ရန်ကုန်တွင် ဧပြီလအတွင်း လူသတ်မှုနှင့် မုဒိမ်းမှု ယခင်လထက် နှစ်ဆကျော် မြင့်တက်

ရန်ကုန်၊ မေ ၅

ရန်ကုန်တိုင်းဒေသကြီး အတွင်းရှိ မြိုနယ်ပေါင်း ၄၅ မြို့နယ်၌ ဧပြီလတွင်း ဖြစ်ပွားသော လူသတ်မှုနှင့် မုဒိမ်းမှုမှာ မတ်လထက် နှစ်ဆကျော် မြင့်တက်ခဲ့ကြောင်း ရန်ကုန်တိုင်းဒေသကြီး ရဲတပ်ဖွဲ့မှူး ရုံး၏ စာရင်းများအရ သိရှိရသည်။

ရန်ကုန်တိုင်းဒေသကြီး မြို့နယ်အသီးသီးတွင် ၂၀၁၄ ခုနှစ် မတ်လ တစ်လတာ ကာလအတွင်း လူသတ်မှု ၁၁ မှု၊ မုဒိမ်းမှု ၁၄ မှု ဖြစ်ပွားခဲ့ပြီး သင်္ကြန်ကာလအတွင်း ဖြစ်ပွားသော လူသတ်မှု ကိုးမှု အပါအဝင် ဧပြီလတွင်း လူသတ်မှု ၂၉ မှု၊ မုဒိမ်းမှု ၁၉ မှုအထိ ဖြစ်ပွားခဲ့ကြောင်း၊ ရိုက်နှက်မှု ဖြစ်ရာက ဒဏ်ရာရရှိကာ သေဆုံးသွားသောကြောင့် လူသတ်မှုဖြင့် ပြောင်းလဲ ဖွင့်လှစ်သော အမှု ခုနစ်မှုခန့် ပါဝင်ကြောင်း ရန်ကုန်တိုင်းဒေသကြီး ရဲတပ်ဖွဲ့မှူး ရုံးမှ ရဲအရာရှိတစ်ဦးက ပြောကြားသည်။

ရန်ကုန်တိုင်းဒေသကြီးအတွင်း ဖြစ်ပွားခဲ့သော လူသတ်မှုနှင့် မုဒိမ်းမှုများမှာ မြို့စွန်နေရာများတွင် အများဆုံး ဖြစ်ပွားပြီး ပြစ်မှုကျူးလွန်သူ အများစုမှာ အရက်သေစာနှင့် မူးယစ်ဆေးဝါးများ သုံးစွဲထားသူများ ဖြစ်သည်ကို စစ်ဆေး တွေ့ရှိရကြောင်း လှိုင်သာယာမြို့မ ရဲစခန်းမှ ရဲအရာရှိတစ်ဦးက ရှင်းပြသည်။

မြန်မာနိုင်ငံအတွင်း ဧပြီလတွင် လူသတ်မှု ၁၄၇ မှုအနက် ရန်ကုန်တိုင်းဒေသကြီးမှာ လူသတ်မှု ၂၉ မှု၊ ပဲခူးတိုင်းဒေသကြီးတွင် လူသတ်မှု ၁၉ မှု၊ ဧရာဝတီတိုင်းဒေသကြီးတွင် လူသတ်မှု ၁၆ မှုနှင့် မန္တလေးတိုင်းဒေသကြီးတွင် လူသတ်မှု ၁၅ မှုအထိ ဖြစ်ပွားခဲ့ကြောင်း မြန်မာနိုင်ငံ ရဲတပ်ဖွဲ့၏ မှုခင်းစာရင်းများအရ သိရှိရသည်။

အလားတူ ဧပြီလအတွင်း မြန်မာနိုင်ငံတွင် မုဒိမ်းမှု ၈၈ မှု ဖြစ်ပွားခဲ့ရာ၌ ရန်ကုန်တိုင်းဒေသကြီးတွင် မုဒိမ်းမှု ၁၉ မှုနှင့် ဧရာဝတီတိုင်းဒေသကြီးတွင် မုဒိမ်းမှု ရှစ်မှုထိ ဖြစ်ပွားခဲ့ကြောင်း၊ မုဒိမ်းမှုဖြစ်စဉ် အများစုမှာ အရွယ် မရောက်သေးသော အမျိုးသမီးငယ်များကို အဓမ္မကျူးလွန်မှု အများဆုံး ဖြစ်ကြောင်း ရန်ကုန်တိုင်းဒေသကြီး ရဲတပ်ဖွဲ့မှူး ရုံးမှ စုံစမ်းသိရှိရသည်။

“ကလေးငယ်တွေရဲ့ အားနည်းမှုတွေကို အခွင့်ကောင်းယူပြီး ကျူးလွန်တဲ့သူတွေက ပစ်မှတ်ထားတယ်။ အရက်၊ စိတ်ကြွဆေးတွေ၊ ညစ်ညမ်းခွေတွေကြောင့် ကျူးလွန်တဲ့သူက ပုံမှန်သူတွေထက် စိတ်ကြွမြန်တယ်။ ဒီအချိန်မှာ အရှက်အကြောက်နဲ့ သားသမီးချင်း ကိုယ်ချင်းစာစိတ်ပါ ပျောက်ကုန်တာ” ဟု ရန်ကုန်မြို့တော်တွင် ကလေးသူငယ် အခွင့်အရေး ဆောင်ရွက်သူ အမျိုးသမီးတစ်ဦးက ပြောကြားသည်။

The Voice Weekly