သေမင်းကွန်ယက်အဖွဲ့ကို ဆက်တိုက်မယ်လို့ အိုဘားမားဆို

ကုလသမဂ္ဂ ​လုံခြုံရေး ​ကောင်စီ ​အစည်းအဝေးအတွင်း ​အမေရိကန် ​သမ္မတက ​IS ​အဖွဲ့ကို ​သေမင်း ကွန်ယက်အဖွဲ့လို့ ​ခေါ်ဆိုလိုက်ပြီး ​အဲဒီအဖွဲ့ကို ​တိုက်ခိုက် ချေမှုန်းရာမှာ ​ပါဝင်ကြဖို့ ​ကမ္ဘာ့ထိပ်သီး ​ခေါင်းဆောင်တွေကို ​ထပ်မံ ​တိုက်တွန်း လိုက်ပါတယ်။

အီရတ်နိုင်ငံနဲ့ ​ဆီးရီးယားနိုင်ငံအတွင်းက ​IS ​အဖွဲ့နဲ့ ​ပူးပေါင်းသူတွေ ​စစ်မြေပြင်ကနေ ​ထွက်ခွာလို့ရတုန်း ​ထွက်ခွာကြဖို့လည်း ​အမေရိကန် ​သမ္မတ ​ဘာရက် ​အိုဘားမားက ​ပြောလိုက်ပါတယ်။

ကုလသမဂ္ဂ ​အထွေထွေအတွင်းရေးမှူးချုပ် ​ဘန်ကီမွန်းကလည်း ​ဒီနှစ်မှာ ​ဖြစ်ခဲ့တဲ့ ​အဖြစ်အပျက်တွေကို ​ကြည့်ခြင်းအားဖြင့် ​ဥပဒေစိုးမိုးရေးက ​တိုက်ခိုက်ခံနေရသလို ​ဖြစ်နေတဲ့အတွက် ​ကုလသမဂ္ဂအဖွဲ့ရဲ့ ​မူအတွက် ​ဆိုး ​ဝါး ​တဲ့ ​နှစ် ​ဖြစ်တယ်လို့ ​ပြောလိုက်ပါတယ်။

ဂါဇာဒေသက ​အစ္စရေးနဲ့ ​ပါလစ္စတိုင်းအကြား ​ဖြစ်ခဲ့တဲ့ ​ပဋိပက္ခ၊ ​တောင်ဆူဒန်၊ ​မာလီ၊ ​ဆိုမားလီးယား၊ ​နိုင်ဂျီးရီးယားနိုင်ငံက ​ပြဿနာတွေနဲ့ ​သတ်ဖြတ်မှုတွေ ​ဖြစ်နေတဲ့ ​အီရတ်နဲ့ ​ဆီးရီးယား ​ပြဿနာတွေကို ​ကြည့်ြ့ပီး ​တရားဥပဒေ ​စိုးမိုးရေး ​တိုက်ခိုက်ခံနေရပြီလို့ ​ဘန်ကီမွန်းက ​ပြောသွားခဲ့တာပါ။

အီရတ်နဲ့ ​ဆီးရီးယားနိုင်ငံမှာဆိုရင် ​လူမဆန်တဲ့ ​ကြမ်းကြုတ်ရက်စက်မှုတွေကို ​တစ်နေ့ပြီး ​တစ်နေ့ ​တွေ့နေရပြီး ​ဒေသတွင်း ​တစ်ခုလုံးကိုပါ ​ထိခိုက်နစ်နာနေရတယ်လို့ ​ဘန်ကီမွန်းက ​ပြောပါတယ်။

ဆီးရီးယားအရေးနဲ့ ​ပတ်သက်ပြီး ​ကုလသမဂ္ဂလုံခြုံရေး ​ကောင်စီအတွင်း ​သဘောထားကွဲလွဲမှုတွေက ​ပြည်သူတွေကို ​ပိုမိုထိခိုက်နစ်နာစေပြီး ​လုံခြုံရေးကောင်စီရဲ့ ​ဂုဏ်သိက္ခာကိုလည်း ​ညိုးနွမ်းစေတယ်လို့ ​ဘန်ကီမွန်းက ​လုံခြုံရေးအစည်းအဝေးအတွင်း ​ပြောကြားတဲ့အကြောင်း ​အေဘီစီ ​သတင်းထောက် ​Michael ​Vincent ​က ​နယူးယောက်မြို့ကနေ ​သတင်းပေးပို့ထားပါတယ်။

အဲဒီ ​လုံခြုံရေးအစည်းအဝေးအတွင်း ​အကြမ်းဖက် ​အဖွဲ့တွေ ​ဝင်ငွေ ​မရရှိအောင် ​ဘယ်လို ​လုပ်ဆောင်မယ့်အကြောင်းတွေနဲ့ ​ပြဿနာ ​ဖြစ်နေတဲ့ ​အရှေ့အလယ်ပိုင်းဒေသကို ​သွားပြီး ​အကြမ်းဖက်သမားတွေနဲ့ ​ပူးပေါင်းမှုတွေ ​နည်းပါးအောင် ​ဘယ်လို ​လုပ်ဆောင်ကြမလဲ ​ဆိုတဲ့အကြောင်းတွေကို ​ဆွေးနွေးခဲ့ကြပြီး ​အားလုံးက ​သဘောတူညီခဲ့ကြပါတယ်။

ဘယ်လ်ဂျီယံနဲ့ ​နယ်သာလန်ကတော့ ​IS ​စစ်သွေးကြွ ​နှိမ်နင်းရေးမှာ ​သူတို့နိုင်ငံက ​စစ်လေယာဉ်တွေ ​စေလွတ်ဖို့ ​ဆန္ဒ ​ရှိတယ်လို့လည်း ​ပြောလိုက်ပါတယ်။

သြစတြေးလျက ​ဒီနှစ်အတွက် ​ကုလသမဂ္ဂ ​လုံခြုံရေး ​ကောင်စီ ​ဥက္ကဌအဖြစ် ​ဆောင်ရွက်နေတဲ့အတွက် ​သြစတြေးလျ ​ဝန်ကြီးချုပ်ကလည်း ​အစည်းအဝေး ​ဦးဆောင် ​တက်ရောက်နေပါတယ်။

လုံခြုံရေးကောင်စီအဖွဲ့ဝင် ​နိုင်ငံပေါင်း ​၈၀ ​နိုင်ငံထဲမှာ ​IS ​အဖွဲ့နဲ့ ​ပူးပေါင်းတိုက်ခိုက်မှု ​လုပ်နေတဲ့ ​နိုင်ငံသားတွေ ​ရှိတဲ့အတွက် ​အဲဒီလုပ်ရပ်တွေကို ​ရပ်တန့်အောင် ​လုပ်ဆောင်ဖို့လိုကြောင်း ​ဝန်ကြီးချုပ် ​တိုနီအာဘော့တ်က ​ပြောသွားခဲ့ပါတယ်။

ဗြိတိန်ကလည်း ​အထူးအစည်းအဝေးကျင်းပမယ်

တချိန်တည်းမှာပဲ ​IS ​စစ်သွေးကြွအဖွဲ့ ​နှိမ်နင်းရေးမှာ ​ဘယ်လို ​အခန်းကဏ္ဍမှာ ​ဝင်ပါသင့်သလဲ ​ဆိုတဲ့ ​ကိစ္စကို ​ဆွေးနွေးဖို့ ​ဗြိတိန်နိုင်ငံမှာ ​အရေးပေါ်အထူး ​အစည်းအဝေးတစ်ရပ် ​ကျင်းပမှာ ​ဖြစ်ပါတယ်။

ဗြိတိန်အနေနဲ့ ​အီရတ်နိုင်ငံက ​IS ​တပ်ဖွဲ့တွေကို ​ဝေဟင်ကနေ ​တိုက်ခိုက်ဖို့ကိုသာ ​ဦးစားပေးမှာ ​ဖြစ်ပြီး ​ဆီးရီးယားနိုင်ငံက ​IS ​အဖွဲ့ကို ​တိုက်ခိုက်မှုမှာတော့ ​ပါဝင်ဖို့ ​မရှိဘူးလို့ ​ဗြိတိန်ဝန်ကြီးချုပ် ​ဒေးဗစ်ကင်မရွန်းက ​ပြောသွားခဲ့ပါတယ်။

အခုလောလောဆယ် ​ဗြိတိန်က ​အီရတ်နိုင်ငံက ​Kurdish ​တပ်ဖွဲ့တွေကို ​စစ်လက်နက် ​ထောက်ပံ့မှုတွေ ​လုပ်ထားပါတယ်။

ABC Radio Australia
http://www.radioaustralia.net.au/burmese/2014-09-25/1372175

အမေရိကန် သမ္မတ ဘာရက်အိုဘားမား (Credit: Reuters)