- ပြည်နယ်ခုနစ်ခုတွင် PR စနစ် ဆန့်ကျင်ရေး ဆန္ဒပြမည်

 ရန်ကုန်၊ PRစနစ် ကျင့်သုံးခြင်းအား ဆန့်ကျင်သည့် အနေဖြင့် တိုင်းရင်းသား ပါတီ ညီနောင်တိုင်းရင်းသား ပါတီများ ဖက်ဒရေးရှင်း NBF မှ ပြည်နယ် ခုနစ်ခုတွင် PRစနစ်ဆန့်ကျင်သည့် ဆန္ဒပြပွဲများ ယခုတစ်ပတ် အတွင်း ပြုလုပ်သွားမည် ဖြစ်ကြောင်း သိရ သည်။

တိုင်းရင်းသားပါတီ ၂ဝ စုပေါင်း ဖွဲ့စည်းထားသည့် NBF အနေဖြင့် ဆန္ဒပြပွဲများ ပြုလုပ်သွားမည်ဖြစ်ပြီး ပြည်သူများ PR စနစ်၏ ဆိုးကျိုးများ သိစေရန် ဦးစွာဟောပြောပွဲများပြု လုပ်မည်ဖြစ်ကြောင်း NBF အဖွဲ့ဝင် ကျားဖြူပါတီမှ အတွင်းရေးမှူးဦးစိုင်း အောင်မြင့်ခိုင်က ပြောသည်။

''ကျွန်တော်တို့ဘက်ကတော့ နေ ပြည်တော်ကို ကနေ့ စာတင်ထားပါ တယ်။ ကျောက်မဲမှာ လာမယ့်သော ကြာနေ့ မတိုင်ခင်လုပ်ဖြစ်ပါ့မယ်''ဟု ယင်းကပြောသည်။

အချိုးကျကိုယ်စားပြုစနစ်အား အမျိုးသားလွှတ်တော်မှ ကျင့်သုံးရန် အတည်ပြုလိုက်ပြီဖြစ်သည့်အတွက် ပြည်သူလူထုအား အဆိုပါစနစ်ဖြစ် ပေါ်လာနိုင်မည့် အကျိုးသက်ရောက် မှုများကိုသိရှိစေရန်ရှင်းပြ၍ ဆန္ဒထုတ် ဖော်သွားမည်ဖြစ်ပြီး ရှမ်းပြည်နယ်၊ ရခိုင်ပြည်နယ်၊ ချင်းပြည်နယ်၊ ကရင်ပြည်နယ်၊ မွန်ပြည် နယ်နှင့် ကချင်ပြည်နယ်တို့တွင် ပြု လုပ်သွားမည်ဖြစ်ကြောင်း သိရသည်။

ဆန္ဒပြပွဲပြုလုပ်မည့် ပြည်နယ် များအနက် ကချင်ပြည်နယ်တွင်ပြုလုပ် ရန်ကိုမူ လမ်းပန်းဆက်သွယ်ရေးနှင့် အခြားကိစ္စရပ်များကြောင့် ညှိနှိုင်းဆဲ အခြေအနေတွင်ရှိနေပြီး ကျန်ပြည်နယ် များတွင် သက်ဆိုင်ရာပြည် နယ်များရှိ ပါတီများမှ ခွင့်ပြုမိန့်တင်ပြီးဖြစ်ကြောင်း NBF အဖွဲ့ဝင်များ ထံမှသိရသည်။

အချိုးကျကိုယ်စားပြုစနစ်ကျင့် သုံးမည်ဆိုပါက လာမည့်ရွေးကောက် ပွဲများတွင် မှန်ကန်စွာဆန္ဒပြုနိုင်မှုအား နည်းနိုင်ကြောင်းကိုလည်း NBF အဖွဲ့ ဝင်ဖလုံ-စဝေါ်ဒီမိုကရက်တစ်ပါတီ မှဇွန်လအတွင်း ကြေညာချက်ထုတ် ပြန်ခဲ့သည်။

PR စနစ်ကို အမျိုးသားလွှတ် တော်တွင် ကျင့်သုံးမည်ဆိုပါက အမျိုး သားလွှတ်တော်ရှိ လွှတ်တော်ကိုယ် စားလှယ် ၁၆၈ နေရာအတွက်ဆန္ဒမဲ ပေးပိုင်ခွင့်ရှိသူခန့်မှန်း ၃၅ သန်းကို အချိုးချရမည်ဖြစ်ပြီး လွှတ်တော်ကိုယ် စားလှယ်တစ်ဦးအနေဖြင့် မဲအရေအ တွက် နှစ်သိန်းရရှိနိုင်မှသာ လွှတ်တော် တွင် ဝင်ရောက်နိုင်မည်ဖြစ်သည်။ ထို သို့ အချိုးချရွေးချယ်မည်ဆိုပါက တိုင်း ရင်းသား အများစုလွှတ်တော်တွင်း ဝင်ရောက်ရန်ခက်ခဲနိုင်ကြောင်း NBF အဖွဲ့ဝင်ပါတီများကဆိုသည်။

အမျိုးသားလွှတ်တော်တွင် အဆို ပါ PR စနစ်ကို ထောက်ခံသူ ၁၁၇ ဦး ရှိပြီးကန့်ကွက်သူ ၈၅ ဦးရှိခဲ့သည်။

ထောက်ခံသူများမှာ ကြံ့ခိုင်ရေး ပါတီကိုယ်စားလှယ်များမှဖြစ်ပြီး တပ်မတော်သားနှင့် တိုင်းရင်းသားပါတီ များမှ လွှတ်တော်ကိုယ်စားလှယ်အချို့ မှကန့်ကွက်ခဲ့ကြခြင်းဖြစ်သည်။

အဂ္ဂမင်း - ရန်ကုန်တိုင်းမ်ဂျာနယ် အတွဲ(၁၀) အမှတ် (၂၄)။
Yangon Media Group