ရန်ကင်းလူသတ်မှု တရားခံက ရည်ရွယ်ချက်ရှိရှိ ကျူးလွန်သည်မှာ ထင်ရှား၍ေ သဒဏ်ချမှတ်

 ရန်ကုန် ဇူလိုင် ၂၂

ရန်ကင်းမြို့နယ် (၁၂)ရပ်ကွက်တွင် ဖြစ်ပွားခဲ့သော လူသတ်မှုမှ တရားခံချစ်ပိုကို သေသူအား အသေ သတ်ရန် ရည်ရွယ်ချက်ဖြင့် ကျူးလွန်ခဲ့သည်မှာထင်ရှားသဖြင့် သေဒဏ်ချမှတ်လိုက်ကြောင်း သိရသည်။
ရန်ကုန်တိုင်း ဒေသကြီး အရှေ့ပိုင်းခရိုင်တရားရုံးတွင် ယမန်နေ့ မွန်းလွဲ ၁ နာရီက တွဲဖက်ခရိုင် တရား သူကြီး (၄)က အပြီးသတ် အမိန့်ချမှတ်လိုက်ခြင်းဖြစ်သည်။

''တရားခံချစ်ပို ကန်ကျောက်လို့ နံရိုးကျိုး ဒဏ်ရာတွေ ရထားပြီး ယင်းဒဏ်ရာတွေကြောင့် ပြန်ခုခံနိုင်ခြင်း မရှိသည်ကို သိလျက်နဲ့ ထို နေရာမှထွက်သွားပြီး ဒုတိယဖြစ်စဉ်ကျူးလွန်ရန်နာရီဝက်ခန့်ကြာမြင့်ခဲ့လို့ ချစ်ပိုမှာ သတ်ရန်မသတ်ရန် စဉ်းစားဖို့ အချိန်ရရှိခဲ့တယ်လို့ သုံးသပ်မိ တယ်။ တားဆီးတဲ့သူတွေကိုလဲ ကျွန်တော့်ကိစ္စ ကျွန်တော်ရှင်း မယ်ဟု ပြောဆိုခဲ့ခြင်းမှာလဲ သတ် ရန်ဆုံးဖြတ်ခဲ့ခြင်းဖြစ်တယ်''ဟု သုံးသပ်ရရှိကြောင်း စီရင်ချက် အတွင်းပြောကြားခဲ့သည်။

''ဒဏ်ရာရထားသောသူကို ပုလင်းဖြင့်ရိုက်၊ ယင်းပုလင်းကွဲဖြင့် ရင်ဝကိုထိုး၊ဓားဖြင့်ခုတ်ခဲ့ခြင်းကို ကြည့်ခြင်းအားဖြင့် တရားခံက၄င်း လက်ချက်ဖြင့် ဒဏ်ရာရထားတဲ့သူ ကို အသေသတ်ဖို့ ဆုံးဖြတ်ချက်ချ ပြီးဖြစ်တယ်'' ဟု တွဲဖက်ခရိုင် တရားသူကြီး(၄)ကပြောသည်။
အဆိုပါဖြစ်စဉ်မှာ ယခုနှစ် မတ် ၁၅ ရက်ညက ရန်ကုန်တိုင်း ဒေသကြီး ရန်ကင်းမြို့နယ် (၁၂) ရပ်ကွက် မေတ္တာရိပ်သာလမ်းပေါ် တွင် ရန်ငြိုးရန်စမရှိသော်လည်း ပခုံးချင်းတိုက်မိပြီး အချင်းများရာ မှ ကိုမင်းမင်းဦးကို ဓားဖြင့်မသေ မချင်းခုတ်သတ်ခဲ့ခြင်းဖြစ်သည်။

တရားခံချစ်ပိုအား ပုဒ်မ ၃ဝ၂ (၁)(ခ)ဖြင့်စွဲချက်တင်ခဲ့ခြင်းဖြစ် ကာ စစ်ဆေးချက်သက်သေများ အရ ပြစ်မှုကျူးလွန်သည်မှာ ထင် ရှားသဖြင့် သေဒဏ်ချမှတ်လိုက် ခြင်းဖြစ်ကြောင်း၊ တရားခံဘက်မှ အယူခံဝင်လိုပါက စီရင်ချက်ချပြီး ခုနစ်ရက်အတွင်း ပြည်ထောင်စု တရားလွှတ်တော်သို့ လျှောက်ထား နိုင်ကြောင်းတွဲဖက်ခရိုင်တရားသူ ကြီး(၄)က အမိန့်ချမှတ်ရာ၌ ထည့် သွင်းပြောကြားခဲ့သည်။

တရားခံသည် ယခင်ကလည်း လူသတ်မှုကျူးလွန်ခဲ့ဖူးပြီး အသက် မပြည့်သေးသဖြင့် ကလေးသူငယ် ဥပဒေအရ အရေးယူခံခဲ့ဖူးကြောင်း စီရင်ချက်အတွင်း ထည့်သွင်းပြော ချက်အရသိရသည်။
ယင်းလူသတ်မှုကို ကန့်ကွက် ရှုတ်ချသည့်အနေဖြင့် ရပ်ကွက်နေ ပြည်သူများက မတ် ၂၈ ရက်က ကံဘဲ့ဘူတာရုံလမ်းမှ စတင်ကာ ရန်ကင်းရဲစခန်းရှေ့၌လူစုဝေး၍သစ္စာ လမ်းမကြီးတစ်လျှောက်ပြီး ညနေ ၃ နာရီမှ ၅နာရီအထိလမ်းလျှောက် ပြီးဆန္ဒထုတ်ဖော်ခဲ့ကြသည်။

ညွန့်ဝင်း
The Union Daily
https://www.facebook.com/pages/The-Union-Daily/139677556201764?fref=nf