ထိုင်းနိုင်ငံတွင်းဗဟိုပြု ငလျင်ပြင်း မြန်မာနိုင်ငံတွင်လည်း ခံစားရ

တာချီလိတ် မေ ၅

ယနေ့ညနေ မြန်မာစံတော်ချိန် ၅ နာရီ ၃၈ မိနစ်အချိန်ခန့်က ထိုင်းနိုင်ငံ ချင်းရိုင်မြို့ကို ဗဟိုပြုကာ အင်အားရစ်ခ်ျတာစကေး ၆ အဆင့်ရှိ အင်အားပြင်းငလျင်တစ်ခု လှုပ်ခတ်ခဲ့ရာ ချင်းရိုင်ခရိုင် အတွင်းရှိ နေအိမ်အဆောက်အအုံများ၊ မော်တော်ကားလမ်းများ ပျက်ဆီးဆုံးရှုံးခဲ့သည်။ မြေငလျင်လှုပ်ခတ်မှု အရှိန် သည် အိမ်နီးချင်း ထိုင်း-မြန်မာနယ်စပ် တာချီလိတ်ဒေသတွင် သိသိသာသာ လှုပ်ခတ်သွားခဲ့ပြီး မိုင်းတုံ၊ မိုင်းဆတ်၊ မိုင်းဖြတ်၊ ကျိုင်းတုံ၊ တောင်ကြီး၊ နေပြည်တော်၊ ပျဉ်းမနား၊ ရန်ကုန်မြို့များသို့တိုင် အင်အား အဆင့်ဆင့်ဖြင့် လှုပ်ခတ်သွားခဲ့ကြောင်း သိရှိရသည်။

အင်အားပြင်း

“၂၀၁၁ ခုနှစ်က လှုပ်ခဲ့တဲ့ တာလေငလျင်လောက် မပြင်းပေမယ့်တာချီလိတ်မြို့ထဲက တိုက်တာအဆောက် အအုံတွေ သိသိသာသာ လှုပ်ရမ်းသွားတဲ့အထိ အင်အားပြင်းပါတယ်။ ၁၀ စက္ကန့်လောက်ပဲကြာတာ ဖြစ်ပေမယ့် အားလုံးက ဆိုးရွားတဲ့ တာလေငလျင်ဒဏ်ကို ခံခဲဖူးသူတွေဆိုတော့ တုန်လှုပ်ခြောက်ခြား သွားကြပြီး နေအိမ်အဆောက်အအုံတွေထဲက ပြေးထွက်လာကြပါတယ်” ဟုစားသောက်ဆိုင်ပိုင်ရှင် ဦးဟန်ဝင်းက မြေငလျင်နှင့် ပတ်သက်ပြီးပြောပြသည်။ “ဒီနေ့မနက် ၄ နာရီလောက်ကစပြီး တာချီလိတ် မြို့မှာ မိုးသည်းထန်စွာရွာပြီး မိုးကြိုးတွေလည်းအတော်များများပစ်တယ်၊ အခုညနေပိုင်း ကျတော့ မြေငလျင် လှုပ်တယ် ဆိုတော့ တော်တော်လေး ထိတ်လန့်ကုန်ကျတာပေါ့” ဟု မကာဟိုခမ်းရပ်ကွက်မှ ကိုဇော်အောင် ကပြောကြားသည်။

အဆင်သင့်ပြင်ဆင်ထား

မြေငလျင်လှုပ်ခတ်မှုနှင့် ပတ်သက်ပြီး လူမှုကွန်ရက်ဖြစ်သော Facebook စာမျက်နှာများမှတစ်ဆင့် အချင်းချင်း အပြန်အလှန်သတင်းပေးပို့ ဖလှယ်နိုင်ခဲ့မှုကြောင့် မြေငလျင်ဗဟိုချက် တည်နေရာကို မိနစ်ပိုင်း အတွင်း သိရှိကြကာချင်းရိုင်ခရိုင် အတွင်းရှိ အဆောက်အအုံများ ပျက်စီးဆုံးရှုံးမှုအတွက် စိတ်မကောင်း ဖြစ်ကြကြောင်း၊ ထိုဒေသတွင်နေထိုင်ကြသည့် မြန်မာနိုင်ငံသားများ အခက်အခဲ တစ်စုံတစ်ရာ ရှိပါက ကူညီမှုပြုနိုင်ရန်အတွက် တာချီလိတ်မြို့အခြေစိုက် လူမှုကူညီရေးပရဟိတ အသင်းအဖွဲ့များက အဆင်သင့် ပြင်ဆင်ထားကြောင်း သိရသည်။

MOI Webportal Myanmar