မဟာမိတ်တပ်ဖွဲ့များက ဆီးရီးယားနိုင်ငံရှိ ISIS ရေနံသန့်စင်စက်ရုံများကို ဗုံးကြဲတိုက်ခိုက်

အန်ကာရာ ၊ ၂၉-၉-၂၀၁၄

အမေရိကန် ဦးဆောင်သော မဟာမိတ် တပ်ဖွဲ့ တိုက်လေယာဉ် များက ယမန်နေ့တွင် ဆီးရီးယားရှိ ISIS တို့ ထိန်းချုပ်သော ရွှေ့ပြောင်းလွယ် ရေနံသန့်စင် စက်ရုံ လေးခုနှင့် ကွပ်ကဲရေးဌာန တစ်ခုကို ဗုံးကြဲတိုက်ခိုက် ဖျက်ဆီး လိုက်ကြောင်း သိရသည်။ အမေရိကန်၊ ဆော်ဒီ နှင့် ယူအေအီး နိုင်ငံ တိုက်လေယာဉ် များက တိုက်ခိုက်ခဲ့ခြင်း ဖြစ်ပြီး ပစ်မှတ်များကို ထိမှန်ပျက်စီး ခဲ့ကြောင်း အမေရိကန် ဗဟိုကွပ်ကဲရေး ဌာနမှ ပြောခွင့်ရ ပုဂ္ဂိုလ်တစ်ဦးက ပြောကြားသည်။

တူရကီနယ်စပ် အနီး တဲအဘိုင်ယဒ် ရှိ ရေနံသန့်စင် စက်ရုံပေါက်ကွဲ မှုကြောင့် ညဥ့်ကောင်းကင်ယံ မှာလင်းထိန် သွားခဲ့ကြောင်း မျက်မြင် များက ဆိုသည်။ တစ်ချိန်တည်း တွင် ကိုဘာနီမြို့ နယ်စပ် တွင်လည်း မြေပြင် တိုက်ပွဲများ ပြင်းထန်စွာ ဖြစ်ပွား နေကြောင်း သိရသည်။

ISIS နှင့် ဆီးရီးယားကာ့ဒ် တိုက်ခိုက်ရေး သမားတို့၏ ကိုဘာနီတိုက်ပွဲ မှာ ရက်သတ္တပတ်ခန့် ကြာမြင့်နေပြီ ဖြစ်ကာ မြို့ထဲသို့  အမြောက်ဆန် ငါးခုထက် မနည်း ကျရောက် ပေါက်ကွဲခဲ့ပြီး တူရကီနယ်စပ် ပေါ်တွင်နှစ်ခု ရောက်ရှိ သွားသည်။ အဆိုပါ တိုက်ပွဲကြောင့် တူရကီ နိုင်ငံတွင်း သို့ ထွက်ပြေး သွားသော စစ်ဘေး ဒုက္ခသည်များမှာ ၁၄ဝဝဝဝ ဦးခန့် ရှိကြောင်းလည်း သိရသည်။

မဟာမိတ် တပ်ပေါင်းစုသည် ISIS ပစ်မှတ်များကို အဆက်မပြတ် တိုက်ခိုက်နေရာ လေကြောင်း တိုက်ခိုက်မှု စတင်ပြီး သုံးရက်မြောက်နေ့ ဖြစ်သော စက်တင်ဘာ ၂၅ ရက်က လည်း ဆီးရီးယားရှိ ISIS ရေနံသန့်စင် စက်ရုံ ၁၂ ခုထက်မနည်း ဖျက်ဆီးခဲ့ သေးကြောင်း သတင်း ထုတ်ပြန်ချက် များအရ သိရသည်။ ဆီးရီးယားရှိ ISIS ပိုင် ရွှေ့ပြောင်းလွယ် ရေနံသန့်စင် စက်ရုံ တစ်ခုသည် တစ်ရက်လျှင် အမေရိကန် ဒေါ်လာ ၂ သန်းခန့် အမြတ်အစွန်း ရရှိနိုင်ကြောင်း သိရသည်။

အမေရိကန် ဦးဆောင်သော ISIS ချေမှုန်းရေး မဟာမိတ် တပ်ပေါင်းစု တွင် နိုင်ငံပေါင်း ၄ဝ ခန့် ပါဝင်သည့် အနက် အာရပ်နိုင်ငံ များက ဆီးရီးယား အရှေ့မြောက်ဘက် နှင့် အီရတ် မြောက်ဘက် တို့ရှိ နယ်မြေ အမြောက်အမြား ကို တိုက်ခိုက် သိမ်းပိုက် ထားသော ISIS စစ်သွေးကြွ များကို ဆုံးခန်းတိုင်အောင် ချေမှုန်းပစ်ရန် ကတိကဝတ် ပြုထားကြောင်း သိရသည်။

#PyiChitThar
http://www.pyichitthar.com/2014/09/isis_36.html

Airstrikes Hit ISIS-Controlled Oil Refineries in Syria