးဖို့ ၀မ်ပေါင်ကုမ္ပဏီနဲ့ စစ်ကိုင်းတိုင်းဝန်ကြီးချုပ်ထံ စာတင်ပြပြီးတောင်းဆိုထားပေမဲ့ အကြောင်းပြန်တာမရှိဘူးလို့ လယ် ၅ ဧက ပျက်စီးသွားတဲ့ တောင်ပလူကျေးရွာက တောင်သူ ဦးထွန်းနိုင်ဦးက ပြောပါတယ်။
"၂ဝ၁၃ ခုနှစ်ကနေဝင်တာဗျ၊ မိုးရေတွေနဲ့ပျော်ဝင်ပြီးတော့ ကျနော်တို့လယ်ထဲမှာကျန်နေခဲ့တာ၊ စိုက်ပျိုးလို့မရလို့ ဒီအတိုင်းပဲထားခဲ့ရတယ်ဗျ၊ သူတို့ကြောင့် မဟုတ်ဘူးလိုလိုငြင်းပြီးတော့ ဘာမှလည်းကွင်းမဆင်းပဲ နေလိုက်တော့တာဗျ၊ ကျနော်တို့က ဓါတ်ပုံနဲ့တင်ပြတာပဲရှိတယ်၊ သူတို့လုပ်ပေးမှရမှာခင်ဗျ၊ ကျနော်တို့က မြို့နယ်ကိုလည်းတင်တယ်ဗျ၊ ဝမ်ပေါင်ရုံးကိုလည်းတင်တယ်ဗျ"
စစ်ကိုင်းတိုင်းဒေသကြီး၊ မုံရွာခရိုင် ဆားလင်းကြီးမြို့နယ်မှာ အကောင်အထည်ဖော်နေတဲ့ လက်ပံတောင်းတောင် ကြေးနီစီမံကိန်းဟာ ဖောင်းကားကျေးရွာ၊ တောင်ပလူကျေးရွာနဲ့ ပေ ၃၀၀ လောက်သာ ကွာဝေးတယ်လို့ သိရပါတယ်။
အဲဒီကျေးရွာ ၂ ရွာမှာ စပါးနဲ့ ပဲကို စိုက်ပျိုးတာဖြစ်ပြီး ပျက်စီးသွားတဲ့မြေဧက ၃၀ ကို တောင်သူ ၁၁ ဦးက ပိုင်ဆိုင်တာဖြစ်ပါတယ်။
RFA Burmese
https://www.facebook.com/pages/RFA-Burmese/39218993127?fref=nf
ကြေးနီစီမံကိန်းက ရေဆိုးများကြောင့် လယ်မြေဧက ၃၀ နီးပါး ပျက်စီး
Reviewed by သစ်ထူးလွင်
on
10:28
Rating: