မတ်လ ၂၁ ရက်နေ့မနက်ပိုင်းက တောင်ငူမြို့ မိုင်ဒါကွင်းအနီးရှိ စားသောက်ဆိုင်တစ်ဆိုင်တွင် မိမိကိုယ်ကို ဓါတ်ဆီလောင်း၍ မီးရှို့သေကြောင်းကြံစည်ခဲ့သူ (၂၁)နှစ်အရွယ် စားပွဲထိုးလုပ်သားတစ်ဦး ဖြစ်သူ မောင်မျိုးမင်းလှိုင်မှာ တောင်ငူခရိုင်ဆေးရုံကြီး၌ ဆေးကုသမှုခံယူနေစဉ် မီးလောင်မှုကြောင့်ဖြစ်ပွားသည့် ခန္ဓာကိုယ် သွေးအဆိပ်တက် ရောဂါဖြင့် မတ်လ ၃၀ ရက်နေ့မနက် ၉နာရီခွဲတွင် သေဆုံးသွားခဲ့ကြောင်း တောင်ငူမြို့မရဲစခန်းမှ တာဝန်ရှိသူတစ်ဦး၏ ပြောကြားချက်အရသိရသည်။
ကိုမျိုး(ခ) မျိုးမင်းလှိုင်(ဘ) ဦးကျော်ဝင်း ကေတုမတီမြို့သစ်နေသူမှာ ၄င်း၏ဆိုင်ရှင်ဖြစ်သူ ထံ စုဆောင်းအပ်နှံထားသော ငွေများအား ပြန်လည်ထုတ်ယူရန် ပြောဆိုသည့်ကိစ္စ အဆင်မပြေဖြစ်ရာမှ ဆိုင်ရှေ့ မြေကွက်လပ်တွင် အိပ်ယာခင်းအား ခင်းထိုင်၍ (၁)လီတာဝင်ဆန့် ဓါတ်ဆီဗူးဖြင့် ခန္ဓာကိုယ်ပေါ်သို့ လောင်းချကာ မိမိကိုယ်ကို မီးရှို့ခဲ့သောကြောင့် အနီးပတ်ဝန်းကျင်ရှိ ဆိုင်နီးချင်းတို့မှ ၀ိုင်းဝန်းငြိမ်းသတ်ပေးခဲ့ပြီး တောင်ငူခရိုင် ဆေးရုံကြီးသို့တင်ပို့ပေးခဲ့ခြင်းဖြစ်သည်။
မီးလောင်ကျွမ်းမှုကြောင့် ကိုမျိုးမှာ ဆံပင်၊ လယ်ကုတ်၊ ရင်ဘတ်၊ နောက်ကျော၊ လက်နှစ်ဖက်၊ ခြေထောက်နှစ်ဖက်တို့တွင် အရေပြားမီးလောင်ဒဏ်ရာများရရှိခဲ့ပြီး တောင်ငူခရိုင်ဆေးရုံကြီးသို့ ၉နာရီခွဲတွင် ရောက် ရှိကာ အတွင်းလူနာ(မစိုးရိမ်ရ) ဖြင့် ဆေးကုသမှုခံယူလျှက်ရှိရာမှ သေဆုံးခဲ့ခြင်းဖြစ်ကြောင်းသိရသည်။
Ko Kyaw Swar
မိမိကိုယ်ကို ဓါတ်ဆီလောင်မီးရှို့သူ ခန္ဓာကိုယ်သွေးအဆိပ်တက်ပြီး သေဆုံး
Reviewed by သစ်ထူးလွင်
on
09:47
Rating:
Reviewed by သစ်ထူးလွင်
on
09:47
Rating:
