တူရကီဂျက်လေယာဉ်များက အီရတ်အနီးရှိ ကာ့ဒ်(ပီကေကေ) တိုက်ခိုက်ရေး သမားများကို ဗုံးကြဲတိုက်ခိုက်

အန်ကာရာ အောက်တိုဘာ ၁၄

တူရကီ F-16 နှင့် F-4 တိုက်လေယာဉ်များသည် အီရတ် နယ်စပ်အနီး ဟက်ခ်ခါရီဒေသရှိ ကာ့ဒ် (ပီကေကေ)များကို ဗုံးကြဲ တိုက်ခိုက်ခဲ့ကြောင်း တူရကီသတင်း မီဒီယာက သတင်းထုတ်ပြန်ခဲ့သည်။

၎င်းအုပ်စုက ၂ဝ၁၃ ခုနှစ် မတ်လတွင် အပစ်အခတ်ရပ်စဲခြင်း ကြေညာပြီးကတည်းက ယခုကဲ့သို့ ဗုံးကြဲတိုက်ခိုက်ခြင်းသည် ပထမဆုံး အကြိမ် ပီကေကေကို လေကြောင်း စီးနင်းတိုက်ခိုက်ခြင်းဖြစ်သည်။

တနင်္လာနေ့က ဒက်ဂ်ျလီဂါအရှေ့ တောင်ဘက်ရွာအနီး လေကြောင်း စီးနင်းတိုက်ခိုက်မှုကြောင့် အသေ အပျောက်များခဲ့ကြောင်း ဟားရီးရတ် နေ့စဉ်သတင်းစာက ဖော်ပြခဲ့သည်။

ဆီးရီးယားနယ်စပ်ရှိ ကိုဘာနီ မြို့ကို အိုင်အက်စ်တို့ရန်မှ ကာကွယ် ရေးအတွက် အကူအညီပေးရန် တူရကီတို့၏ ငြင်းဆန်မှုအပေါ် ကာ့ဒ် တို့က အမျက်ထွက်နေကြသည်။

ပီကေကေအုပ်စုများနှင့် တူရကီ အရှေ့အလယ်ပိုင်း တန်ဆီဂီဒေသရှိ တပ်ဖွဲ့များအကြား ပဋိပက္ခများ တနင်္လာနေ့က ဖြစ်ပွားခဲ့ကြောင်း တူရကီသတင်းစာများဖြစ်သော ကမ်ဟူ ရီရက်နှင့် မီလီရက်က ဖော်ပြခဲ့သည်။

ပီကေကေဟုခေါ်သည့် ကာ့ဒ် အလုပ်သမားပါတီသည် နယ်စပ်စခန်း ကို လက်နက်ကြီးများဖြင့် သုံးရက်ကြာ တိုက်ခိုက်ခဲ့ကြောင်း ဟားရီးရတ် သတင်းက ဖော်ပြခဲ့သည်။

(ဘီဘီစီ)
Myanmaalinn
https://www.facebook.com/MYANMAALINNNEWS