တော်လှန်ရေးသတင်းသမားတဦးရဲ့ ဒုိုင်ယာရီ (၄၂)

သံဃာသရဏံ ဂန်းစာမိ

ရွှေဝါရောင်တော်လှန်ရေးစလုို့ သိပ်မကြာခင်လေးမှာ တက်ကြွလှုပ်ရှားသူအတော်များများ အဖမ်းခံလုိုက်ရပါတယ်။ အဲဒီထဲမှာ ကျနော်တို့အင်တာဗျုးလုပ်နေကြ လူရွှင်တော် ကုိုဇာဂနာ၊ ၈၈ ခေါင်းဆောင်တဦးဖြစ်သူ ကိုဌေးကြွယ်နဲ့ သံဃာအဖွဲ့ပြောခွင့်ရပုဂ္ဂိုလ် အရှင်ဂန်ဘီရတုို့ လည်းပါသွားပါတယ်။ ဆန္ဒပြတဲ့သံဃာင်္တွေကို ဆွမ်းကမ်မှုနဲဖမ်းဆီး ခံရတဲ့ ကိုဇာဂနာဟာ အင်းစိန်ထောင်မှာ တလလောက်စစ်ဆေးခံရပြီးတဲ့နောက် ပြန်လွတ်လာပါတယ်။

အဲဒီအချိန်ဟာ ၂၀၀၇ ခုနှစ် အောက်တုိုဘာလကုန်ပုိုင်းလုို့ထင်ပါတယ်။ ထုံးစံအတုိုင်း သူလွတ်လာတော့ အားလုံးက သူ့ဆီဝုိုင်းမေးကြတာပေါ့။ ဒီလုိုနဲ့ သူ့တယ်လီဖုန်းလုိုင်းတဲ့အချိန်ကိုစောင့်နေရင်းနဲ့ ည ၈ နာရီကျော်မှာ ဗျုးခွင့်ရပါ တယ်။ အသံလွှင့်မှာက ၉  နာရီဆုိုတော့ အတော်ကပ်နေပြီ။ BBC, VOA, RFA စတဲ့ စင်ပြိုင်ရေဒီယုိုတွေကလဲ သူ့နဲ့ အင်တာဗျုးကို ဒီညလွှင့်မှာသေချာနေတော့ ကုိုယ့်ရေဒီယုိုမှာလည်း ဒီညပါအောင် ထည့်မှာဖြစ်မှာပေါ့။

‘’ထောင်ထဲမှာ အဆိုးဆုံးနေရာက စစ်ခွေးတုိုက်ပဲ။ ပထမ တော့ ကျနော်က၀မ်းတွေသာသွားတာပေါ့ဗျာ။ ထောင် ထဲရောက်မယ်ဆိုတော့ ပေါ်ဦး (မင်းကုိုနုိုင်) တို့နဲ့ တွေ့မယ်။ သူငယ်ချင်းတွေနဲ့လည်း တွေ့မယ်၊ ဘယ်သူတို့နဲ့ တွေ့မယ်ဆိုပြိးတော့ပေါ့…။ ဘယ်…၊ သူငယ်ချင်းတွေနဲ့ မတွေ့ရဘဲနဲ့ တခါတည်း တန်းတွေ့ရတာက စစ်ခွေးတွေနဲ့ တွေ့ရတာပဲ။ အဲဒီမှာ အားပါးတရနဲ့ နှုတ်ဆက်မယ့် လူတွေများ အောက်မေ့တယ်။ ၀ူး၊၀ူး၊ ၀ုတ်ဝုတ်ဝုတ် ဆိုတဲ့ အသံတွေနဲ့ စပြီးတော့ အဲဒီ စစ်ခွေးတွေ ကြားထဲ ရောက်သွားတော့တာပဲ’’ လုို့ ဇာဂနာက သူရဲ့ထောင်တွင်း ပထမ နေ့တွေ အကြောင်းပြောပြနေပါတယ်။

ဒီလုိုနဲ့အင်တာဗျုးက ၉ နာရီထုိုးဖုို့ ၁၅ မီနစ်လုိုတဲ့အထိမပြီးသေးဘူး။ ဒီနေ့တာဝန်ကျတဲ့ ပရီစန်တာက ဒီညလွှင့်မဲ့ အသံတွေ ကွန်ပြူတာပေါ်တင်ဖုို့ စတူဒီယုိုတခါးကုို လာခေါက်နေပြီ။ ကျနော်တုို့ DVB မှာက တခြားရေဒီယုိုတွေလုို စတုိုဒီယုိုနံပတ် ၁၅ တွေ၊ ၁၆ တွေမရှိပါ။ စုစုပေါင်းမှ ၂ ခုတည်း။ တခုက အမြဲတန်းလုိုလုို တခုခုယွင်းနေတဲ့အတွက် အသံလွှင့်တဲ့စတူဒီယုို အားတဲ့အချိန်ကုိုပဲ အားလုံးက ၀ုိုင်းစောင့်နေကြတာ။

ဆရာဇာဂနာကလည်း အခုမှအရှိန်ကောင်းတုန်း။ `’ကျနော်တို့ မြန်မာလူမျိုးတွေက မွေးကတည်းကစပြီး သေသည် အထိ ဗုဒ္ဓံသရဏံ ဂစ္ဆာမိ၊ ဓမ္မံသရဏံ ဂစ္ဆာမိ၊ သံဃံသရဏံ ဂစ္ဆာမိ ဆိုတဲ့ သရဏဂုံ သုံးပါးနဲ့နေရတာလေ။  အခုတော့ နောက်ဘိတ်ဆုံး စကားလုံးက ပြောင်းရတော့မလို ဖြစ်နေတယ်။ သံဃံသရဏံ ဂန်းစာမိ ဖြစ်ကုန်ကြပြီ့။ သံဃံသရ ဏံက ဂစ္ဆာမိ မဟုတ်ဘဲ ဂန်းစာမိ ဖြစ်သွားပြီ´’ ဆုိုပြီး သူကပြောပါတယ်။

သူကပြော၊ ကျနော်ကရီ၊ ကျနော်ရီတာကို သူကပြန်ရီနဲ့ ၉  နာရီထုိုးဖုို့ ၅ မီနစ်အလိုမှာတော့ မဖြစ်မနေ အတင်းဖြတ် ချလုိုက်ရပါတော့တယ်။ အသံလွှင့်နေစဉ်မှာ အမြန် အက်ဒစ်လုပ်၊ ၁၂ မီနစ်စာ အမြန်ဖြတ်ပြီး အဲဒီညမှာပဲ ပါအောင် ထည့်လုိုက်နုိုင်ခဲ့ပါတယ်။ ဒီလုိုနဲ့ ‘’သံဃံသရဏံ ဂန်းစာမိ’’ ဟာ ဇာဂနာရဲ့နောက်ဆုံးပေါ်ပျက်လုံးအဖြစ် အတော်နာ မည် ကြီးသွားခဲ့ပါတယ်။

တချို့ပရိတ်သတ်တွေကတော့ သံဃာင်္တော်တွေအပေါ် ဒီလုိုပျက်လုံးထုတ်တာကို မကြိုက်ကြဘူး၊ သံဃာင်္ကုို ပျက် လုံးမလုပ်သင့်ဘူးဆုိုပြီးပြောကြတယ်လုို့ပြန်ကြားရပါတယ်။ ဒါပေမယ့် ဒီပျက်လုံးဟာ ၂၀၀၇ ရွှေဝါရောင်တော်လှန် ရေးကာလအတွင်း တကယ်အဖြစ်ပျက်တွေကို ဗွင်းဗွင်းကြီးပေါ်လွင်စေတဲ့အတွက် အများစုကကြိုက်ကြတယ်။ သံ ဃာင်္ကုိုတောင်သတ်မိတဲ့ စစ်အစိုးရအတွက်လည်း အတော်အရှက်ရစေခဲ့တယ်လို့သိရပါတယ်။

နာဂစ်မုန်တုိုင်းနဲ့ ၂၀၀၈ ဖွဲ့စည်းပုံအခြေခံဥပဒေ

ရွှေဝါရောင်တော်လှန်ရေးမှာပါဝင်ခဲ့သူတွေကို ထောက်လှမ်းရေးက ရှာဖွေဖမ်းဆီးထောင်ချလုို့မပြီးခင် ၂၀၀၈ ခုနှစ် မေလ ၂ ရက်နေ့မှာ နာဂစ်မုန်တုိုင်းကြီး မြန်မာနုိုင်ငံကမ်းရုိုးတန်းဆီဝင်လာပါတယ်။ ကံကဆုိုးချင်တော့ နုိုင်ငံရေး သတင်းကိုသာ ဇောင်းပေးလေ့ရှိတဲ့ DVB အပါဝင် ပြည်ပရေဒီယုိုတွေဟာ နာဂစ်မုန်ုတုိုင်းအကြောင်း ကြိုတင် သ တိပေးထုတ်လွှင့်ဖုို့အရေးကို လုံလောက်စွာဆောင်ရွက်ဖုို့ အားနည်းခဲ့ကြပါတယ်။

ကျနော်မှတ်မိသလောက်ဆိုရင် အဲဒီ မေလ တရက်နေ့ညက ကျနော်တာဝန်ကျတဲ့နေ့။ မြန်မာ့အလင်းပါသတင်း ထုတ်ပြန်ချက်အရဆိုရင် တနာရီ ၆၄ ကီလုိုမီတာ (၃၅ မုိုင်ခန့်) ခန့်လေတုိုက်နှုန်းရှိတဲ့ မုန်တုိုင်းတခု ဧရာဝတီတုိုင်းနဲ့ တနသာင်္ရီကမ်းရုိုးတန်းဆီဝင်လာနုိုင်တယ်။ ဒီရေလည်းအနည်းအကျဉ်းတက်နုိုင်တယ်ဆုိုတာ မပုိုပါ။ ဒီလုိုသိပ်မထူး တဲ့အတွက်လည်း ရေဒီယုိုတွေက အရေးတကြီးမကြေငြာမိတာလုို့ထင်ပါတယ်။

ဒါပေမယ့် မေလ ၂ ရက်နေ့မနက်လင်းအားကြီးအချိန်မှာ တကယ်တန်းမုန်တုိုင်းဝင်လာတဲ့အခါမှာတော့ လေတုိုက် နှုန်းက တနာရီကုို ၂၄၀ ကီလုိုမီတာကျော်ပါတယ်။ ပင်လယ်လှိုင်းလုံးတွေက တောင်တလုံးစာမကရှိပါတယ်။ ဒီ တော့ ဧရာဝတီ မြစ်ဝကျွန်းပေါ်တလျောက်က ကမ်းခြေရွာငယ်တွေအားလုံး ရေထဲမျောပါသွားကြပါတယ်။ 

‘’လှိုင်းလုံးကြီးက ကျနော်အိမ်ခေါင်းမုိုးထက်မြင့်တယ်ဗျာ။ လပွတ္တာမြို့နယ်ထဲကရွာတွေဆုို ဘာမှမကျန်တော့ဘူး။ သေလုိုက်တဲ့လူသောက်သောက်လဲ။ ရေထဲမှာအလောင်းတွေက မြင်မကောင်းအောင်ပဲ’’ လုို့ လပွတ္တာမြို့နယ်မှ လွှတ်တော်ကိုယ်စားလှယ် ဒေါက်တာအေးကြူက မေလ ၂ ရက်နေ့ အင်တာဗျုးအတွင်း DVB ကုိုပြောပြခဲ့ပါတယ်။

‘’ရေဘေး ဒုက္ခသည်တွေလား၊ ထောင်နဲ့ချီရှိမယ်ထင်တယ်။ အားလုံး ဘုန်းကြီးကျောင်းဇရပ်ပျက်တွေမှာဖြစ်သလုို ပေါ့။ ဘာကယ်ဆယ်ရေးမှမရောက်သေးဘူး။ သောက်ရေနဲ့ အမိုးအကာအရေးပေါ်လုိုနေတာပေါ့’’ လုို့ သူက ဆက် ပြောပါတယ်။

အစိုးရရဲ့ တရားဝင်သတင်းထုတ်ပြန်ချက်အရ နာဂစ်မုန်တုိုင်းကြောင့်သေဆုံးသူ ၈၄ ၅၀၀။ ပျောက်ဆုံးသူ ၅၃ ၈၀၀။ စုစုပေါင်း တသိန်းခွဲနီးပါးရှိပါတယ်။ မြို့နယ်ပေါင်း ၃၇ မှာ မုန်တုိုင်းဒဏ်ကိုခဲ့ရပြီး လူဦးရေ ၂ သန်းခွဲအတွက် ကယ် ဆယ်ရေးပစ္စည်းလုိုနေတယ်လို့ ကယ်ဆယ်ရေးအဖွဲ့တွေက ခန့်မှန်းပါတယ်။ 

ဒီသတင်းဟာ နုိုင်ငံတကာဆီဟုိုးလေးတကျော်ဖြစ်သွားပြီး အရေးပေါ်ကယ်ဆယ်ရေးတွေပေးဖုို့ ကုလသမဂနဲ့ အမေရိကန်အစိုးရဖက်က ကြိုးစားခဲ့ပါတယ်။ ဒါပေမယ့် ဗုိုလ်ချုပ် မှုးကြီးသန်းရွှေဦးဆောင်တဲ့ စစ်အစိုးရက ဒါတွေကို လက်မခံခဲ့ပါဘူး။

‘’ပစ္စည်းပဲပေး။ လူမလာနဲ့’’ ဆုိုတဲ့ပုံစံနဲ့ဆက်ဆံခဲ့လုို့ စစ်အစုိုးရနဲ့ အမေရိကန်အစိုးရကြား သံတမန်ဆက်ဆံရေး အလွန်တင်းမာခဲ့ပါတယ်။ ပင်လယ်ထဲကနေ အမေရိကန်စစ်သဘောင်္တွေဝင်ကပ်ပြီး ကယ်ဆယ်ရေးပစ္စည်းတွေကုို ကျေးရွာတွေဆီ တုိုက်ရုိုက်ဝင်ပေးဖုို့ Humanitarian Intervention အထိစဉ်းစားခဲ့ကြပါတယ်။ နောက်ဆုံးမှာတော့ စစ်အစိုးရဖက်က နည်းနည်းလျော့ပေးပြီး ကုလသမဂအေဂျင်စီတွေကနေတဆင့် နည်းနည်းချင်းဆီလက်ခံဖုို့ သ ဘောတူလုိုက်ပါတယ်။

ကံကဆုိုးချင်တော့ ဒီလုို နာဂစ်မုန်တုိုင်းဝင်တဲ့အချိန်ဟာ ၂၀၀၈ ဖွဲ့ည်းပုံအခြေခံဥပဒေဆန္ဒခံယူပွဲလုပ်ဖို့ ပြင်ဆင်ထား ချိန်နဲ့ ကွက်တိဖြစ်နေပါတယ်။ မုန်တုိုင်းဝင်တာက မေလ ၂ ရက်နေ့၊ ဆန္ဒခံယူပွဲလုပ်ဖုို့ကြေညာထားတာက မေလ ၁၀ ရက်နေ့။ ဒါကြောင့် လူတွေသိန်းနဲ့ချီသေနေချိန်မှာ အရေးပေါ်ကယ်ဆယ်ရေးမလုပ်ပဲ ဆန္ဒခံယူပွဲလုပ်ဖုို့ပြင်နေတဲ့ စစ်အစုိုးရကုို အားလုံးက ၀ုိုင်းကန့်ကွက်ကြပါတယ်။ ဒါပေမယ့် စစ်အစိုးရကတော့ လက်မခံပါဘူး။ မူလစီစဉ်ထားတဲ့ အတုိုင်း ဆက်လုပ်ပါတယ်။

အဲဒီဆန္ဒခံယူပွဲအတွင်း မဲပေးခွင့်ရှိသူ ၉၈.၁၂ ရာခုိုင်နှုန်းမဲပေးခဲ့ပြီး ထောက်ခံမဲ ၉၂. ၄၈ ရခဲ့တယ်လို့ စစ်အစိုးရက ကြေညာပါတယ်။ ဒါပေမယ့် ဒီကိန်းဂဏန်းတွေအပေါ် ယုံကြည်သူနည်းလှတာကိုတွေ့ရပါတယ်။ မေလ ၂ ရက်နေ့ ကဖြစ်စဉ်တွေအပေါ် သတင်းသမားတဦးရဲ့အမြင်ကို ၂၀၀၈ ခုနှစ် မေလ ၈ ရက်နေ့ထုတ် ဘန်ကောက် The Nation သတင်းစာမှာ ‘’Mixed signals from Burma over disaster’’  ဆောင်းပါးတပုဒ် ကျနော်ရေးခဲ့တာကို အမှတ်ရ နေပါတယ်။

Burma VJ နှင့် DVB ရဲ့ ဆုလာဘ်များ

DVB ကရခဲ့သမျှဆုတွေထဲက ပထမဆုံးဆုဟာ နော်ဝေးနုိုင်ငံ အော်စလုိုမြို့ရှိ (Norwegian PEN) နော်ဝေး စာရေး ဆရာအသင်းက ပေးအပ်တဲ့ Ossietzky prize ဆုပါပဲ။ ပေးအပ်တဲ့အချိန်က ၂၀၀၇ ခုနှစ် နုိုဝင်ဘာလ ၁၅ ရက်နေ့၊ အကျဉ်းခံနုိုင်ငံတကာ စာရေးဆရာများနေ့မှာဖြစ်ပါတယ်။ 

လက်ခံဖူးသမျှဆုတွေထဲမှာ ဒီဆုကအတော်ထူးခြားပါတယ်။ နုိုဗယ်စင်တာမှာ တရားဝင်ဆုပေးပွဲမလုပ်ခင် တညနေ မှာ သမုိုင်းဝင်နာမည်ကြီးစာရေးဆရာတဦးရဲ့နေအိမ်ရှိရာ အော်စလုိုမြို့ဟောင်းဆီ ကျနော်တုို့ DVB ၀ုိုင်းတော်သား တွေကိုဖိတ်ကြားပါတယ်။ အဲဒီမှာ ကလေးတွေပါ ပါတဲ့ စာပေစိတ်ဝင်စားတဲ့ အော်စလုိုမြို့သား ရာနဲ့ချီရှိမယ်လို့ထင် ပါတယ်။ ခြံဝင်းတွင်းမှာရှိတဲ့ ၀က်ဖြူရုပ်လေးကုို ၀ုိုင်းမပြီး ခြံဝင်းအတွင်းလှည့်ပတ်၊ ရုိုးရာသီချင်းတွေဆုိုကြနဲ့ တ ကယ့်အမှတ်တရညပါပဲ။

ပြီးတော့ မြန်မာနုိုင်ငံက ငါးပိအုိုးလုိုမျိုး မြေအုိုးလေးတခုကိုလဲ အမှတ်တရပေးလုိုက်ပါသေးတယ်။ နောက်တနေ့ နုိုဗယ်စင်တာမှာပြုလုပ်တဲ့အခန်းနားတွင်းမှာတော့ ဂုဏ်ပြုလက်မှတ်နဲ့အတူ ငွေသား တသောင်းလက်ခံရရှိခဲ့ပါ တယ်။ ဒါဟာ DVB အတွက် ပွဲဦးထွက်ဆုဖြစ်ပြီး နောက်ထပ် ဆုတွေ ဆက်တုိုက်ရတော့မယ်ဆုိုတဲ့ လက္ခဏာ တခုလည်းဖြစ်ပါတယ်။

ဒုတိယ ရတဲ့ဆုကတော့ ပြင်သစ်နုိုင်ငံ ပါရီအခြေစိုက် (Reporters Without Borders) နယ်ခြားမဲ့သတင်းသမား များကာကွယ်ရေးအဖွဲ့ကချီးမြှင့်တဲ့ “Journalist of the Year 2007’’ ၂၀၀၇ ခုနှစ်အတွက် သတင်းသမားဆု ဖြစ် ပါတယ်။ ဒီဆုကုို ညွန်ချုပ်ကုိုအေးချမ်းနုိုင်နဲ့ သတင်းအယ်ဒီတာ ကုိုမိုးအေးတုို့က သွားရောက်လက်ခံခဲ့ပါတယ်။ 

ဒီဆု ၂ ခုစလုံဟာ ၂၀၀၇ ရွှေဝါရောင်တော်လှန်ရေးကို ကောင်းမွန်စွာသတင်းတက်ဆက်နုိုင်မှုကြောင့်ပေးတဲ့ ဆု တွေဖြစ်ပါတယ်။ ၂၀၀၈-၂၀၀၉ ခုနှစ်ထဲမှာရတဲ့ (Orphans of the Storm) မုန်တုိုင်းရဲ့ မိဘမဲ့ကလေးများဆုက တော့ ၂၀၀၈ နာဂစ်မုန်တုိုင်းသတင်းတင်ပြပုံနဲ့ဆက်စပ်နေပါတယ်။ ဒါပေမယ့် အဲဒီကာလဟာ အဖမ်းအဆီးသိပ်များ တဲ့ အချိန်ဖြစ်နေတဲ့အတွက် အမည်ရင်းဖေါ်မထားတဲ့ DVB သတင်းထောက် Zor နဲ့ Sam တုို့ကိုပေးအပ်ခဲ့တာပါ။

ဒီမှတ်တန်းရုပ်ရှင်ကုို ထုတ်လွှင့်တဲ့သတင်းဌာနက ဗြိတိန်ရှိ Channel 4 သတင်းဌာနဖြစ်ပြီး အယ်ဒီတာက Evan Williams ဖြစ်ပါတယ်။ အဲဒီလုိုဆုရတဲ့အချိန်ဟာ နောက်ပုိုင်း အော်စကာဆုအထိ အဆိုပြုခံရမဲ့ Burma VJ မှတ် တန်းရုပ်ရှင် ရုိုက်ကူးနေဆဲကာလလည်းဖြစ်ပါတယ်။ တနည်းအားဖြင့်ပြောမယ်ဆုိုရင်တော့ DVB အတွက် ပြည် တွင်း UG လုပ်ငန်းလုပ်ပေးနေတဲ့အဖွဲ့ဟာ DVB-UG အစား Burma VJ ဆုိုတဲ့အမည်ကို ရွေးချယ်ဖုို့ဆုံးဖြတ် လုိုက်တဲ့ အချိန်ဖြစ်မယ်လို့ထင်ပါတယ်။

DVB က ရသမျှဆုအားလုံးနီးပါးဟာ Burma VJ အဖွဲ့ကပေးပုို့တဲ့ Footage တွေအပေါ် အခြေခံပြီးရတာချည်း ဖြစ်နေလုို့ ဒီအဖွဲက DVB မူလ အော်စလုိုသတင်းခန်းထက်တောင် ပုိုအရေးပါသလုိုဖြစ်လာစေခဲ့ပါတယ်။ ညွန်မှုး တွေရဲ့ဦးစားပေးမှုကိုခံလာရတဲ့အပြင် နုိုင်ငံတကာသတင်းဌာနတွေကလည်း အော်စလုိုသတင်းခန်းနဲ့မချိတ်တော့ပဲ Burma VJ အဖွဲ့နဲ့သာ တုိုက်ရုိုက်ချိတ်ဆက်ပြီး အလုပ်လုပ်ပါတော့တယ်။

တနည်းအားဖြင့်ပြောမယ်ဆုိုရင်တော့ ဒီအောင်မြင်မှုတွေ၊ ဆုလာဘ်တွေက Burma VJ နဲ့ DVB အော်စလုိုသတင်း ခန်းတုို့အကြား ဆက်ဆံရေး အဆင်မပြေမှုတွေစတင်ဖြစ်လာခဲ့ပါတယ်။ ညွန်မှုးတွေဖက်ကလည်း အခြေနေတစုံလုံး ကိုပြန်သုံးသပ်မှုအားနည်းပြီး လောလောဆယ်အောင်မြင်မှုအပေါ်သာ သာယာနေခဲ့တယ်လို့ ယူဆရပါတယ်။ အဲဒီ အောင်မြင်မှုတွေကနေစလုိုက်တဲ့ဇတ်လမ်းဟာ နောက်ဆုံး အော်စလိုရုံးချုပ်အတွင်း ဖြုတ်-ထုတ်-ရှင်း ပွဲတွေဖြစ်။ တခါ ညွန်မှုးတွေနဲ့ Burma VJ ကြားမှာလဲ ဒေါ်လာ ၃ သိန်း လာဘ်စားမှုဖြစ်တယ်ဆုိုတဲ့ ကိစ္စတွေနဲ့ တရားစွဲဆုိုတဲ့ အဆင့်ထိဖြစ်ကုန်ပါတယ်။ 

‘’အပျက်အပျက်နဲ့ နှာခေါင်းသွေးထွက်’’ ဆုိုသလုို ကုိုယ့်အချင်းချင်းကြား မိတ်ဖက်ပဋိပက္ခကနေ စတင်လုိုက်တဲ့ ရန် စောင်မှုတွေဟာ ၂၀၁၀ ရွေးကောက်ပွဲတွေ၊ ၂၀၁၂ ကြားဖြတ်ရွေးကောက်ပွဲတွေ နဲ့ပေါင်းလုိုက်တဲ့အခါမှာတော့ DVB တခုလုံး အော်စလုိုကနေ နေပြည်တော်ဆီ ဦးပြန်လှည့်သွားတဲ့အထိ ဖြစ်လာစေခဲ့တယ်လို့ ထင်မိပါ တယ်။ ။

ထက်အောင်ကျော် 

http://www.htetaungkyaw.net/2015/01/blog-post_21.html