WFP ရန်ပုံငွေပြဿနာ မြန်မာဒုက္ခသည်တွေ ထိခိုက်

မြန်မာနိုင်ငံတွင်းက ပြည်တွင်းပဋိပက္ခတွေကြောင့် နေရပ်စွန့်ထွက်ပြေးခဲ့ကြရသူ ဒုက္ခသည်နှစ်သိန်းကျော်အတွက် ဆန်ပေးဝေမှု ငါးပုံတစ်ပုံ လျော့ချရတော့မယ်လို့ ကုလသမဂ္ဂ ကမ္ဘာ့စားနပ်ရိက္ခာအစီအစဉ် WFP က မနေ့က ပြောပါတယ်။

ရန်ပုံငွေ မလုံလောက်တဲ့အတွက် နိုဝင်ဘာလကစပြီး၊ ဆန်ပေးဝေတဲ့ ပမာဏကို ၂ဝ ရာခိုင်နှုန်း ဖြတ်တောက်ရတော့မှာဖြစ်တယ်လို့ သိရပါတယ်။

လက်ရှိပေးဝေနေတဲ့ နှုန်းအတိုင်း လာမယ့်နှစ် နွေရာသီအထိပေးနိုင်ဖို့ အမေရိကန်ဒေါ်လာ ၂၉ သန်း လိုအပ်နေကြောင်း၊ ဒါဟာ WFP အနေနဲ့ ပထမဆုံးတွေ့ ကြုံရတဲ့ ရန်ပုံငွေ ပြတ်လပ်မှုဖြစ်ကြောင်း၊ လိုအပ်တဲ့ ရန်ပုံငွေကို မကြာခင် ပြန်လည်ဖြည့်တင်းနိုင်မယ်လို့ မျှော်လင့်ကြောင်း WFP ရဲ့ အာရှတိုက်ဆိုင်ရာ ဒေသဆက်သွယ်ရေးအရာရှိက ပြောပါတယ်။

နိုင်ငံတကာ အလှူရှင်တွေအနေနဲ့ လက်ရှိတခြားကမ္ဘာ့အရေးပေါ် နေရာဒေသတွေကိုပါ ခွဲဝေထောက်ပံ့ ပေးနေရတာကြောင့် အခုလို မြန်မာနိုင်ငံအတွက် ရန်ပုံငွေ မလောက်မင ဖြစ်သွားရတယ်လို့လည်း ပြောပါတယ်။

မြန်မာနိုင်ငံတွင်း ဒုက္ခသည်တွေထဲမှာ အဓိကအနေနဲ့ ရခိုင်ပြည်နယ် ဘာသာလူမျိုး ပဋိပက္ခတွေကြောင့် ပေါ်ပေါက်လာခဲ့တဲ့ ဒုက္ခသည်ပေါင်း တစ်သိန်း လေးသောင်းနဲ့၊ ကချင်ပြည်နယ် စစ်ရေးပဋိပက္ခတွေကြောင့် ထွက်ပြေးခဲ့ကြတဲ့ ပေါ်ပေါက်လာခဲ့တဲ့ ဒုက္ခသည်ပေါင်း ၇ သောင်း ရှိနေကြပါတယ်။

RFA Burmese
https://www.facebook.com/pages/RFA-Burmese/39218993127