ကိုဂွမ်ဂျာအောင် သေဆုံးမှု ဒေသခံ ၂၀၀၀ ကျော် ဆန္ဒပြ

ကချင်ပြည်နယ် ဖားကန့်မြို့နယ် လုံးခင်းကျေးရွာအုပ်စု ဆန်ခါမှော်ရွာ အနီးက တောက်ပကြယ် ကျောက်စိမ်း ကုမ္ပဏီ လုပ်ကွက်မှာ ရေမဆေး ကျောက်ရှာသူ ကိုဂွမ်ဂျာအောင် သေဆုံးခဲ့တာနဲ့ ပတ်သက်ပြီး တာဝန်ရှိသူတွေကို ဖော်ထုတ်အရေးယူ ပေးဖို့ ဖားကန့်မြို့နယ် လုံးခင်းကျေးရွာမှာ ဒေသခံ ၂၀၀၀ကျော်က ဒီနေ့ ဆန္ဒပြတောင်းဆို ခဲ့ပါတယ်။

ကိုဂွမ်ဂျာအောင်ဟာ ပြီးခဲ့တဲ့ အောက်တိုဘာ ၃၁ ရက်နေ့ညက တောက်ပကြယ် ကျောက်စိမ်း ကုမ္ပဏီ လုပ်ကွက်မှာ ရေမဆေးကျောက်ရှာစဉ် မြေတူးစက်ယန္တရားနဲ့ ထိခိုက်မိပြီး သေဆုံးခဲ့တာလို့ ဒေသခံတွေက ပြောပါတယ်။

အဲဒီအမှုနဲ့ပတ်သက်ပြီး အမှုမှန်ပေါ်ပေါက်ဖို့အတွက် ဆောင်ရွက်နေတယ်လို့ ဖားကန့်မြို့နယ် ရဲတပ်ဖွဲ့မှူးက RFA ကို ပြောပါတယ်။

တောက်ပကြယ်ကုမ္ပဏီ တာဝန်ရှိသူတွေက သေဆုံးသူ ကိုဂွမ်ဂျာအောင်ရဲ့ မိသားစုကို ကချင်ရိုးရာစာပေယဉ်ကျေးမှု ကော်မတီကတဆင့် လျော်ကြေးပေးထားတယ်လို့ သိရပါတယ်။

ဆန္ဒပြပွဲမှာ ဖားကန့်၊ လုံးခင်း၊ ဆိပ်မူ၊ တာမခံ စတဲ့ ဖားကန့်ကျောက်စိမ်းတွင်းဒေသက
ကချင်တိုင်းရင်းသားတွေ ပါဝင်ခဲ့ကြပါတယ်။

RFA Burmese
https://www.facebook.com/pages/RFA-Burmese/39218993127

Photo: Kyaw Myo Min/RFA