ဒေသတွင်း စစ်ပွဲတွေနဲ့ လုပ်သား အင်အားလျော့လာလို့ နမ့်ဆန်ဒေသမှာ ဒီနှစ် လက်ဖက်ထုတ်လုပ်မှု လျော့သွားခဲ့ပါတယ်။
ဒေသခံ လုပ်သားတွေက တရုတ်နိုင်ငံကို အလုပ်သွားလုပ်ကြပြီး လက်ဖက်ရာသီမှာ ပုံမှန်လာရောက် လုပ်ကိုင်လေ့ရှိတဲ့ အညာဒေသက လုပ်သားတွေ လာရောက်တာကလည်း အများကြီးလျော့သွားခဲ့တာပါ။
“လက်နက်ကိုင်အဖွဲ့ကလည်း ဒေသခံလူတွေကို ခေါ်တယ်။ စစ်တပ်ကလည်း ပေါ်တာဆွဲတော့ တခြားက လူတွေက မလာရဲတော့ဘူး” လို့ နမ့်ဆန်ဒေသ ပလောင် လက်ဖက်စိုက်ပျိုးထုတ်လုပ်သူများ အသင်းက ကိုသန်းဇော်က ပြောပါတယ်။
အရင်နှစ်တွေကဆိုရင် ကျောက်ပန်းတောင်းဘက်က ရွှေ့ပြောင်းလုပ်သား လေးငါးရာလောက် လာခဲ့ပေမယ့် ဒီနှစ်မှာတော့ တစ်ရာကျော်ပဲ ရောက်လာခဲ့ပါတယ်။
အဲဒီလို လုပ်သားရှားပါးတာကြောင့် ရွှေဖီချိန်မှာ လက်ဖက်တွေ ထွက်သလောက် မခူးနိုင်ပဲ လျော့သွားတဲ့အတွက် လက်ဖက်ဈေး တက်သွားတယ်လို့လည်း ကိုသန်းဇော်က ပြောပါတယ်။
နမ့်ဆန်ဒေသဟာ မြန်မာတစ်နိုင်ငံလုံးက လက်ဖက်ထုတ်လုပ်တာရဲ့ ၆၀ ရာခိုင်နှုန်းကို စိုက်ပျိုး ထုတ်လုပ်နေတာ ဖြစ်ပါတယ်။
By ပိုင်စိုး (ဒီဗွီဘီ)
ရှမ်းမြောက် ဒေသ နမ့်ဆန်မှာ ဒီနှစ် လက်ဖက် ထုတ်လုပ်မှု ထက်ဝက်လောက်လျော့
Reviewed by သစ်ထူးလွင်
on
18:45
Rating:
Reviewed by သစ်ထူးလွင်
on
18:45
Rating:
