မန္တလေးထောက်ပို့တပ်သိမ်းခဲ့တဲ့ ဧက ၃၀၀၀ ပြန်ရရေး စဥ့်ကူးမှာ ဆန္ဒပြထွန်ယက်

 မန္တလေးတိုင်း ဒေသကြီး ပြင်ဦးလွင်ခရိုင် စဥ့်ကူးမြို့နယ် ညောင်ဝန်းကျေး ရွာမှာ စစ်တပ်က နှစ်ပေါင်းများစွာ သိမ်းယူထားခဲ့တဲ့ လယ်မြေတွေမှာ ဒီနေ့ ညောင်ဝန်းကျေးရွာ လယ်သမားတွေက ၀င်ရောက်ထွန်ယက်ခဲ့ကြ ပါတယ်။

လွန်ခဲ့တဲ့ ၁၉၇၂ ခုနှစ်က မန္တလေးနန်းတွင်း ထောက်ပံ့ရေးနဲ့ ပို့ဆောင်ရေး တပ် ၁၂၁ က စဥ့်ကူးမြို့ ညောင်ဝန်းကျေးရွာက လယ်မြေဧက ၃ ထောင်ကျော် ကို သိမ်းဆည်းခဲ့ပြီး ၁၉၉၅ ခုနှစ်မှာ ဂရိတ်ဝေါ ကုမ္ပဏီကို လုပ်ပိုင်ခွင့်လွှဲပြောင်းပေးခဲ့တယ်လို့ သိရပါတယ်။ ဒီနေ့ ထွန်ယက်ခဲ့တဲ့ ညောင်ဝန်းကျေးရွာ သား ဦးခင်မောင်ဌေးက အခုလိုပြောပါတယ်။

"ကျနော်တို့ကတော့ ကျနော်တို့ ဘိုးဘွာတွေ ခုတ်ထွင်ရှင်းလင်းထားခဲ့ တဲ့ မြေယာဧကတွေကို ကျနော်တို့ တောင်သူလယ်သမားတွေ မျှဝေ ခံစားပြီးတော့ လုပ်ကိုင်စားသောက်ကြဖို့ ကုမ္ပဏီက သိမ်းထားတာတွေရေ ၁၂၁ သိမ်းထားတာတွေရော အဲ့ဒါတွေကို ပြန်လည်ရအောင် ကျနော် တို့လုပ်ပြီးတော့ ငွေရော်ကြးပေးတောင်မှ ကျနော်တို့ ငွေကိုမလိုဘူး၊ ကျနော်တို့ လူထုအတွက် ဖူလုံမှုတိုက်ပွဲ လုပ်ကြတာဖြစ်တယ်"

စစ်တပ်က သိမ်းထားခဲ့တဲ့ လယ်မြေဧက ၃ ထောင်ကျော်မှာ ညောင် ၀န်းကျေးရွာက ရာနဲ့ချီတဲ့ တောင်သူတွေက နွားအရှဉ်း ၇၀ ကျော် နဲ့ ထွန်ယက်ခဲ့တာလို့ သိရပါတယ်။

အဲဒီ တောင်သူတွေဟာ စစ်တပ်က လုပ်ပိုင်ခွင့် လွှဲပြောင်းပေးခဲ့တဲ့ ဂရိတ်ဝေါကုမ္ပဏီက ကြံစိုက်ခင်း တွေမှာ နေ့စားအလုပ်သမားတွေအဖြစ် နှစ်ပေါင်းများစွာ လုပ်ကိုင်ခဲ့သူတွေလည်း ဖြစ်ပါတယ်။

RFA Burmese