ယူကရိန်း အရှေ့ပိုင်းက ထွက်ပြေးသူ မြင့်တက်လာ

 ယူကရိန်း အရှေ့ဘက်ခြမ်းမှာ အစိုးရနဲ့ ရုရှားလိုလားသူ သူပုန်တွေ အကြား တိုက်ပွဲတွေ ဆက်လက် ဖြစ်ပေါ်နေတဲ့ အတွက် အဲဒီ ဒေသကို စွန့်ခွာ ထွက်ပြေး နေကြရသူတွေရဲ့ အရေအတွက် သိသိသာသာ မြင့်တက် လာနေတယ်လို့ ကုလ သမဂ္ဂက ပြောလိုက် ပါတယ်။

ပြီးခဲ့တဲ့ ၂ လ အတွင်း မှာတင် လုဟန့်စ်ခ် နဲ့ ဒွန်းညက်စ်ခ် ဒေသတွေကနေ လုံခြုံရေး ဆိုင်ရာ စိုးရိမ် ကြောင့်ကြ မှုတွေကြောင့် နေအိမ်ကို စွန့်ခွာ ထွက်ပြေးခဲ့ကြသူ ၁ သိန်းကျော် ရှိတယ်လို့ ကုလသမဂ္ဂရဲ့ ဒုက္ခသည်များ ဆိုင်ရာ အေဂျင်စီ UNHCR က ပြောပါတယ်။

နေ့စဉ် ပဋိပက္ခ ဖြစ်ပွားရာ နေရာကနေ ထွက်ပြေးသူ တစ်နေ့ကို ၁ ထောင် ကျော်တယ်လို့လည်း UNHCR က ဆိုပါတယ်။

ဒီလို ထွက်ပြေး နေရသူတွေဟာ ထောက်ပံ့ရေး ပစ္စည်းတွေ မစုံလင်တဲ့ ယာယီ နေရာတွေမှာ နေထိုင်နေရတယ်လို့လည်း UNHCR က ပြောသလို သောက်ရေ ပြတ်လပ်မှု အပါအဝင် တစ်ကိုယ်ရေ ကျန်းမာရေးအတွက် အသုံးအဆောင်တွေ၊ အိပ်ယာတွေလို အခြေခံ ပစ္စည်းတွေလည်း လောက်ငမှု မရှိဘူးလို့ သိရပါတယ်။

ဘီဘီစီ (မြန်မာပိုင်း)
http://www.bbc.co.uk/burmese/world/2014/08/140805_ukraine_displaced_unhcr.shtml

 ၂လအတွင်း ထွက်ပြေးသူ တသိန်းကျော် ရှိ