ဧရာဝတီတိုင်း ဒေသကြီး ဟင်္သာတမြို့နယ် ခြင်းဘို့ အုပ်စုတွင် ဧပြီလ(၂၇)ရက်နေ့က ရုတ်တရက်မိုးရွာသွန်း ရာမှ လေပြင်းမုန်းတိုင်း ပြင်းထန်စွာ တိုက်ခတ်ခဲ့၍ ယင်းအုပ်စုအတွင်းရှိ ဆိပ်သာ ဘုန်တော်ကြီးကျောင်းနှင့် ကျေးရွာ (၈)ရွာမှလူနေအိမ် တစ်ရာခန့် ပျက်စီး ခဲ့ကြောင်း ဒေသခံ အုပ်ချုပ်ရေးမှူးထံမှ သိရသည်။
ခြင်ဘို့အုပ်စုတွင် ကျေးရွာပေါင်း(၁၃)ရွာရှိသည့် အနက်မှကြွက်ကျွန်းကျေးရွာ၊ ကျွန်းဦးကျေးရွာ၊ ကျွန်းထိပ် ကျေးရွာ၊ဆိပ်သာကျေးရွာ၊ ပေါက်တောကျေးရွာ၊ ပေါက်ကုန်းကျေးရွာနှင့်သဲရိုးကျေးရွာတို့မှ လူနေအိမ်များမှာ ရုတ်တရက်လေပြင်းမုန်တိုင်း တိုက်ခတ်မှုကြောင့် ပြိုကျပျက်ခဲ့ရခြင်း ဖြစ်သည်။
“မနေ့ကညနေ၄နာရီလောက်မှာ မိုးအုံ့လာတယ်။ နောက်မိုးသီး ကြွေတယ်မိုးရွာတယ်။ နောက်ပိုင်း လေတိုက်လာတယ်။ လေတိုက်ချိန်ကလည်း ၁၅မိနစ်လောက်ပဲရှိမယ်။ လေဆင်နမောင်းပုံစံမျိုးပါ။ တော်တော်ပြင်းပါတယ်။ သစ်ပင်ကြီးတွေလည်း လဲကုန်ပါတယ်။ အိမ်တွေလဲပြိုကုန်ပါတယ်။”ဟု ကြွက်ကျွန်းကျေးရွာဒေသခံ ဦးမြင်ထွန်း ကပြောသည်။
လေပြင်းတိုက်ခတ်ပြီးနောက်သက်ဆိုင်ရာကလေဘေးသင့်ပြည်သူများကို ကူညီရန် စာရင်းပြုစုမှုအရ ပြိုကျပျက်စီးသွားသည့် အိမ်ခြေပေါင်း(၄၇)အိမ်။ အမိုးလန်အိမ်ခြေပေါင်း(၅၀)၀န်းကျင်ခန့်ရှိကြောင်း၊ ယင်းအပြင် ဆိပ်သာဘုန်တော်ကြီးကျောင်းမှ နတ်လမ်း၊ သိမ်အမိုး၊ ဘုရားတန်ဆောင်း အမိုးများ ပျက်စီးကြကာ ဘုန်ကြီးကျောင်းမှာ ယိုင်သွားကြောင်း သိရသည်။
ကိုရန်နိုင်
News Watch(စောင့်ကြည့်သတင်းဂျာနယ်)
ဟင်္သာတမြို့နယ်တွင် လေပြင်းတိုက်ခတ်၍ လူနေအိမ် တစ်ရာခန့်ပျက်
Reviewed by သစ်ထူးလွင်
on
19:57
Rating:
Reviewed by သစ်ထူးလွင်
on
19:57
Rating:
