ရန်ကုန်မြို့တော်နှင့် မန္တလေးမြို့တော်ရှိ အခြေခံပညာ ကျောင်းများတွင် တရုတ်မုန့် မရောင်းရေး ကျောင်းဖွင့်ရာသီ အမီ စစ်ဆေး ပညာပေးမည်

မန္တလေး၊ မတ် ၁၂

ပြည်တွင်းရှိ ကျောင်းနေအရွယ် ကလေးငယ်များ စားသုံးမှု များပြီး ကလေးငယ်များ၏ ကျန်းမာရေးကို ခြိမ်းခြောက်မှုများ ရှိနေသော တရုတ်မုန့်များကို ရန်ကုန်နှင့် မန္တလေး မြို့တော်တို့ရှိ အခြေခံ ပညာသင် ကျောင်းပတ်ဝန်းကျင်ရှိ မုန့်ဆိုင်များတွင် ရောင်းချခြင်း မပြုရန် လာမည့် ကျောင်းဖွင့်ရာသီ အမီ စစ်ဆေး ပညာပေးသွားမည် ဖြစ်ကြောင်း စားသုံးသူ ကာကွယ်ရေးအသင်း ဥက္ကဋ္ဌ ဦးဗအုပ်ခိုင်က ပြောကြားသည်။

“တစ်နိုင်ငံလုံး အထိတော့ မဆောင်ရွက်နိုင်သေးဘူး။ အဓိကကတော့ ရန်ကုန် အရင် စလုပ်မှာပေါ့။ မန္တလေးမှာ အသင်းဖွဲ့ဖို့ စီစဉ်နေတယ် ဆိုတော့ ဖွဲ့ပြီးသွားရင်တော့ မန္တလေးမှာလည်း စစ်မှာပါ” ဟု ဦးဗအုပ်ခိုင်က ဆိုသည်။

ယင်းသို့ စစ်ဆေး ပညာပေးမှုကို ထိထိရောက်ရောက် ဆောင်ရွက် သင့်ပြီး ရေရှည် ဆောင်ရွက်ရမည် ဖြစ်ကြောင်း မန္တလေးခရိုင် အမရပူရ မြို့နယ်ရှိ ကျောင်းအုပ်ဆရာကြီး တစ်ဦးဖြစ်သူ ဦးမောင်မြင့်က ပြောကြားသည်။

အဆိုပါ မြို့များအတွင်းရှိ အခြေခံ ပညာသင် ကျောင်းများ အတွင်းရှိ မုန့်အရောင်းဆိုင် များနှင့် ကျောင်းဘေး ပတ်ဝန်းကျင် ဈေးဆိုင်များတွင် တရုတ်စာများဖြင့် ရေးသားထားသည့် မုန့်များသာ ဈေးကွက် ရယူနေပြီး ကျန်းမာရေးနှင့် အညီ ထုတ်လုပ်ထားမှု ဟုတ် မဟုတ် မသိနိုင်သဖြင့် ယင်းသို့ စစ်ဆေးသင့်ကြောင်း ၎င်းကဆိုသည်။

တစ်ထုပ်လျှင် ကျပ်ငါးဆယ်မှ ၂၀၀ ကျပ်ထိ ဈေးနှုန်းရှိသည့် ကြက်သား အာလူးချောင်း၊ ချိုချဉ်၊ မုန့်အချောင်းများ၊ ငါးမုန့်ကြော်၊ ဝေဖာစသည့် မုန့်များမှာ အရောင်အသွေးစုံ ထုပ်ပိုးမှု ကောင်းသဖြင့် ကလေးများ အစားများကြောင်း၊ ပြည်တွင်းထုတ် မုန့်များနှင့်မူ ထုပ်ပိုးမှု ပုံစံ ကွာခြားသဖြင့် ကလေးများအကြိုက် မဆောင်နိုင်ကြောင်း ၎င်းက ထပ်မံ ပြောကြားသည်။

ယင်းမုန့်များသည် ဈေးကွက်အတွင်း တရားမဝင် ဝင်ရောက်နေခြင်း ဖြစ်ပြီး စားသုံးသူ ကာကွယ်ရေး ဥပဒေ ထွက်ရှိလာပါက စားသုံးသူ နစ်နာမှုများ ရှိလျှင် လာရောက် တိုင်ကြားနိုင်ကြောင်း ကူးသန်းရောင်းဝယ်ရေးနှင့် စားသုံးသူရေးရာ ဦးစီးဌာနထံမှ သိရသည်။

FDA ခွင့်ပြုချက် ရရှိရန် လာရောက် စစ်ဆေးသည့် တရုတ်မုန့်များတွင် တရုတ်စာများသာ ရိုက်နှိပ်ထားသဖြင့် စစ်ဆေးရန် ခက်ခဲကြောင်း မုန့်အမည်နှင့် ပါဝင်သည့် ပစ္စည်များကို အင်္ဂလိပ်ဘာသာ သို့မဟုတ် မြန်မာ ဘာသာဖြင့် ရိုက်နှိပ်ရန် လိုအပ်ကြောင်း မြန်မာ-တရုတ် ဆွေးနွေးပွဲတွင် FDA တာဝန်ရှိသူ တစ်ဦးက ပြောကြားထားသည်။

The Voice Weekly