တရုတ်ကြေးနီစီမံကိန်းမှာ အလုပ်သမားတွေ ဆန္ဒပြ

 တရုတ်ပိုင် ဝမ်ပေါင်နဲ့ ယန်စီ သတ္တုတူးဖော် ထုတ်လုပ်ရေး ကုမ္ပဏီတွေနဲ့ မြန်မာ စစ်တပ်ပိုင် ဦးပိုင် ကုမ္ပဏီတို့ အကောင်အထည် ဖော်နေတဲ့ စံပါယ်တောင်-ကြေးစင်တောင် ကြေးနီ စီမံကိန်းက ဒေသခံ အလုပ်သမားတွေဟာ လုပ်ခလစာနဲ့ အခြား အခွင့်အရေး တွေကို အလုပ်သမားတွေကြား တန်းတူရရှိရေး အတွက် ဒီနေ့မနက်က ဆန္ဒပြတောင်းဆို ခဲ့ကြပါတယ်။

အဲဒီစီမံကိန်းမှာ ပထမအသုတ်အဖြစ် နိုင်ငံအနှံ့က ဘွဲ့ ရလူငယ်တွေကို တစ်လ အမေရိကန်ဒေါ်လာ ၃ ရာနဲ့ခန့်ထားပြီး၊ ဒုတိယအသုတ်အဖြစ် ဒေသခံဘွဲ့ရလူငယ်တွေကိုတော့ တစ်လ အမေရိကန်ဒေါ်လာ ၁၂၀ နဲ့ပဲ ခန့်မှာဖြစ်တဲ့အတွက် ဆန္ဒပြတောင်းဆိုတာလို့  အလုပ်သမားတစ်ဦးဖြစ်တဲ့ ကိုသန်းလွင်က RFA ကိုပြောပါတယ်။

"အဓိကတောင်းဆိုတာက လုပ်ခလစာတိုးမြှင့်ရရှိရေးပါ၊ အလုပ်သမားအားလုံး တန်းတူရည်တူ အခွင့်အရေးရရှိရေး၊ အလုပ်သမားအကျိုး ခံစားခွင့်အပြည့်အဝရရှိရေးပါ၊ အရှေ့ကအပတ်စဉ် ၁ ကျတော့ နေရာထိုင်ခင်းတွေ အကုန်အပြည့်အစုံပေးပြီးတော့ ဒေါ်လာ ၃ဝဝ ပေးတာပဲ၊ ကျနော်တို့ အပတ်စဉ်ကျမှ ၁၂ဝ ပဲပေးမှာဆိုတော့ ဒီလိုကွာခြားချက်တွေရှိလို့ပါ"

အဲဒီစံပါယ်တောင်၊ ကြေးစင်တောင် ကြေးနီစီမံကိန်းကနေ အရင်က တစ်ရက်ကို တန် ၇၀ ထုတ်လုပ်ခဲ့ပြီး အခုချိန်မှာတော့ ၂ ဆတိုး ထုတ်လုပ်နေတယ်လို့ ဆိုပါတယ်။ ဒီအတွက်တစ်ရက်ကို အလုပ်သမား ၃ ဆိုင်းနဲ့ ၂၄ နာရီလုံး စီမံကိန်းလည်ပတ်နေတာဖြစ်ပါတယ်။

ဒီအတောအတွင်းမှာပဲ လက်ပံတောင်းတောင် ကြေးနီးစီမံကိန်းဖက်မှာလဲ ဒေသခံရွာသားတွေက ဒီနေ့  ညနေ ၅ နာရီခွဲလောက်မှာ တောင်ကြည့်ပွဲလှုပ်ရှားမှုပြုလုပ်ခဲ့ပါတယ်။

RFA Burmese
https://www.facebook.com/pages/RFA-Burmese/39218993127