တရုတ်ယဉ်ကျေးမှုဌာနများ မြန်မာတွင်ဖွင့်မည့်ကိစ္စ ဝေဖန်မှုများရှိ

 တနင်္လာနေ့၊ ဇွန်လ ၃၀ ရက်၊ ၂၀၁၄ ခုနှစ်

 တရုတ်နိုင်ငံသို့ ရောက်ရှိနေသည့် သမ္မတဦးသိန်းစိန်သည် တရုတ်သမ္မတ ရှီကျင့်ဖျင်နှင့် တွေ့ဆုံစဉ် အပြန်အလှန် ယဉ်ကျေးမှုစင်တာများ ဆောက်လုပ်ရန် သဘောတူညီမှုလက်မှတ်များ ရေးထိုးခဲ့ကြသည့်အတွက် မြန်မာနိုင်ငံတွင် တရုတ်ယဉ်ကျေးမှုဌာနများ ရှိလာတော့မည်ဖြစ်သည်။

“ဒီတစ်ခေါက် လာရောက်တဲ့ အဓိကရည်ရွယ်ချက်ကတော့ ရှိနှင့်ပြီးသား အပြန်အလှန်ဆက်ဆံရေးနဲ့ ရင်းနှီးမှုတွေရဲ့ ခိုင်မာဖွံ့ဖြိုးလာအောင် မြှင့်တင်ဖို့ပါပဲ”ဟု ဦးသိန်းစိန်က ဆိုသည်။

မြန်မာနိုင်ငံတွင် တရုတ်အစိုးရ၏ လုပ်ပိုင်ခွင့်ဖြင့် လုပ်ကိုင်နေသည့် စီမံကိန်းများစွာ ရှိနေပြီး မြန်မာလူထုအနေနှင့်လည်း တရုတ်အကျိုးပြုလုပ်ငန်းများဟုဆိုကာ ဆန္ဒပြမှုများ၊ ဝေဖန်ကန့်ကွက်မှုများ ရှိနေချိန်တွင် သမ္မတဦးသိန်းစိန်က သဘောတူညီခဲ့ခြင်းဖြစ်သည်။

“စစ်အစိုးရခေတ်မှာတော့ အစိုးရနဲ့ ဆက်ဆံလို့ အဆင်ပြေရင် လုပ်ချင်တာလုပ်လို့ရတာကိုး ဒီမိုကရေစီခေတ်ဘက်ကျတော့ အစိုးရတစ်ရပ်နဲ့ ပြေလည်တိုင်း စိတ်ကြိုက်လုပ်လို့ မရတော့ရဘူး။ ဒါကြောင့် ပြည်သူကိုပါ စည်းရုံးရမယ်ဆိုတဲ့ အတွေးအမြင်တွေ သူ့မှာရသွားလို့ တစ်ဖက်လှည့်အနေနဲ့ သူတို့အကျိုးစီးပွားတွေ မယုတ်လျော့အောင် ဖန်တီးတော့မယ်ဆိုတာ ဒီယဉ်ကျေးမှုစင်တာတွေ လာဖွင့်တော့မယ်ဆိုတာ လုပ်ရပ်တွေပါပဲ”ဟု အမျိုးသားဒီမိုကရေစီအင်အားစုပါတီမှ ဦးခင်မောင်ဆွေက ဆိုသည်။

သမ္မတဦးသိန်းစိန်သည် တရုတ်သမ္မတနှင့်အတူ သဘောတူညီမှုများစွာ လက်မှတ်ရေးထိုးခဲ့ကြသည်ဟုဆိုသော်လည်း အခြားသဘောတူညီများကို ထုတ်ပြန်ခဲ့ခြင်း မရှိပေ။

“ကိုယ့်ယဉ်ကျေးမှုကို ဆောင်ရွက်ဖို့တောင်မှ ကျွန်မတို့ဆီမှာ ဒီကနေ့အားလုံး ကြိုးစားရတဲ့ကာလအတွင်းမှာ သူများ တိုင်းပြည်ရဲ့ ယဉ်ကျေးမှုကို ကိုယ့်တိုင်းပြည်ထဲကို သွတ်သွင်းလာကြမယ်ဆိုရင်တော့ ဒါကတော့ စဉ်းစားစရာတွေ ရှိနေတာပေါ့။ ဒါကတော့ အလွယ်တကူ ခွင့်မပြုသင့်တဲ့ ကိစ္စတွေပါပဲ”ဟု လွှတ်တော်အမတ် ဒေါ်ခင်စန်းလှိုင်က ပြောသည်။

ထို့ပြင် မြန်မာနိုင်ငံ၏ မြို့တော်ဟောင်းဖြစ်သည့် မန္တလေးကိုလည်း တရုတ်မြို့တော်ဟုပင် အခေါ်ခံနေရသည့်အတွက် မန္တလေး မြို့တော်ဝန်က တရုတ်အမည်ပါဝင်သည့် ဆိုင်းဘုတ်များ မတပ်ကြရန် အမိန့်ထုတ်ပြန်ဖူးသည်။

“တရုတ်ယဉ်ကျေးမှု စင်တာဖွင့်တာနဲ့ တရုတ်ရဲ့စီးပွားရေး ရင်းနှီးမြှပ်နှံမှုတွေနဲ့က တိုက်ရိုက်မသက်ဆိုင်ပါဘူး။ ဆိုလိုတာက တရုတ်ယဉ်ကျေးမှုစင်တာ ဖွင့်ဖွင့်မဖွင့်ဖွင့် တရုတ်ရင်းနှီးမြှပ်နှံမှုတွေက ရှိနေမှာပဲ။ တရုတ်ရဲ့ ရင်းနှီးမြှုပ်နှံမှုတွေမှာ ဒီဒေသခံတွေရဲ့ အကျိုး၊ တိုင်းပြည်ရဲ့ အကျိုးကို တကယ်ဖြစ်ထွန်းဖို့လိုတယ်”ဟု နိုင်ငံရေး လေ့လာသူ ဦးကျော်လင်းဦးက ပြောသည်။

ထို့ပြင် တရုတ်ရင်းနှီးမြှုပ်နှံမှုများ ၀င်ရောက်လာသော်လည်း ရင်းနှီးမြှုပ်နှံမှုသာမကဘဲ တရုတ်လူမျိုးတွေပါ မှတ်ပုံတင် အတုများဖြင့် မြန်မာနိုင်ငံအနှံ့ ခြံမြေများ လိုက်လံဝယ်ယူနေသည့် ကိစ္စများသည် ပို၍ ကြောက်စရာကောင်းပြီး အစိုးရက ယင်းကို နားလည်ရန် လိုအပ်သည်ဟု ဦးကျော်လင်းဦးက ဆိုသည်။

ဇွန် ၂၇ ရက်၊ သောကြာနေ့က အဆိုပါ တွေ့ဆုံမှုတွင် နှစ်နိုင်ငံယဉ်ကျေးမှုဌာနများ အပြန်အလှန်ဖွင့်ကြရန် သဘောတူညီခဲ့ကြသည့်အတွက် မြန်မာနိုင်ငံကလည်း ယဉ်ကျေးမှုဌာနများကို တရုတ်နိုင်ငံတွင် ဖွင့်လှစ်ခွင့်ရရှိမည်ဟု မျှော်လင့်ရသည်။

မြတ်ကျော်သူ၊ ကျော်စွာဝင်း
Mizzima - News in Burmese