နောက်ဆက်တွဲ ငလျင်များ သတိထားရန် ပညာရှင်များ သတိပေး

ထိုင်း-မြန်မာ နယ်စပ် ထိုင်းနိုင်ငံ ချင်းရိုင်ခရိုင်တွင် မေလ ၅ ရက်ညနေက အင်အားရစ်ခ်ျတာစကေး ၆ ရှိသော အင်အားပြင်းငလျင်လှုပ်ခတ်ခဲ့ရာ ကနဦးသတင်းများအရ မြန်မာနိုင်ငံတွင် ပျက်စီးဆုံးရှုံးမှုများ မရှိသော်လည်း နောက်ဆက်တွဲငလျင်များကို သတိထားရန် ဘူမိဗေဒ ပညာရှင်များနှင့် မိုးလေ ၀သပညာရှင်များက သတိပေးပြောကြားသည်။

အဆိုပါငလျင် လှုပ်ခတ်သည်ကို  ရန်ကုန်မြို့အပါအ၀င် နေပြည်တော်၊ ရှမ်းပြည်နယ်၊ ပဲခူး၊ ကရင် စသော  နိုင်ငံဧရိယာအများစုငလျင်အဖျားခတ်မှုကြောင့် ငလျင်လှုပ်သည်ကို မေ ၅ ရက် ညနေတွင် သိရှိခံစားခဲ့ရသည်။

အမေရိကန် ဘူမိဗေဒလေ့လာတိုင်းတာရေးဌာန(US Geo−logical Survey) ၏ ထုတ်ပြန်ချက်အရ ထိုင်း-မြန်မာနယ်စပ်မှ မိုင် ၃၀ ခန့်အကွာ ချင်းရိုင်ခရိုင်အတွင်း ရစ်ခ်ျတာစကေး ၆ အဆင့် အင်အားပြင်းငလျင်သည် မြေအောက်အနက် ၄ ဒသမ ၆ မိုင်မှ လှုပ်ခတ်ခဲ့ရာ မြန်မာနှင့် ထိုင်းနိုင်ငံတို့ အနေဖြင့် နောက်ဆက်တွဲ ငလျင်များကို သတိထားရန်လိုအပ်သည်ဟု ဖော်ပြခဲ့သည်။

‘‘ငလျင်ရဲ့ သဘောက နောက်ဆက်တွဲနည်းနည်းတော့ ရှိကြတယ်။ အခုက မြန်မာနဲ့နည်းနည်းတော့ဝေးတယ်။ ဒါပေမဲ့ဒီဟာက ငလျင်အကြီးကြီးတစ်ခုရဲ့ ရှေ့ပြေးနိမိတ်လားဆိုတာကိုလည်း မပြောနိုင်ဘူး။ ဘာပဲပြောပြော မြန်မာက ငလျင်ကြောတွေပေါ်မှာချည်းပဲ မြို့တွေကရှိနေတော့ ကြိုတင်သတိတော့ထားရမယ်’’ဟု ငလျင်နှင့် ပတ်သက်၍ ဘူမိဗေဒပညာရှင် ဦးစိုးသူရထွန်းကပြောသည်။

‘‘ရှမ်းပြည်နယ် အရှေ့ပိုင်းဒေသမှာ နေတဲ့ ပြည်သူတွေအနေနဲ့ နောက်ဆက်တွဲငလျင်တွေကို သတိထားဖို့လိုတယ်’’ဟု ယခုလှုပ်ခတ်ခဲ့သော ငလျင်နှင့် စပ်လျဉ်း၍ မိုးလေ၀သပညာရှင် ဒေါက်တာထွန်းလွင်က သတိပေး ပြောကြားသည်။

‘‘ညနေ ငါးနာရီသုံးဆယ့်ငါးမိနစ်မှာ လှုပ်တာ၊ ဆိုးဆိုးရွားရွားကြီး ပျက်စီးတာတော့ မရှိသေးဘူး။ ဟိုတစ်ခါ တာလေငလျင်ထက်စာရင် အများကြီး သက်သာတယ်။ ဘာမှ ဖြစ်တာမတွေ့သေးဘူး’’ ဟု ထိုင်း-မြန်မာနယ်စပ်ရှိ တာချီလိတ်မြို့ ပဇ္ဈိမလူမှုကူညီရေးအသင်းမှ ကိုနေမျိုးကပြောသည်။

မေလ၅ ရက်ညနေ ငါးနာရီခွဲခန့်အချိန်၌ပင် ရန်ကုန်၊ နေပြည်တော်၊ ပဲခူးတိုင်းအတွင်းရှိ မြို့ နယ်များ၊ ရှမ်းပြည်နယ် အရှေ့ ပိုင်းနှင့် မန္တလေးတိုင်းတို့တွင် မြေငလျင်လှုပ်သည်ကို သိရှိခံစားရပြီး၊ ပြည်တွင်း၌လှုပ်သော ငလျင်ဟု ထင်ခဲ့ကြကာ စိုးရိမ်ခဲ့ကြသည်။ ငလျင်လှုပ်ပြီး မိနစ်ပိုင်းအတွင်းမှာပင် လူမှုကွန်ရက်စာမျက်နှာများတွင်လည်း ငလျင်နှင့်ပတ်သက်သော ပျံ့နှံ့သွားသည်။

နေပြည်တော် ဇမ္ဗူသီရိမြို့ နယ်မှ ကိုမင်းသူက ‘‘ဒီဘက်မှာက ခါခါတက်ပြီး လူးသွားတယ်။ နည်းနည်းတော့ ကြမ်းတယ်။ အပျက်အစီးတော့ မတွေ့ရသေးဘူး’’ ဟု ပြောသည်။

ပဲခူးတိုင်း တောင်ငူမြို့နယ်မှ ကိုဝေဖြိုးကလည်း ညနေ ငါးနာရီခွဲခန့်က ငလျင်လှုပ်ခတ်ခဲ့ကြောင်း အပျက်အစီးမရှိကြောင်း ပြောကြားသည်။

နိုင်ငံပိုင် ရုပ်သံမီဒီယာများက မန္တလေး မြေငလျင်စခန်း၏ အရှေ့ဘက် ၂၀၉ မိုင်အကွာ မြန်မာနိုင်ငံ ပြင်ပနေရာကို ဗဟိုပြု၍ ရစ်ချတ်တာစကေး ၅ ဒသမ ၈ အဆင့် အင်အားအသင့်အတင့်ရှိသော ငလျင်တစ်ခုလှုပ်ခတ်သွား သည်ဟု ထုတ်ပြန်ခဲ့သည်။

ထိုင်းနိုင်ငံကို ဗဟိုပြု၍ လှုပ်ခတ်ခဲ့သော ငလျင်ကြောင့် မြန်မာနိုင်ငံရှိ ပြည်တွင်းနေရာအချို့၌ လှုပ်ခတ်ခဲ့ပြီး ထိခိုက်ပျက်စီးမှုမရှိကြောင်း မိုးလေ၀သနှင့် ဇလဗေဒ ညွှန်ကြားမှုဦးစီးဌာန ငလျင်ဌာနမှ လက်ထောက်ညွှန်ကြားရေးမှူး ဦးကျော်လင်းကပြောကြားသည်။

‘‘ကြီးကြီးကျယ်ကျယ်မဖြစ်ပေမယ့် စတိုးဆိုင်တွေ၊ ကုန်စုံဆိုင်တွေမှာ ပစ္စည်းတွေ ပြုတ်ကျတာတွေတော့ရှိတယ်။ တာလေငလျင်မှာ ကိုယ်တွေ့ကြုံထားတော့ ငလျင်ဆိုရင် ကြောက်ကိုကြောက်တယ်’’ဟု တာချီလိတ်မြို့ခံ ကိုဖြိုးကိုက ည ၈နာရီခွဲခန့် တွင် ပြောသည်။

ထိုင်းနိုင်ငံ၊ ချင်းရိုင် ခရိုင်အတွင်း ယခု လှုပ်ခတ်ခဲ့သော ငလျင်ကြောင့် အဆောက်အအုံ အပိုင်းအစများ ပြုတ်ကျခြင်း၊ ဘုရားစေတီအချို့ပြိုလဲခြင်း၊ အဝေးပြေးလမ်းအချို့မြေပြို၊ မြေကျွံမှုများဖြစ်ပေါ်ခဲ့သည်ဟု နိုင်ငံတကာနှင့် ထိုင်းနိုင်ငံ သတင်းမီဒီယာများ၌ ဖော်ပြခဲ့သည်။

ရှမ်းပြည်နယ် အရှေ့ပိုင်းတွင် ၂၀၁၁ ခုနှစ်က အင်အား ၆ ဒသမ ၈ အဆင့်ရှိ ငလျင်လှုပ်ခတ်ခဲ့ရာတွင် အဆောက်အအုံများ ပျက်စီးခဲ့ပြီး လူပေါင်း တစ်သောင်းရှစ်ထောင်ခန့် အိုးမဲ့အိမ်မဲ့ဖြစ်ခဲ့ရသည်။ ထို့အပြင် ၂၀၁၂ ခုနှစ် နိုဝင်ဘာလကလည်း စစ်ကိုင်းတိုင်း သပိတ်ကျင်းငလျင်ကြောင့် လူဦးရေ နှစ်ဆယ်ခန့်သေဆုံးခဲ့ရပြီး ရှစ်ဆယ်ကျော် ဒဏ်ရာရခဲ့သည်။

‘‘ရန်ကုန် ငလျင်ကြောက မလှုပ်တာ နှစ် ၈၀ ကျော်နေပြီ။ ၁၉၃၀ နောက်ပိုင်း ကြီးကြီးမားမားမရှိခဲ့ဘူး။ အဲဒီလောက်ကြီးကြီးလှုပ်မယ်ဆိုရင် အန္တရာယ်ရှိတယ်။ အသေအပျောက်များသွားမယ်’’ဟု ငလျင်များနှင့် စပ်လျဉ်း၍ ဘူမိဗေဒပညာရှင် ဦးစိုးသူရထွန်းက သတိပေးပြောကြားလိုက်သည်။

Author: ရဲနောင် / အိဖြူမွန်
7Day Daily

ထိုင်းနိုင်ငံမြောက်ပိုင်း၊ ချင်းရိုင်ပြည်နယ်ရှိ အဝေးပြေးလမ်းမကြီးတစ်ခု ငလျင်ကြောင့် အက်ကွဲသွားသည်ကို မေလ ၅ ရက် ညနေက တွေ့ရစဉ် (ဓာတ်ပုံ − အီးပီအေ)