မှုခင်းတွေ ထူပြောလာမှု ရန်ကုန်လွှတ်တော်မှာ အဆိုပြုဆွေးနွေး

ရန်ကုန်တိုင်း ဒေသကြီး အတွင်းမှာ အဖြစ်များလာတဲ့ လူသတ်မှု၊ အုပ်စုဖွဲ့ တိုက်ခိုက်မှု၊ လက်နက်ကိုင် ရမ်းကားမှုတွေကို ထိထိရောက်ရောက် ဥပဒေတွေနဲ့ အရေးယူ ပေးဖို့ အဆိုကို ဒီကနေ့ ရန်ကုန်တိုင်း ဒေသကြီး လွှတ်တော်က အတည်ပြုလိုက်ပါတယ်။

အဲဒီအဆိုကို ရန်ကုန်တိုင်း ဒေသကြီး လွှတ်တော် ကိုယ်စားလှယ် ဒေါ်စန်းစန်းဝင်းက တင်သွင်းခဲ့ တာဖြစ်ပါတယ်။ ရန်ကုန်တိုင်း ဒေသကြီး လုံခြုံရေးနဲ့ နယ်စပ်ရေးရာ ၀န်ကြီး ဗိုလ်မှူးကြီးတင်ဝင်းက ရန်ကုန်တိုင်း အတွင်းက အမှုအခင်းအားလုံးရဲ့ ၈၀ ရာခိုင်နှုန်းကို တရားခံ ဖော်ထုတ်နိုင်ခဲ့ပြီ ဖြစ်ကြောင်း အခုလို ပြောခဲ့ပါတယ်။

"ကျနော်တို့ ရန်ကုန်တိုင်းဒေသကြီး ရဲတပ်ဖွဲ့အနေနဲ့ လည်း ရန်ကုန်တိုင်းဒေသကြီးအတွင်း မှာ ဖြစ်ပေါ်လေ့ဖြစ်ပေါ်ထရှိတဲ့ ပြစ်မှုများ၊ ပြုလုပ်လေ့ပြုလုပ်ထရှိတဲ့ ပြစ်မှုအမျိုးအစားအလိုက် ထိထိရောက်ရောက် ကာကွယ်တားဆီးနိုင်စေရန် ဥပဒေနဲ့ ညီညွှတ်သော နည်းလမ်းပေါင်းစုံ အသုံးပြုပြီးတော့မှ ကာလတို၊ ကာလာ ရှည် စီမံချက်များ သုံးသပ်ရေးဆွဲပြီး မှုခင်းကြိုတင်ကာကွယ်ရေးကိစ္စရပ်များ ပြစ်မှုကျူးလွန်မှုအပေါ်မှာ ဖော်ထုတ် ဖမ်းဆီးပြီး တရားဥပဒေနဲ့အညီ တရားစွဲတင်ရေးကိစ္စရပ်များကို အပတ်တကုတ် ကြိုးစားဆောင်ရွက်လျှက် ရှိပါတယ်၊ နိုင်ငံတော်ရဲ့ အစီအမံနဲ့ ချမှတ်အကောင်အထည်ဖော်နေတဲ့ EU မှ ရဲတပ်ဖွဲ့အရာရှိများ ဦးစီးပြီးတော့မှ တရားဥပဒေ စိုးမိုးရေးဆိုင်ရာသင်တန်းတွေ၊ လုံခြုံရေးဆိုင်ရာသင်တန်းများ ဖွင့်လှစ်ဆောင်ရွက်လျှက်ရှိပါတယ်"

ရန်ကုန်တိုင်းဒေသကြီးအတွင်း ဖြစ်ပွားနေတဲ့ လူသတ်မှုနဲ့ တိုက်ခိုက်မှုတွေကို ရဲစခန်းတွေက အရေးယူဆောင်ရွက် တာ အားနည်းနေသလို တရားရုံးတွေက ချမှတ်တဲ့ပြစ်ဒဏ်တွေဟာ နည်းနေကြောင်း လွှတ်တော် ကိုယ်စားလှယ်တွေက ထောက်ပြကြပါတယ်။

RFA Burmese
https://www.facebook.com/pages/RFA-Burmese/39218993127