ပညာရေးတက္ကသိုလ်နှင့် ကောလိပ်မှဆရာများ အင်္ဂလိပ်စာသင်ကြားရန် ဗြိတိန် ပေါင်လေးသန်း ကူညီမည်

ဗြိတိသျှကောင်စီက မြန်မာနိုင်ငံရှိ ပညာရေး တက္ကသိုလ်များနှင့် ပညာရေး ကောလိပ်များရှိ ဆရာ၊ ဆရာမ များကို အင်္ဂလိပ်စာ သင်ကြားရေး နှစ်နှစ်စီမံချက်အတွက် ပေါင် ၄ ဒသမ ၂ သန်း ကူညီသွားမည်ဟု ပညာ ရေးဝန်ကြီးဌာန၊ ပြည်ထောင်စုဝန်ကြီး ဒေါက်တာဒေါ်ခင်စန်းရီက ပြောသည်။

“ဗြိတိန်နဲ့ မြန်မာက ပညာရေး ပူးပေါင်းဆောင်ရွက်မှုတွေရှိပေမယ့် အခုလို နားလည်မှုစာချွန်လွှာ ထိုးတာ ကတော့ ဒါ ပထမဦဆုံးပါ”ဟု ပြောသည်။

နားလည်မှုစာချွန်လွှာ လက်မှတ်ရေးထိုးခြင်းကို ဗြိတိသျှကောင်စီနှင့် ပညာရေးဝန်ကြီးဌာနတို့ ပူးပေါင်း၍ မတ်လ ၂၈ ရက်တွင် နေပြည်တော်ရှိ သင်္ဂဟဟိုတယ်တွင် ပြုလုပ်ခဲ့ခြင်းဖြစ်သည်။

အဆိုပါစာချုပ်အရ အင်္ဂလန်နိုင်ငံသား ဆရာများသည် ပညာရေးတက္ကသိုလ် နှစ်ခု၊ ပညာရေးကောလိပ် ၁၉ ခုနှင့် မာလာဆောင် အင်္ဂလိပ်ဘာသာစကား အမျိုးသားဗဟိုဌာနတို့မှ ဆရာ၊ ဆရာမပေါင်း ၁၃၀၀ ခန့် ကို ၂၀၀၄ ခုနှစ် စက်တင်ဘာလမှ ၂၀၁၆ ခုနှစ် သြဂုတ်လအထိ သင်ကြားသွားမည်ဟု စာချွန်လွှာတွင်ပါ ရှိသည်။

လာရောက်သင်ကြားမည့် ဆရာ ၅၀ ဦးတွင် ကြီးကြပ်ကွပ်ကဲသူ ခြောက်ဦး ပါဝင်မည်ဖြစ်ပြီး အင်္ဂလိပ်စာ သင်ကြားရေးစနစ် တိုးတက်စေရေးနှင့် မြန်မာ့ပညာရေး မြင့်မားစေရန် ပူးပေါင်းလုပ်ကိုင်မည်ဖြစ်ကြောင်း အခမ်းအနားတက်ရောက်သူ မိတ္ထီလာပညာရေးကောလိပ်မှ ကျောင်းအုပ်ဆရာကြီး ဦးဗိုလ်မြင့်က ပြော သည်။

ပညာရေးဝန်ကြီးဌာန၊ ပညာရေးစီမံကိန်းနှင့် လေ့ကျင့်ရေးဦးစီးဌာနမှ ညွှန်ကြားရေးမှူးချုပ် ဦးကိုကိုတင်က “ative Speaker တွေနဲ့ အတူနေ၊ အတူစားပြီး သင်ကြမယ်ဆိုတော့ အင်္ဂလိပ်စာစွမ်းရည် အများကြီး တိုး တက်လာမှာပါ။ သူတို့တွေ ပြန်သင်တဲ့အခါမှာလည်း မှန်ကန်တဲ့ အင်္ဂလိပ်စာတွေ ဖြစ်လာမှာပေါ့”ဟု မှတ် ချက်ပြုသည်။

အင်္ဂလိပ်ဘာသာစကား သင်ကြားရေးနှင့်ပတ်သက်၍ ဗြိတိသျှကောင်စီသည် မြန်မာနိုင်ငံအတွင်း အင်္ဂ- လိပ်စာလိုအပ်ချက်ရှိသော နေရာများတွင် သင်ကြားရေးစင်တာများကို အကန့်အသတ်မရှိ ဖွင့်လှစ်ခွင့်ရ မည်ဖြစ်ကြောင်း အဆိုပါစာချွန်လွှာတွင် ပါရှိသည်။

ဗြိတိသျှကောင်စီမှCountry Director Kevin Mackenzie က “ကျွန်တော်တို့အနေနဲ့ ဒီစာချုပ်ကို နှစ်နှစ် နေပြီးရင် Review ပြန်လုပ်မယ်။ အခုလောလောဆယ်တော့ ဒါကို အောင်မြင်ဖို့ပဲ အာရုံထားပါတယ်”ဟု ပြောသည်။

ဝင်းကိုကိုလတ်၊ အောင်သူရထွန်း

Mizzima - News in Burmese