အရှိန်မြင့်တက်လာသော တိုင်းရင်းသား လက်နက်ကိုင်အုပ်စုများ

‘‘ခင်ဗျားတို့နိုင်ငံမှာ သူပုန်ရှိသလားဗျ’’

မောပန်းနွမ်းနယ်နေသော လက်ဖက် တောင်သူကြီးက ကျွန်တော်တို့ ကို တွေ့တွေ့ချင်း မေးသော မေးခွန်းဖြစ်ပါသည်။ သူတို့က  မြန်မာပြည်မြောက်ပိုင်း ရှမ်းပြည်နယ် တောင်တန်းတွေ ပေါ်က ပလောင်တိုင်းရင်းသားများ ဖြစ်ကြပါသည်။ သူပုန်တွေကို ရော၊ အစိုးရစစ်သားတွေကိုပါ ကောင်းကောင်း သိပါသည်။ နှစ် ဖက်စလုံးက နှစ်ပေါင်းများစွာ  ကြာအောင်သူတို့ရွာကိုလာပြီး ဆက်ကြေးကောက်ခြင်း၊ ရိက္ခာ တောင်းခြင်း၊ တပ်သားသစ်စု ဆောင်းခြင်းတို့ကို ပြုလုပ်ခဲ့ကြ သည်။ လူငယ်တွေ၊ အမျိုးသမီးတွေနှင့် ကလေးတွေကိုပါသူတို့ တပ်ထဲ    အတင်းအဓမ္မဆွဲထည့် ကြသည်။

ကျွန်တော်တို့ကို စကားပြန် ပေးသောကောင်လေးမှာ စိတ် လှုပ်ရှားကြောက်ရွံ့နေပုံရသည်။ သူက ဒေသခံလက်နက်ကိုင်တပ် ဖွဲ့ဖြစ်သည့် ရှမ်းပြည်နယ်မြောက် ပိုင်းတပ်မတော် (SSAN) နှင့် မြန်မာစစ်တပ်တို့၏တိုက်ပွဲများ ကိုကြုံဖူးသူဖြစ်သည်။ သူက ပြန် ပေးဆွဲခံရမှာကိုကြောက်သည်။ အရပ်ထောင်ထောင်မောင်းမောင်း၊ ခန္ဓာကိုယ်သန်သန်စွမ်းစွမ်းမို့ ပြန်ပေးဆွဲခံရဖို့ ပိုများကြောင်း   သူကရှင်းပြသည်။

လက်ဖက်တောင်သူကြီး၏ အပြောက သူ့စကားတွေကိုပိုပြီး ခိုင်မာသေချာစေသည်။ လက် ဖက်တောင်သူကြီး၏ပြောကြား ချက်အရ ထိုနေရာမှာနောက်ဆုံး တိုက်ပွဲဖြစ်ခဲ့တာ လွန်ခဲ့သည့် ၁၀ ရက်လောက်ကဟုဆိုသည်။ သူ က မြောက်ဘက်တစ်နေရာကို လက်ညှိုးထိုးပြသည်။ ထိုနေရာ တောင်ကုန်းထိပ်မှာ ညနေဆည်း ဆာနေရောင်ခြည်က ဝါးပင်တွေ နှင့် လက်ဖက်ခင်းပေါ်ဖြာကျပြီး တောမီးခိုးတွေအူနေသည်။ သူ၏ ကျွန်းအိမ်ပြတင်းပေါက်ကနေ မီးခိုးတွေကိုမြင်ခဲ့ရပြီး မော်တာ သေနတ်ပစ်ခတ်သံတွေကိုလည်း ကြားခဲ့ရသည်ဟုဆိုသည်။ အဘယ်ကြောင့်တိုက်ပွဲစဖြစ်ခဲ့ သည်ကိုတော့သူမသိ။ သို့သော် သူ့အတွက်တော့ သတင်းဆိုးပဲ ဖြစ်သည်။

လက်ဖက်တွေက ခူးရမည့် အချိန်ရောက်နေပြီး စစ်သားများ သွားလာလှုပ်ရှားနေပါက လက် ဖက်ခူးမည့် လုပ်သားရှာရန်ခက် လိမ့်မည်။

တိုက်ပွဲက ရွာ၏စာသင် ကျောင်းအနောက်က နတ်ကွန်း ကိုပါဖျက်ဆီးသွားသည်။ နတ် ကွန်းတွင် ခေါင်းအုံး၊ စောင်များ ဖြင့် သေချာပြုလုပ်ထားသော အိပ်ရာနှစ်ခုရှိသည်။ ရွာကိုစောင့် ရှောက်သည့်အစောင့်နတ်များ နားနေရန်ရည်ရွယ်ပြုလုပ်ထား ခြင်းဖြစ်သည်။ နတ်ကွန်းအပြင် ဘက် တွင် အစိမ်းရောင်နှင့် လိမ္မော် ရောင်တောက်တောက်ဆေးခြယ် ထားသော သစ်သားဖြင့်လုပ်ထား သည့် သေနတ်များကိုချိတ်ထား သည်။   မြန်မာနိုင်ငံက အခြား လက်နက်ကိုင်တိုင်းရင်းသားတပ် များကဲ့သို့ ရှမ်းမြောက်ပိုင်း တပ် မတော်ကလည်း မြန်မာအစိုးရနှင့် အပစ်အခတ်ရပ်စဲရေးသဘောတူ ညီထားသည်။ သို့သော်လည်း ၂၀၁၂ ခုနှစ်ကတည်းက မြန်မာ စစ်တပ်နှင့်တိုက်ပွဲများ တစ်ရာ ကျော်ဖြစ်ပွားခဲ့ပြီး စစ်စခန်းငါးခုဆုံးရှုံးခဲ့သည်ဟု ၎င်းတို့ကပြော ကြားသည်။

ဧပြီလအစောက   တိုက်ပွဲ များပြင်းထန်စွာဖြစ်ပွားခဲ့သည့် မြောက်ပိုင်းအစွန်နေရာများနှင့် နှိုင်းယှဉ်ပါက ကျောက်မဲမြို့အနီး ဝန်းကျင် လက်ဖက်စိုက်ရာ တောင်ကုန်းများက ငြိမ်းချမ်းပါ သေးသည်။ တရုတ်နိုင်ငံနှင့် နယ်စပ်ချင်းထိနေသည့် ရှမ်း ပြည်နယ်မြောက်ပိုင်းနှင့်ကချင် ပြည်နယ်တို့မှာ ကချင်လွတ် မြောက်ရေး တပ်မတော်ကေအိုင် အေနှင့် ပလောင်အမျိုးသား လွတ် မြောက်ရေးတပ် မတော် (TNLA)တို့ ထိန်းချုပ်ထားသည်။ ထိုလက် နက်ကိုင်တိုင်းရင်းသားတပ်ဖွဲ့ နှစ်ခုမှာ လတ်တလောတွင် မြန်မာ အစိုးရနှင့်အပစ်အခတ်ရပ်စဲရေး သဘောတူညီမှုပြုလုပ်ထားခြင်း မရှိသည့်အဖွဲ့များဖြစ်၏။ ၂၀၁၁ တွင် မြန်မာအစိုးရနှင့်ကေအိုင် အေအကြား ၁၇ နှစ်ကြာ အပစ်အခတ်ရပ်စဲရေးချိုးဖောက်ပျက် ပြယ်ခဲ့သည်။      ပြီးခဲ့သည့်နှစ် သြဂုတ်လတွင် မြန်မာအစိုးရက၂၀၁၂ တွင် ကေအိုင်အေနှင့် တိုက်ပွဲများအတွင်း အစိုးရ စစ်သားတစ်ထောင်ကျော်    ကျဆုံး ခဲ့သည်ဟုပြောကြားသည်။ အချို့သတင်းများအရ အကျအဆုံး စာရင်းက ထိုအရေအတွက်ထက်ပိုများသည်ဟုဆိုသည်။

နောက်ဆုံးတိုက်ပွဲများမှာ ကုလသမဂ္ဂ၊ နိုင်ငံခြားအစိုးရများ နှင့် မြန်မာအစိုးရတို့ပူးပေါင်းပြု လုပ်ခဲ့သော ဧပြီလအစောပိုင်းက သန်းခေါင်စာရင်းကောက်ခံမှုများ နှင့်ဆက်နွှယ်နေသည်။ သန်း ခေါင်စာရင်းကောက်ခံမှုများကို ရှမ်း၊ကချင်နှင့် ရခိုင်ပြည်နယ်တို့တွင်ဇွန်လအထိဆက်လုပ်သွားရန်ရက်တိုးထားသည်။လက်နက် ကိုင်တိုင်းရင်းသားအုပ်စုများ ကြီးစိုးသည့်ကျေးရွာများသို့ သန်းခေါင်စာရင်းကောက်ခံသူ များသွားနိုင်ရေးအတွက် အစိုးရ က စစ်တပ်များအကြီးအကျယ် ချထားသည်။

ကချင်တိုင်းရင်းသားများက အစိုးရအနေဖြင့် သန်းခေါင်စာ ရင်းကောက်ခံမှုသည် ၎င်းတို့ပိုင် သည့်နယ်ကို ချုံ့ပစ်ရန်အသုံးချ မည်ကို စိုးရိမ်ကြသည်။

ဧပြီလက အထက်တန်းစစ် တပ်အရာရှိများကို သယ်ဆောင် လာသောဂျစ်ကားတစ်စီးသည် ကေအိုင်အေစစ်ဆေးရေးဂိတ် တွင် မရပ်ခဲ့သဖြင့် တင်းမာမှုများ အရှိန်မြင့်လာသည်။ မြန်မာစစ် တပ်က ကချင်စခန်းများအပေါ် စစ်ဆင်ရေးပြန်စပြီး အရေးပါ သောလမ်းပန်းဆက်သွယ်ရေးကို ထိန်းချုပ်ထားသည်။ တိုက်ပွဲဖြစ် ပွားရာတွင် တပ်သား ၂၂ ဦး ကျဆုံးပြီး အများစုမှာ မြန်မာစစ် တပ်ကဖြစ်သည်။

TNLA ခေါ်  ပလောင်အမျိုး သားတပ်မတော်ကလည်း ဧပြီ ၂၃ ရက်တွင် တရုတ်နယ်စပ်အနီး မြန်မာအစိုးရတပ်များကို ချုံခို တိုက်ခိုက်ခဲ့ရာ အစိုးရစစ်သား ဆယ်ဦး ကျော်ကျဆုံးသွားသည် ဟုဆိုသည်။     လတ်တလော တိုက်ပွဲများကြောင့် ရွာသား ၃၀၀ ခန့်အိမ်တွေကိုစွန့်ခွာပြေးရပြီး အများစုမှာ တရုတ်နယ်စပ်အနီး တွင် မြန်မာစစ်တပ်နှင့်ပိတ်မိနေ သည်။ အစာရေစာ၊ ဆေးဝါးနှင့် ကျန်းမာရေးစောင့်ရှောက်မှု လည်းမရှိပါ။ သူတို့က ၂၀၁၁ အပစ်အခတ်ရပ်စဲကတည်းက ထွက်ပြေးတိမ်းရှောင်လာသော စစ်ပြေးဒုက္ခသည်တစ်သိန်းခန့်နှင့် သွားပူးပေါင်းကြသည်။ ရှမ်းပြည် နယ်မြောက်ပိုင်း လားရှိုးသို့ ကာ ကွယ်ရေးဦးစီးချုပ်မင်းအောင်လှိုင်လာရောက်သည့်အချိန်တွင် တိုက်ပွဲများပိုပြင်းထန်လာသည်။ သူ၏သွယ်ဝိုက်ခြိမ်းခြောက်မှုက အက်စ်အက်စ်အေအပါအဝင် ဝတိုင်းရင်းသားလက်နက်ကိုင် များကို လက်နက်ချရန်တောင်းဆို နေသည့်နှယ်ဖြစ်သည်။

လားရှိုးနှင့်တစ်ချိန်တည်း ရန်ကုန်တွင် နောက်ဆုံးပြုလုပ်ခဲ့သည့် ငြိမ်းချမ်းရေးဆွေးနွေးပွဲတွင် အစိုးရတပ်နှင့်ကေအိုင်အေ ပါအဝင် လက်နက်ကိုင်အုပ်စု ၁၆ စုပါဝင်သည်။ ထိုငြိမ်းချမ်းရေးဆွေးနွေးပွဲက မျှော်လင့်ထားသည့် တစ်နိုင်ငံလုံး အပစ်အခတ်ရပ်စဲရေးရည်မှန်းချက်များ ရမလာခဲ့ချေ။ အစိုးရကတော့ သြဂုတ် ၁ ရက် နောက်ဆုံးထားပြီး ရည်မှန်းထားသည်များ  ဖြစ်လာမည် ဟုမျှော်လင့်နေဆဲဖြစ်၏။

သို့သော်လည်း တောင်တန်း ဒေသများတွင်လုပ်ဆောင်နေ သည့် မြန်မာစစ်တပ်၏ လုပ်ရပ် များက ထိုရည်မှန်းချက်ကိုရောက် ရန် အလှမ်းဝေးလှသည်။ ယခု သီတင်းပတ်တွင် ကုလသမဂ္ဂနှင့် နိုင်ငံတကာအဖွဲ့အစည်းများက စစ်တပ်ကျူးလွန်ခဲ့သော ရာဇဝတ်မှုများနှင့် လိင်ပိုင်းဆိုင်ရာအနိုင်ကျင့်မှုများကိုစစ်ဆေးရန် မြန်မာအစိုးရအား တောင်းဆိုခဲ့သည်။ ဧပြီ ၂၅ ရက်တွင် ကုလသမဂ္ဂအတွင်းရေး မှူးချုပ်ဘန်ကီမွန်းက ကချင်ပြည်နယ်တွင် စစ်တပ်၏တိုက်ခိုက်မှုများသည်အပစ် အခတ်ရပ်စဲရေးနှင့်  နိုင်ငံရေးဆွေးနွေးမှုများ၏တိုးတက်မှုများ ကို ပျက်စီးဆုံးရှုံးစေလိမ့်မည်ဟု သတိပေးခဲ့သည်။

ပလောင်ကျေးရွာလေးမှ လက်ဖက်တောင်သူကြီးက နောက်ထပ်ရေနွေးကြမ်းတစ်ခွက် ကိုငှဲ့ပေးလိုက်ပါသည်။ သူက တော့ ဘယ်လက်နက်ကိုင်အုပ်စု ကိုမှမကြိုက်ပါ။ ငြိမ်းငြိမ်းချမ်း ချမ်းနေလိုသူသာဖြစ်သည်။ သို့သော်လည်း သူ့အိမ်နံရံမှာ တော့ ရှမ်းမြောက်ပိုင်းတပ်ဖွဲ့၏ ပြက္ခဒိန်ကိုချိတ်ဆွဲထားပါသည်။ ဒါက အာမခံတစ်ခုလိုသဘောမျိုး ဖြစ်သည်။ အခြားတိုင်းရင်းသား လူမျိုးအများစုလိုပဲ သူက မြန်မာ တွေကိုသဘောမကျပါ။ ယုံလည်းမယုံကြည်ပါ။ ရှမ်းပြည်နယ်မှ လတ်တလော တိုက်ခိုက်မှုများက သူ၏ဗမာလူမျိုးတွေအပေါ် မယုံ ကြည်မှုတွေကို ပိုတိုးလာစေသည်။

(The Economist မဂ္ဂဇင်းပါ Myanmar's simmering insur-gencies ဆောင်းပါးကို ထားထား မြင့်ဘာသာပြန်ဆိုသည်။)

Author: ထားထားမြင့်
7Day Daily

လက်ဖက်ရွက်များကို နေလှန်းအခြောက်ခံနေသည့် တိုင်းရင်းသား ကလေးငယ်တစ်ဦး အားတွေ့ရစဉ်