အိမ်မဲမှာ လယ်သိမ်းခံတောင်သူ ၁၉ ဦးကို ရုံးထုတ်စစ်ဆေး

 ပိုင်နက်ကျူးလွန်မှု၊ ခိုးမှု၊ လူစုလူဝေးနဲ့  ဝင်ရောက်မှုတွေနဲ့ ဖမ်းဆီးတရားစွဲ ခံထားရတဲ့ ဧရာဝတီတိုင်း အိမ်မဲမြို့နယ် ဆင်တိုးရွာက လယ်မား ၁၇ ယောက်နဲ့ ကျောင်းကုန်းမြို့နယ် ကုန်းရှန်းရွာက လယ်သမား ၂ ယောက်အပါအဝင် လယ်သမား ၁၉ ယောက်ကို ပန်းတနော်မြို့ နယ် တရားရုံးမှာ ဒီနေ့  ရုံးထုတ်စစ်ဆေး ခဲ့ပါတယ်။

ဒီကိစ္စနဲ့ပတ်သက်လို့  လယ်သမားရေးဆောင်ရွက်နေတဲ့ ကိုဇော်ရမ်းက RFA ကိုအခုလိုပြောပါတယ်။

"ပန်းတနော်မြို့နယ်မှာ လယ်သမားတွေအားလုံးက ကိုယ့်လယ်ယာမြေ ကိုယ်ပြန်လည်ထွန်ယက်ရင်းနဲ့ မတရားသိမ်းထားတဲ့ ခရိုနီနဲ့ တပ်၊ စစ်မှုထမ်းဟောင်းအဖွဲ့ကနေပြီးတော့ တရားလိုလုပ်ပြီး တရားစွဲတဲ့အတွက် လယ်သမားတွေက ငါးခိုးမှု၊ ပိုင်နက်ကျူးလွန်မှုနဲ့ လူစုလူဝေးလုပ်မှုတွေနဲ့ ရုံးထုတ်ခံရတယ်၊ ၁၉ ယောက်ပါ ၁၅ ရက်နေ့မှာ ရုံးချိန်းရှိတယ်"

အဲဒီဒေသမှာ လယ်မြေပြသနာကြောင့် တရားစွဲခံနေရတဲ့ လယ်သမား အယောက် ၂၀၀ ကျော်ရှိပြီး သူတို့ထဲမှာ ထောင်ချခံရပြီးတဲ့လယ်သမားက အယောက် ၆၀ ဝန်းကျင်လောက်ရှိတယ်လို့ ဆိုပါတယ်။

ပန်းတနော်မြို့ နယ်မှာ ဒေသခံစစ်တပ်၊ စစ်မှုထမ်းဟောင်းအဖွဲနဲ့  ပုဂ္ဂလိလုပ်ငန်းရှင်တွေ သိမ်းထားတဲ့ လယ်မြေဧက သောင်းနဲ့ချီရှိပြီး၊ အဲဒီထဲက ဧက ၈၀၀ ကျော်လောက်ကိုတော့ မူလလယ်သမားတွေကို တရားဝင်ပြန်လွှဲပြောင်းပေးပြီးပြီလို့ သိရပါတယ်။

RFA Burmese
https://www.facebook.com/pages/RFA-Burmese/39218993127