အေးအတူ ပူအမျှ တို့ဘဝလေးတွေ

 ရန်ကုန်မှာ မိုးတွေရွာသည်။ ပိတောက်ပန်းတွေလည်း ခုမှပွင့်သည်တဲ့။ မိုးရွာပေမယ့် အပူဒဏ်ကမသက်သာသေး။ ဘာပဲဖြစ်ဖြစ် မိုးကလေးတစ်ပြိုက်နှစ်ပြိုက် ရွာချလိုက်သဖြင့် ရန်ကုန်သူ၊ ရန်ကုန်သားတွေကျေနပ်သွားကြ သည်။

မိုးရွာပြီး လေအေးလေးတွေ တိုက်လာ၍ ဝမ်းသာမည်ကြံတုန်း ရှိသေးသည်။ မီးကဖျတ်ခနဲပြတ် သွားပြန်သည်။ ယခု ရန်ကုန်သူ အိမ်ရှင်မတွေက မီးပြတ်တော့ မည်ကိုကြိုတင်ခန့်မှန်းနေတတ် ကြပြီဖြစ်သည်။ ကောင်းကင်ပြင် ကြီးမဲမှောင်လာကာ မိုးကြိုးတွေ ပစ်၊ လျှပ်စီးတွေလက်လာပါက ‘‘ထမင်းအိုးမြန်မြန်တည်ကြဟေ့ ...မီးပြတ်တော့မယ်’’ဟု မိုးလေဝသအခြေအနေကို မခန့်မှန်းတတ်သော်လည်း လျှပ်စစ်ဝိသေသအခြေအနေကို ရာခိုင်နှုန်းပြည့် ခန့်မှန်းတတ်နေပြီဖြစ်သည်။ ဟုတ်လည်းဟုတ်ပါ၏။ မိုးကလေး တစ်ပေါက်၊ နှစ်ပေါက်ကျကာ လေကလေး ခပ်ပြင်းပြင်းတစ် ချက်မွှေ့လိုက်သည်နှင့် မီးကပြတ်သွားတော့သည်။ သြော်... တော်ပါပေ့ ရန်ကုန်အိမ်ရှင်မများ...။

မိုးရွာ၊ လေတိုက်၍ မီးပြတ် သွားသည်ကို လက်ခံနိုင်သော်ငြား မိုးတိတ် လေစဲပြီးနောက် အချိန် အကြာကြီးကြာသည်အထိ မီး မလာခြင်းကိုကား မည်သို့နား လည်ရမှန်းမသိတော့ပါ။ တစ်နွေ လုံးပူထားသည့်အပူက မိုးတစ် ကြိမ်နှစ်ကြိမ်ရွာရုံမျှဖြင့် အေးနိုင် ပါ့မလား။ မိုးရွာပြီးလည်း ချွေးက တစိုစို၊ မီးပြတ်ပြန်တော့ ပန်ကာလည်းဖွင့်လို့မရ၊ အဲကွန်းလည်း ဖွင့်ဖို့မလွယ်။ ရေခဲသေတ္တာထဲကရေကလည်း တဖြည်းဖြည်း ပူလာ။ ထိုသို့နှင့် တစ်ညလုံးကောင်း ကောင်းမအိပ်ရဘဲ မိုးလင်းသွား တော့မှ ကိုရွှေမီးကပြန်လာရှာ တော့သည်။

ယခုရက်ထဲ စာနယ်ဇင်းတွေ မှာ မီတာခတိုးတောင်းပြီးနောက် လျှပ်စစ်မီးတွေ ခဏခဏပျက် ကြောင်းရေးသားကြသည်။ ကာတွန်းဆရာတွေကလည်း ထိထိမိမိသရော်ကြ၏။ စာရေးသူ၏ချစ်ဇနီးကလည်း မီးပြတ်သည် နှင့် ဘယ်အချိန်မီးပြန်လာမှာ လဲ အီးပီစီကိုဖုန်းဆက်ဟူ၍ အမြဲတပ်လှန့်လေ့ရှိ၏။ ပြဿနာ စသည်မှာ ကိုယ့်မြို့နယ်က လျှပ် စစ်ဓာတ်အားပေးရေးဘုတ်အဖွဲ့ ရုံး (အများအခေါ် EPC)၏ဖုန်း နံပါတ်ကိုမသိခြင်းပင်ဖြစ်သည်။ ရန်ကုန်လမ်းညွှန်ကြီးကိုဆွဲလှန်၍ ရှာသော်လည်း မီးပြတ်နေ၍ ထို စာမျက်နှာပေါ်ရှိ စာလုံးသေးသေး လေးတွေကိုမမြင်ရ။ စာရေးသူ၏ အခက်အခဲကို မကြည့်ရက်သူ သားတော်မောင်က ‘‘ဖေဖေက လည်း လိုချင်တာမေး 1876 ရှိ တယ်လေ’’ဟုဆိုကာမှ သြော်... ဟုတ်သားပဲဟု သတိရကာ တစ်ခါမျှဖုန်းမဆက်သွယ်ဖူးသော 1876 ကြီးဆီသို့ အားကိုးတကြီးဆက် သွယ်မိတော့သည်။

‘‘မင်္ဂလာပါရှင် ဝမ်းအိတ်ဆဲ ဗင်းဆစ်မှ ကြိုဆိုပါတယ်ရှင်။ မြန်မာဘာသာဖြင့်ဖြေဆိုလိုပါက နံပါတ် (၁)ကိုနှိပ်ပါ။ call center သို့အကြံပြုလိုပါက နံပါတ်(၁) ကိုနှိပ်ပါ။ ယခုခေါ်ဆိုမှုအတွက် တစ်မိနစ်လျှင် (၃၀)ကျပ် ကျသင့် ပါသည်ရှင်’’စသည်ဖြင့် နိဒါန်း တွေချီနေပြီး ကိုယ်မေးချင်သော အကြောင်းအရာကိစ္စရောက်ခါမှ Call Center မှမအားသေးပါရှင်၊ နောက်တစ်ကြိမ်ဆက်သွယ် ကြည့်ပါရှင်ဆိုပြီး ဖုန်းကျသွား တော့သည်။ ဤသို့ဖြင့် သူတို့ပြော သည့်အတိုင်း နောက်တစ်ကြိမ်၊ နောက်တစ်ကြိမ်ဖြင့် အကြိမ် ပေါင်း(၂၀)ခန့်ကြာပြီး ငွေတစ် ထောင်ဖိုးလောက်ခေါ်တော့မှ Call Center 1879 မှဖုန်းနံပါတ် ရခဲ့ရ၏။ လျှပ်စစ်ရုံးဖုန်းနံပါတ် လိုချင်၍သာ တော်တော့သည်။ ရဲစခန်းဖုန်းနံပါတ်၊ လူနာတင် ကားဖုန်းနံပါတ်တို့ကို အရေး တကြီးလှမ်းမေး၍ ထိုမျှကြာနေ လျှင် ခက်ရချည့်ဟုတွေးမိသည်။

ထိုသို့နှင့် လျှပ်စစ်ရုံးဖုန်း နံပါတ်ရ၍ အားတက်သွားကာ အလျင်အမြန်လှမ်းဆက်ကြည့် တော့ ဖုန်းကမအားသေးပြန်။ အားပြန်တော့လည်း နောက်ထပ် ဖုန်းနံပါတ်တစ်ခုပေးကာ ဓာတ် အားခွဲရုံသို့ဆက်ပါဟူ၍ ဆက်ရ ပြန်၏။

  ဤသို့ တစ်ဌာနတည်းမှ နေရာပေါင်းများစွာသို့ ဖုန်းဆက် သွယ်ပြီးကာမှ လေတိုက်၍ သစ် ပင်လဲကာ ဓာတ်ကြိုးပေါ်ကျ၍ မီးပြတ်ခြင်းဖြစ်ကြောင်း သတင်း ရတော့သည်။ ဘယ်နှနာရီ မီးပြန် လာမှာလဲဆိုတော့ သစ်ပင်ရှင်းပြီး လျှင် ပြန်လာမှာပါဟု ဖြေရှာလေ သည်။

 မနက်ဖြန်မိုးရွာမည်၊ ရွာ ရန်ရာနှုန်း ၅၀ ဖြစ်သည်ဟူသော ခန့်မှန်းချက်မျိုးကဲ့သို့ ‘မိုးရွာလျှင် ရွာမည်၊ မရွာလျှင်မရွာဘူး’ဟု ဆို လိုသောအဓိပ္ပာယ်မျိုးနှင့်ခပ်ဆင် ဆင်တူနေလေ၏။

ဤသို့ မိုးရွာ၊ မီးပြတ်၊ နေပူ ရေရှားဟူသော သဘာဝမကျ တကျဖြစ်စဉ်ကြီးအတွင်း နေထိုင် နေစဉ်တွင် မိတ်ဆွေတစ်ဦးက လူတွေလည်းသေပြီးပြီ။ ရေငတ် တဲ့လူတွေလည်း ငတ်နေပြီ။ မိုး မြန်မြန်ကျဖို့ကောင်းပြီဟုညည်း တွားလာ၏။ စာရေးသူလည်း သတင်းစာဖတ်၊ ဂျာနယ်ဖတ်အား ကိုးဖြင့်‘‘မိုးကျဖို့ဆိုတာ မုတ်သုံ လေဝင်မှ ကျမှာဗျ။ မုတ်သုံလေဝင်ဖို့ဆိုတာ မိုးကြိုမုန်တိုင်းဝင်မှ နောက်ကနေလိုက်ဝင်လာတာ။ တကယ်တော့ မုတ်သုံလေ ဆိုတာ မိုးကြိုမုန်တိုင်းရဲ့သတို့သမီးဗျ’’ဟု တတ်သလောက် မှတ်သလောက်ရှင်းပြလိုက်တော့ မှ ‘‘ဟင်...ဒါဆို မိုးကျဖို့မုန်တိုင်း အရင်အတိုက်ခံရဦးမှာလား’’ဟု ထပ်မံညည်းတွားပြန်တော့၏။

နေ့စဉ်သတင်းစာနှင့် ရုပ်မြင်သံကြားသတင်းများ၌ မိုးလေဝသ သတင်းများကို ပြည်သူလူထုပိုမို စိတ်ဝင်စားလာခြင်းသည် နာဂစ် မုန်တိုင်းတိုက်ခိုက်ပြီးမှဟုဆိုရ မည်ဖြစ်သည်။ ယခုအချိန်အခါ ကဲ့သို့ မိုးဦးကျကာလများသည် မုန်တိုင်းဖြစ်နိုင်ခြေ များသဖြင့် ပင်လယ်ကမ်းရိုးတန်းနှင့် မြစ်ဝ ကျွန်းပေါ်နေ ပြည်သူများအဖို့ မိုးလေဝသသတင်းနေ့စဉ်နှင့်အမျှ ဂရုစိုက်နားထောင်သင့်၏။ သည် ကြားထဲ မိုးလေဝသသတင်းနား ထောင်၍ ကြိုတင်မသိရှိနိုင်သော သဘာဝဘေးအန္တရာယ်တစ်ခုက ပေါ်လာသေး၏။ ထိုင်း-မြန်မာ နယ်စပ် ထိုင်းနိုင်ငံချင်းရိုင်ခရိုင် တွင် မေလ ၅ ရက်ညနေက ရစ်ခ်ျ တာစကေး ၆ ရှိသောအင်အား ပြင်းငလျင်လှုပ်ခတ်ခဲ့ရာ ရန်ကုန်၊ နေပြည်တော်နှင့် ပဲခူးတိုင်း အတွင်းရှိ မြို့နယ်များကပါ မြေ ငလျင်လှုပ်သည်ကို သိရှိခံစားခဲ့ ကြရပါသည်။

ထူးခြားသောတိုက်ဆိုင်မှု လားမသိ။ ငလျင်လှုပ်ပြီး ၂ ရက် အကြာ မေလ ၇ ရက်နေ့တွင် ထိုင်းနိုင်ငံဝန်ကြီးချုပ် ယင်လပ် ရှင်နာဝပ်ထရာနှင့် အစိုးရအဖွဲ့ဝင်ဝန်ကြီးကိုးဦးတို့ကို ထိုင်းဖွဲ့စည်းပုံ အခြေခံဥပဒေဆိုင်ရာတရားရုံးက ရာထူးမှဖယ်ရှားလိုက်လေသည်။ ဟူးရား၊ ကြက်ရိုး၊ တမျဉ်း၊ နက္ခတ်၊ နိမိတ်၊ တဘောင်တို့ကို တွက်ချက်တတ်သူပုဏ္ဏားတော် နှင့် ပညာရှင်များကတော့ မည်ကဲ့ သို့မိန့်ဆိုကြမည်မသိ။

ထိုင်းငလျင်၏ အဖျားခတ် မှုကိုခံခဲ့ရသော မြန်မာနိုင်ငံတွင် လည်း မင်းပြောင်းမင်းလွဲလောက် မကြီးကျယ်သည့် ပြည်သူအများ စိတ်ဝင်စားစရာအပြောင်းအလဲ တစ်ခု မေလ ၉ ရက်တွင်ဖြစ်ပေါ် ခဲ့၏။ ကုလသမဂ္ဂ၏ မြန်မာနိုင်ငံ ဆိုင်ရာ လူ့အခွင့်အရေးကိုယ်စား လှယ် ကင်တားနားနေရာတွင် တောင်ကိုရီးယားနိုင်ငံသူ ရန်ဟီး လီအား ခန့်အပ်လိုက်ခြင်းဖြစ်သည်။

 သူမသည် ကလေးသူငယ်ဆိုင်ရာအခွင့်အရေးရရှိရေးလုပ်ငန်းများစွာ ပြုလုပ်ခဲ့သူဖြစ်ပြီး ၂၀၀၃  ခုနှစ်တွင် ကုလသမဂ္ဂ ကလေး သူငယ်အခွင့်အရေးကော်မတီ အဖွဲ့ဝင်အဖြစ်ရွေးချယ်ခြင်းခံခဲ့ရသူဖြစ်သည်။ ကင်တားနားတာဝန်ထမ်းဆောင်စဉ်က ရခိုင်ပြည်နယ်အရေးနှင့်ပတ်သက်သည့်ဆောင်ရွက်မှုများတွင် ဘက်လိုက်သည်ဟုစွပ်စွဲချက်များထွက်ပေါ်ခဲ့ပြီးယခုအသစ်ခန့်အပ်ခံရသူ ရန်ဟီးလီမှာ အမျိုးသမီးလည်းဖြစ်၊ အာရှသူတစ်ယောက်လည်းဖြစ်သဖြင့် မြန်မာနိုင်ငံနှင့် သဟဇာတဖြစ်မည်ဟု သုံးသပ်သူများက ဆိုနေကြပါသည်။

ပုံမှန်ရာသီဥတုအရဆိုလျှင် မြန်မာနိုင်ငံတွင် မေလတတိယ ပတ်ဆိုလျှင် မိုးကျမည်ဖြစ်သဖြင့် မကြာမီအတွင်း ပူပြင်းသောအပူ ရှိန်နှင့်သာမက ခရမ်းလွန်ရောင် ခြည်ဘေးအန္တရာယ်မှလည်း ကင်း ဝေးတော့မည်ဖြစ်၏။ လွန်ခဲ့သော ၂ နှစ်ခန့်မေလအတွင်းဖြစ်ပွားခဲ့ သော ကျောက်နီမော်အရေးအခင်း နောက်ဆက်တွဲပဋိပက္ခများလည်း  အပြီးတိုင်အေးချမ်းပါစေ။ယခု နှစ်မေလအတွင်း တိုင်းရင်းသားလက်နက်ကိုင်များနှင့် ပြုလုပ်မည့်ငြိမ်းချမ်းရေးဆွေးနွေပွဲများလည်းအောင်မြင်ပါစေ။ အခြေခံ ဥပဒေပြင်ဆင်ရေး ဆန္ဒပြသူ ပြည်သူများ၏ဆန္ဒလည်း အမြန်ဆုံးပြည့်ဝပါစေ။ ကျင်းပဆဲ အာဆီယံ ထိပ်သီးအစည်းအဝေးကြီးလည်းအောင်မြင်ပါစေ။မြန်မာ ပြည်သူများလည်း ဒီမိုကရေစီခရီးလမ်း၌ အေးအတူ ပူအမျှ လျှောက်လှမ်းနိုင်ကြပါစေဟု တစ်ခုသောမေလတွင်ဆန္ဒပြုလိုက်ရပါကြောင်း...။

Author: ဗညားလှိုင်ဦး
7DAY DAILY