လူမှောင်ခို ကုန်ကူးသူများလက်မှ မွေးကင်းစကလေးငယ် ၃၇ ဦးအား တရုတ်ရဲတပ်ဖွဲ့ ကယ်တင်

ပေကျင်း ၊ ၁၅-၁-၂၀၁၅

တရုတ် ရဲတပ်ဖွဲ့သည် လူမှောင်ခို ကုန်ကူးသည့် ဂိုဏ်းတစ်ဂိုဏ်း ကို နှိမ်နင်း ဖြိုခွင်းပြီး နောက်တွင် တရားမဝင် ကလေး မွေးစားမှု လုပ်ငန်းတစ်ခု၏ အဆောက်အအုံ အတွင်းမှ လူမှောင်ခို ကုန်ကူးသူများ ရောင်းချရန် ရည်ရွယ် ထားသည့် မွေးကင်းစ ကလေးငယ် ၃၇ ဦးကို ကယ်တင် နိုင်ခဲ့ကြောင်း သိရသည်။

ရဲတပ်ဖွဲ့ဝင် များသည် နိုင်ငံ အရှေ့ပိုင်း ရှန်တုံပြည်နယ် အတွင်း၌ တည်ရှိသည့် အဆိုပါ တရားမဝင် ကလေး မွေးစားမှု လုပ်ငန်းကို စီးနင်း ဝင်ရောက် ခဲ့ရာတွင် လူမှောင်ခို ကုန်ကူးမှုဂိုဏ်း ၏ အဖွဲ့ဝင် ၁ဝ၃ ဦးကို ဖမ်းဆီး နိုင်ခဲ့သည်ဟု သိရသည်။

ရဲတပ်ဖွဲ့က စီးနင်းဝင်ရောက် ခဲ့သော အဆောက်အအုံ ၏ အခြေအနေကို ကြည့်ခြင်း အားဖြင့် မီးဖွားအံ့ ဆဲဆဲ မိခင်လောင်းများ သည် ၄င်းနေရာသို့ ရောက်ရှိလာပြီး ကလေး မီးဖွားကာ ၄င်းတို့၏ ကလေးငယ် များကို ငွေကြေးဖြင့် အလဲအလှယ် လုပ်၍ ထွက်သွား ခဲ့ကြခြင်း ဖြစ်နိုင်ဖွယ် ရှိကြောင်း၊ ကလေးငယ် အားလုံးမှာ ကျန်းမာရေး မကောင်း ကြသည့် အပြင် အနည်းဆုံး ခုနစ်ဦးခန့်မှာ AIDS ကဲ့သို့သော လိင်မှတစ်ဆင့် ကူးစက်တတ်သည့် ရောဂါများကို ခံစား နေရကြောင်း၊ ထို့အပြင် ကလေးငယ် များသည် ခေါက်ဆွဲ နှင့် စားကြွင်းစားကျန် များကိုသာ စားရဖွယ် ရှိကြောင်း ရှန်တုံရဲတပ်ဖွဲ့ မှ ပြောရေးဆိုခွင့် ရှိသူတစ်ဦးက ပြောကြားသည်။

ကလေးမွေးစားမှု လုပ်ငန်းသည် ခေတ်သစ် ကလေးမှောင်ခို ကုန်ကူးမှုပုံစံ တစ်မျိုးဖြစ်ကြောင်း၊ လူမှောင်ခို ကုန်ကူးသူများ အနေဖြင့် ပြစ်မှု ထင်ရှားပါက သေဒဏ်အထိ ပြစ်ဒဏ် ကျခံရဖွယ် ရှိကြောင်း တရုတ်ပြည်သူ့
လုံခြုံရေး နှင့် လူကုန်ကူးမှု တိုက်ဖျက်ရေး ဝန်ကြီးဌာန၏ ညွှန်ကြားရေးမှူး ချန်ရှီဂူ က ပြောကြားသည်။

#Themyawadydaily
#မြ၀တီနေ့စဉ်
http://themyawadydaily.blogspot.com/2015/01/blog-post_446.html?spref=tw