ဘင်္ဂါလီတွေ ဘယ်သူပင့်

 Daily Eleven သတင်းစာကို လှန်ကြည့်လိုက်တော့ “ဗိုလ်ချုပ်မောင်မောင်အုန်း၏ ကားဟုဆိုကာ ဘင်္ဂါလီကိုးဦးအား တရားမ၀င် သယ်ဆောင်လာမှုတွင် အငြိမ်းစားရဲမှူးကြီး နှစ်ဦး၏ သားနှင့်သမီး ပါဝင်ပတ်သက်နေ” ဆိုတဲ့ ခေါင်းစဉ်နဲ့ သတင်းတစ်ပုဒ် ဖတ်လိုက်ရပါတယ်။ ၂၈.၆.၂၀၁၄ နေ့ သတင်းစာပါ။

ဗိုလ်ချုပ်မောင်မောင်အုန်းတောင် ရခိုင်ပြည်နယ် ၀န်ကြီးချုပ် လစာမထုတ်ရသေးခင် နာမည် အလွဲသုံးစား လုပ်မယ့်သူက ပေါ်လာနှင့်ပါပြီ။

ရခိုင်ရိုးမကို ဖြတ်ကျော်ပြီး ပြည်မဘက်ဝင်မယ့် ဂိတ် တစ်ခုမှာ ကားတစ်စီးကို လက်ထောက် လ၀ကမှူး တစ်ယောက်က စစ်ဆေးဖို့ တားလိုက်တာ။ ဒါ ဗိုလ်ချုပ် မောင်မောင်အုန်းရဲ့ကား၊ အစစ်မခံနိုင်ဘူးလို့ ငြင်းတယ် တဲ့ဗျ။ လ၀ကမှူးက တာဝန်အရမို့ အစစ်ခံဖို့ ပြောပြီး စစ် လိုက်တော့ ဘင်္ဂါလီ ၉ ယောက်တောင် မိသွားပါတယ်။ အငြိမ်းစားရဲမှူးကြီး နှစ်ဦးရဲ့ သားနဲ့သမီးတွေက ဘင်္ဂါလီ တစ်ယောက်ကို ၁၀ သိန်းနှုန်းနဲ့ လူကုန်ကူးလာတာပေါ့လေ။

ရဲမှူးကြီးတို့ ရဲမှူးကြီး သားသမီးတို့ စတဲ့ လက်နက်ကိုင် အဖွဲ့အစည်းတွေနဲ့ မိသားစုတွေဟာ သူများတွေထက် ပိုပြီး နိုင်ငံကို သစ္စာစောင့် သိသင့်တယ်။ လုပ်စားစရာရှားလို့ ပြဿနာရှာမယ့်သူတွေကိုမှ ပင့်လာရတယ်လို့။

ဗိုလ်ချုပ်ကြီးတွေ အုပ်ချုပ်နေတဲ့ နှစ်ပေါင်း ၅၀ ကျော် အတွင်းမှာ ဘင်္ဂလားဒေ့ရ်ှကနေ ဘင်္ဂါလီတွေ သန်းနဲ့ချီပြီး မြန်မာနိုင်ငံထဲ ရောက်လာကြတာပါ။ အထူးသဖြင့် စစ် ထောက်လှမ်းရေးတွေ အရှိန်ကောင်းခဲ့တဲ့ စစ်အာဏာရှင် လက်ထက်ကပေါ့။ အစွန်းရောက် အာဏာတွေနဲ့ အာဏာ ပါးကွက်သားတွေကလည်း ချေးပေါသေးပေါ ပေါခဲ့တာ ဆိုတော့ စောစောကီငေူပ နူနလနည သတင်းစာထဲကလိုပေါ့။ “ဗိုလ်ချုပ် ဘယ်သူရဲ့ကား စစ်စရာမလိုဘူး” တို့၊ “ဗိုလ်ချုပ် ဘယ်သူရဲ့ လူတွေ” တို့၊ “ရဲမှူးကြီး ဘယ်သူရဲ့ အမိန့်နဲ့” တို့၊ “နယ်စပ်ဖြတ်ပြီး မြန်မာပြည်ထဲဝင်ရင် ဘင်္ဂါလီတစ်ယောက် ကို ဘယ်နှသိန်းပေး” တို့၊ ဒီလိုနည်းတွေနဲ့ပဲ ဘင်္ဂါလီတွေ များလာပြီး ရခိုင်လူမျိုးတွေကို မျိုနေတာ လက်တွေ့ပဲလေ။ သူတို့က ရခိုင်ပြည်နယ်ကနေ ဘင်္ဂါလီ ပြည်နယ် လုပ်ချင် နေတာ။ နောက်တစ်ဆင့်က “ခရိုင်းမီးယား” ကျွန်းဆွယ်မှာလို မဲနဲ့ခွဲပြီး ဘင်္ဂလားဒေ့ရှ် လက်အောက် သွင်းချင်တဲ့ အကြံ၊ အကြံပက်စက် ဆန်ကောလောက်မှ ဇောက် မနက်။ ဒါတွေဟာ ဘယ်သူတွေ လက်ထက်မှာ ဘယ်သူတွေက တိုင်းပြည်ရောင်းစားပြီး ကိုယ်ကျိုးရှာကြလို့ ဖြစ်လာတဲ့ ပြဿနာတွေလဲဆိုတာ လယ်ပြင်မှာ ဆင်သွားတာထက် ထင်ရှားနေပါလျက် ဒီပြဿနာကို ကြံဖန် ဘော်လီဘော ပုတ်ပြီး ဒေါ်အောင်ဆန်းစုကြည်ဆီ မရောက်ရောက်အောင် ပို့လိုက်ပုံကတော့ အံ့သြလွန်းလို့ သေလောက်ပါတယ်။

ဒေါ်အောင်ဆန်းစုကြည် သမ္မတဖြစ်ရင်ပဲ ဘင်္ဂါလီတွေ ၀န်ကြီးချုပ်တွေ ဖြစ်ကုန်မယ့်ပုံ လုပ်ကြံပြောဆိုနေကြတာ ကတော့ အရူးပြော အရူးယုံ ဇာတ်လမ်းပါပဲ။ ဘယ်ကနေ ဘယ်လို ဆက်စပ်ပြီး အိုဗာတွေဖြစ်ပြီး ဇာတ်နာအောင် ဘယ်သူတွေကများ ဇာတ်ညွှန်းတွေ ရေးနေကြတာပါလိမ့်။

ဒေါ်အောင်ဆန်းစုကြည် ပယောဂကြောင့် မြန်မာနိုင်ငံထဲကို ဘင်္ဂါလီတစ်ယောက် မပြောနဲ့ တစ်ခြမ်းတောင် ရောက်မလာခဲ့ဖူးပါဘူး။

တစ်ခုတော့ရှိတယ်။ ဒေါ်အောင်ဆန်းစုကြည်ဟာ သူ သမ္မတဖြစ်ဖို့အတွက် “ဘင်္ဂါလီတွေကို မျိုးဖြုတ်ဖို့၊ ရိုက်ကြ၊ နှက်ကြ၊ မီးရှို့ကြဖို့” လုံးဝ လုံးဝ စာနာစိတ် ကင်းမဲ့စွာ ပါဝင် ပတ်သက်လိမ့်မယ် မဟုတ်ပါဘူး။

သူဟာ တရားဥပဒေ စိုးမိုးရေး ကော်မတီဥက္ကဋ္ဌအဖြစ် အလွန် လိုက်ဖက်ပါတယ်။ ဥပဒေကနေ သွေဖည်ပြီး ကိုယ်ကျိုးအတွက် ဘက်လိုက်ခြင်း၊ ဘက်ပြောင်းခြင်း၊ ဘာသာရေး မှိုင်းသွင်းခြင်း၊ မှိုင်းတိုက်ခြင်း၊ ခုတုံးလုပ်ခြင်း လုပ်မယ့်သူ မဟုတ်ပါဘူး။ ဒါကို သူ့ရဲ့ ပြိုင်ဘက်တွေကလည်း မသိမဟုတ် သိကြပါတယ်။ စိတ်ထဲမှာတော့ လေးစားကြမှာပါ။ ဒါကိုတောင် အားနည်းချက် သဘောထားပြီး ဒေါ်အောင်ဆန်း စုကြည် မနှစ်မြို့လို့ ရှောင်ကြဉ်မယ့်ဟာတွေ အားလုံး သူတို့ ကတော့ အကုန်လုပ်မယ့် သူတွေပါပဲ။ ပြည်သူတွေရဲ့ အသက်ကို သတ်ရဲတယ်ဆိုတာ သိပ်ကို ဆိုးဝါးတဲ့ စိတ်ဓာတ်မို့ ဒေါ်အောင်ဆန်းစုကြည်အနေနဲ့ စိတ်ကူးထဲတောင် ရှိမှာ မဟုတ်ပေမယ့် သူ့ရဲ့ ပြိုင်ဘက်တွေကတော့ လုပ်ရဲပါတယ်။ လုပ်လည်း လုပ်ခဲ့ပြီးပြီပဲ။ ရာထူး အခွင့် အာဏာအတွက် ကမ်းကုန်အောင် မိုက်မယ့်သူထဲမှာ ဒေါ်အောင်ဆန်းစုကြည် မပါပါဘူး။

အခု သူ ကြိုးစားနေတာဟာ ငြိမ်းချမ်းတဲ့ နည်း၊ ဆွေးနွေးတဲ့ နည်းနဲ့ “ကိုယ်ကျိုးအတွက် မိုက်ရဲသူများ” ကို “တိုင်းပြည်အတွက် လိမ္မာယဉ်ကျေးသူတွေ” ဖြစ်အောင် ကြိုးစားနေတာပါ။ ဆွေးနွေးခြင်း ဆိုတာဟာ အဆင့်မြင့်တဲ့ ယဉ်ကျေးမှုတစ်ခု ဖြစ်ပါတယ်။ အဆင့်မြင့်တဲ့ ယဉ်ကျေးမှုမှာ အားလုံး ပါဝင်လာဖို့ သူ ကြိုးစားမှာပါပဲ။

ဗိုလ်ချုပ်ကြီးနေ၀င်းကစလို့ တိုင်းပြည် ခေါင်းဆောင် အဖြစ် ကိုယ့်ဘာသာ ခန့်ပြီး အုပ်ချုပ်သွားသူများဟာ တာဝန်မကျေခဲ့တာ အများကြီးပါ။ အဲဒီထဲမှာ အဆိုးဆုံးက နောက်တက်လာမယ့် ခေါင်းဆောင်တွေအတွက် အတုယူ၊ နမူနာယူစရာ ကျင့်ဝတ်သိက္ခာနဲ့ အဆင့်မြင့်တဲ့ စိတ်ဓာတ်တွေ ပြမသွားနိုင်ခဲ့ပါဘူး။ ဦးသိန်းစိန် လက်ထက်မှာ အပေါ်ယံ ကိုပဲ ဦးစားပေးပြီး အတွင်းစိတ်ဓာတ်တွေ ပြောင်းလဲနိုင်ခဲ့တာ မမြင်ရပါဘူး။

အဲဒါဟာ တကယ့် ပြဿနာပါ။ တပ်မတော်သား အများစုရဲ့ အတွေးအမြင်က အပေါ်ယံကို ဦးစားပေးလေ့ ရှိပါတယ်။ သူတို့ရဲ့ အတွင်းစိတ်ဓာတ်တွေ မပြောင်းလဲဘဲ အပေါ်ယံ ပြောင်းပြလိုက်ရုံနဲ့ ပြည်သူလူထုက ယုံကြည် ကိုးစားလာလိမ့်မယ်လို့ ထင်ထားပုံရပါတယ်။ ဒါတွေဟာ သူတို့ရဲ့ မဟာဗျူဟာပိုင်း အားနည်းချက်လို့ ဆိုရမလား၊ ပြည်သူတွေအပေါ်မှာ လျှော့တွက်ထားတာလား တစ်ခု မဟုတ် တစ်ခုပါပဲ။

သမ္မတကြီးရဲ့ mindset

ဘင်္ဂါလီတွေ ၀င်လာတဲ့ ကိစ်္စမှာ တာဝန်ရှိသူတွေက ဘင်္ဂါလီ ပြဿနာနဲ့အတူ တခြား မွေးထားတဲ့ ဘာသာရေး ပဋိပက်္ခ တွေကို ဒေါ်အောင်ဆန်းစုကြည်ကို တိုက်ခိုက်ဖို့ လက်နက် အဖြစ် သုံးနေတာဟာ ခပ်ညံ့ညံ့ နိုင်ငံရေးကွက်လို့ ဆိုရမှာ ပါပဲ။ ဒါတွေကို ယုံကြည်ပြီး ဒေါ်အောင်ဆန်းစုကြည်ကို လူတွေ မုန်းကြလိမ့်မယ်လို့ ထင်ထားရင်တော့ မှားမှာပါပဲ။ စစ်ဗိုလ်ချုပ်ကြီးများဟာ ပြည်သူတွေရဲ့ နားမျက်စိကို ပိတ်ထားရာကနေ (မလွှဲမရှောင်သာ) ဖွင့်ပေးလိုက်ရပြီ ဖြစ်တဲ့အတွက် ပြောတိုင်းယုံတတ်တဲ့ ခပ်တုံးတုံး လူတွေ သိပ် မရှိတော့လို့ပါပဲ။

နှမြောစရာကောင်းတာကတော့ သမ်္မတကြီးရဲ့ အကြံပေး အဖွဲ့တွေကို ပေးနေရတဲ့ လစာတွေပါပဲ။ တိုင်းပြည်အတွက် အကျိုးရှိပြီး အလုပ်ဖြစ်မယ့် အကြံတစ်ခုတလေတောင် မထွက်လာဘူးဆိုတာ ပြည်သူ သန်း ၆၀ အသိပါပဲ။ ပြည်သူ တွေကလည်း အထင်ကို မကြီးကြပါဘူး။ ပုရောဟိတ်ကြီး များကလည်း တိုင်းပြည်အကျိုးထက် သမ္မတကြီး အာဏာ တည်မြဲရေး၊ အာဏာသက်ဆက်ရေးကိုပဲ ဇောင်းပေးနေကြ တယ် ဆိုတာလည်း သိသာလှပါတယ်။

သမ္မတကြီးရဲ့ mindset ကို ပြောင်းဖို့ ဆိုတာကတော့ သူတို့အတွက် တီကောင် ဆားနဲ့ တို့သလိုပါပဲ။ တစ်ခါ လာလည်း ပြည်သူတွေရဲ့ mindset ပြောင်းဖို့၊ ဗိုလ်ချုပ်ကြီး တွေက အာဏာကို ပါးစပ်ထဲလာခွံ့တဲ့အထိ စိတ်ရှည်ရှည်နဲ့ သည်းခံကြဖို့၊ ဗိုလ်ချုပ်ကြီးတွေရဲ့ စေတနာ နားလည်ပေးဖို့ ကိုပဲ ထပ်တလဲလဲ ပြောနေကြပါတယ်။ အကြံပေးဖို့ရာထက် ဒလန်လုပ်ပေးမယ်၊ ၀ါဒဖြန့်ပေးမယ်၊ အတိုက်အခံတွေရဲ့ မဟာဗျူဟာတွေ နည်းဗျူဟာတွေ မှားယွင်းကြောင်း ဟိုလို ထောက်ပြလိုက် သည်လို ထောက်ပြလိုက်လုပ်ရင်း ပြည်သူ တွေများ သမ္မတဘက် ပါလာမလား။ ဒါတွေပဲ ကြိုးစားနေပါတယ်။ သမ္မတကြီးရဲ့ mindset ဆိုတာက တခြား မဟုတ်ပါဘူး။ ဖွဲ့စည်းပုံ mindset ကြီးပါ။ ငါ လုပ်ထားတဲ့ ဖွဲ့စည်းပုံဟာ အကောင်းဆုံး၊ အမှန်ဆုံးဆိုတဲ့ mindset ၊ ဒီ ဖွဲ့စည်းပုံ အတိုင်းပဲ ဆက်သွားမယ်ဆိုတဲ့ mindset ပေါ့။

တကယ် သူတို့ လုပ်သင့်တာက သမ်္မတကြီးနဲ့တကွ ဗိုလ်ချုပ်ကြီးများရဲ့ အတွင်းစိတ် ပြောင်းလဲလာအောင် အကြံ ပြုနိုင်ရပါမယ်။ ဒါဆိုရင် သမ္မတနဲ့ ဗိုလ်ချုပ်ကြီးတွေ အတွက်လည်း ကောင်း၊ တိုင်းပြည်အတွက်လည်း ကောင်း လာမှာပါ။ လူတစ်ယောက်ရဲ့ အတွင်းစိတ်၊ အထူးသဖြင့် ခေါင်းဆောင် တစ်ယောက်ရဲ့ အတွင်းစိတ်က ဆန်းကြယ်တယ်။ ဒီအတွင်းစိတ်ကိုတော့ စာမတတ်တဲ့ နိုင်ငံသား တစ်ယောက်ကတောင် ခံစားနားလည်တယ်။ အပေါ်ယံ သကာအုပ်ပြီး ပြောရုံလောက်နဲ့တော့ ခုခေတ်မှာ ပွဲမတိုးနိုင် ပါဘူး။

နောက်ပြီး အရေးကြီးတဲ့ နေရာတွေမှာ ရောက်နေကြတဲ့ စစ်ဗိုလ်ချုပ်ကြီးများရဲ့ အတွင်းစိတ်တွေ မပြောင်းသေးတာ လည်း ပြည်သူတွေက သိနေကြတယ်။

မပြောင်းလဲတဲ့ အတွင်းစိတ်တွေကတော့ “ဒီနေရာကို ရောက်တုန်းရောက်ခိုက်မှာ ငါ့အနာဂတ်အတွက် စုဆောင်းထားရမယ်၊ ငါ့နောင်တော်တွေရဲ့ လမ်းစဉ်အတိုင်း၊ ခရိုနီတွေက တစ်ဆင့် လုပ်ပိုင်ခွင့်တွေကနေ ငွေတွေ သဲ့ယူထားရမယ်။ အရေးကြီးတာက တိုင်တဲ့သူ မရှိဖို့ရယ်၊ သမ္မတကြီး ဆုံးမ ပဲ့ပြင်တဲ့အတိုင်း နေတတ်ဖို့ရယ်၊ အသံမမြည်အောင် စားတတ်ဖို့ရယ် ဒါပဲ အရေးကြီးပါတယ်။ မီဒီယာတွေ ကိုတော့ ခြေလှမ်းအမှားကို စောင့်ပြီး ထောင်ထဲ ထည့်လိုက် ရုံပါပဲ” ဆိုတဲ့ အတွင်းစိတ်တွေပဲ ဖြစ်ပါတယ်။

ဒါကြောင့် သမ္မတ အကြံပေးများအား တိုင်းပြည် ကောင်းဖို့လည်း စဉ်းစားကြပါဦး၊ သမ်္မတကြီး အရိပ်ကို ခို၊ သမ္မတကြီး ပုဆိုးစ ဆွဲပြီး၊ ပုတ်သင်ညိုလုပ်လိုက်၊ အတိုက် အခံ ဘက်ကို မထိခလုတ် ထိခလုတ် ဝေဖန် တိုက်ခိုက်လိုက် ချည်း မလုပ်ကြဘဲ သမ္မတကြီးနဲ့ တိုင်းပြည် နှစ်ရပ်စလုံး ကောင်းဖို့အတွက် သမ္မတကြီးရဲ့ mindset ကို ပြင်ဖို့လည်း ရဲရဲဝံ့ဝံ့ ကြိုးစား ကြပါဦးလို့ တိုက်တွန်းလိုက်ရပါတယ်။

ကောင်းဆက်နိုင်
kaung125@gmail.com

ပြည်သူ့ခေတ်ဂျာနယ် အတွဲ - ၄၊ အမှတ် - ၂၀၃ ဆရာကောင်းဆက်နိုင် ဆောင်းပါး