လေးပွင့်ဆိုင် တွေ့ဆုံရေး ဘာကြောင့် အလှမ်းဝေးနေ

လက်ရှိ ပြဿနာပေါင်းများစွာနှင့် ရင်ဆိုင်နေရသော မြန်မာနိုင်ငံရေး အခင်းအကျင်းကို လှမ်းမျှော်
ကြည့်ပါက အဝေးကပင် ထင်ထင်ရှားရှား တွေ့နိုင်သည့် အဓိက မြင်ကွင်းမှာ ၂၀၀၈ ဖွဲ့စည်းပုံ
အခြေခံဥပဒေ ပြင်ဆင်ရေးပင်ဖြစ်သည်။

ယင်းမြင်ကွင်းနှင့်အတူ ပြည်သူလူထုထံ တစ်ရပ်လုံးက ဟစ်ကြွေးတောင်းဆိုနေသည့် "၂၀၀၈
ဖွဲ့စည်းပုံ အခြေခံ ဥပဒေ ပြင်ဆင်ပေး" "ပုဒ်မ၅၉(စ) ပြင်ဆင်ပေး" နိုင်ငံတစ်ဝန်းတွင် ပဲ့တင်ထပ်နေ
သည့် အသံများကိုလည်း ကြားနေရသည်။

အာဏာရှင် စနစ်၏ လောင်းရိပ်အောက်တွင် နှစ်ပေါင်းများစွာ ခက်ခဲပင်ပန်းစွာ ရုန်းကန်ခဲ့ရသော
ပြည်သူလူထုသည် တိုင်းပြည်အား ဒီမိုကရေစီနိုင်ငံအဖြစ်သို့ အသွင်ကူးပြောင်းမည် ဟူသည့်
အသံကို အုပ်ချုပ်သူ ခေါင်းဆောင်များထံမှ ကြားရသည့်အချိန်တွင် မျှော်လင့်ချက် အပြည့်နှင့်
ပျော်ရွှင်ခဲ့ကြသည်။

သို့သော် ၎င်းတို့ မျှော်လင့်ခဲ့သည့် ဒီမိုကရေစီ နိုင်ငံတော်အား ၂၀၀၈ ဖွဲ့စည်းပုံအခြေခံဥပဒေဖြင့်
ပုံဖော်လိုက်သောအခါ ယင်းမျှော်လင့်ချက်မှာ မျှော်လင့်ချက် သက်သက်သာဖြစ်သည်ကို
သုံးနှစ်တာ ကာလအတွင်း ကောင်းကောင်းနားလည် သဘောပေါက်လာကြသည်။

ယင်းမျှော်လင့်ချက်များအစား ဖြေရှင်းမရနိုင်သည့် လူမျိုးရေး၊ ဘာသာရေး ပဋိပက္ခများ၊ ပြည်တွင်း
စစ်များ၊ ဒီမိုကရေစီ နိုင်ငံတစ်ခု၏ အသက်သွေးကြောဖြစ်သည့် လွတ်လပ်စွာ ဆန္ဒထုတ်ဖော်ခွင့်ကို
အသုံးချသည့် ပြည်သူများအား ပုဒ်မ ၁၈ ဖြင့် ဖမ်းဆီးထောင်ချမှုများ၊ ရှုပ်ထွေးလှသည့်
လယ်သိမ်းမြေသိမ်းပြဿနာများ၊ အသစ်အသစ်သော ပြဿနာများကိုသာ ရင်ဝယ်ပိုက်ထားရသည့်
အခြေအနေကို ရောက်ရှိခဲ့သည်။

ယင်းအခြေအနေများကို ယခုအစိုးရ သက်တမ်းတွင် ချန်ထားရစ်ကာ စစ်မှန်သည့် ဒီမိုကရေစီ နိုင်ငံ
ကို ထူထောင်လိုသော ပြည်သူလူထုနှင့် ပြည်တွင်းပြည်ပမှ နိုင်ငံရေးအင်အားစုများသည် နောက်
တစ်ကြိမ်ရွေးကောက်ပွဲ မတိုင်မီ ၂၀၀၈ ဖွဲ့စည်းပုံ အခြေခံဥပဒေအား ပြင်ဆင်ပေးရန် တောင်းဆိုလာ
ခဲ့သည်။

ဒီမိုကရေစီ စံနှုန်းနှင့်ကိုက်ညီသည့် ဥပဒေ အဖြစ် ပြန်လည်သုံးသပ်မည်ဖြစ်ကြောင်း နိုင်ငံတော်
သမ္မတက ပြည်တွင်း ပြည်ပတွင် ဖွင့်ဟ ပြောဆိုခဲ့သလို လွှတ်တော်အတွင်းတွင်လည်း ပြင်ဆင်ရေး
အတွက် ကော်မတီများ ဖွဲ့စည်းကာ ဆောင်ရွက်လာခဲ့သည်။

တစ်ဖက်တွင်လည်း အတိုက်အခံပါတီဖြစ်သည့် အမျိုးသားဒီမိုကရေစီအဖွဲ့ချုပ်ကလည်း ပြင်ဆင်ရေး
အတွက် လူထုအသိပညာပေးပွဲများ၊ လူထုဆန္ဒခံယူပွဲများကို နိုင်ငံအ၀န်း အင်တိုက်အားတိုက်
လုပ်ဆောင်လျက်ရှိသည်။

အလားတူ တစ်ချိန်တည်းမှာပင် ၂၀၀၈ ကို မူလအတိုင်း ဆက်လက်တည်တံ့ရန် လွှတ်တော်အတွင်း
စည်းရုံးလှုံ့ဆော်နေသူများရှိကြောင်း ပြည်သူ့လွှတ်တော်ကိုယ်စားလှယ် သူရဦးအောင်ကိုက
သတိပေးခဲ့သည်။

မကြာမီ လွှတ်တော် ပြင်ပတွင်လည်း အမျိုးဘာသာ စောင့်ရှောက်ရေး စကားလုံးများကို
ကိုင်စွဲလျက် ပုဒ်မ ၅၉(စ) မပြင်ဆင်ရေးအတွက် လူထုထောက်ခံပွဲများ ပြုလုပ်လာရာ ၂၀၀၈
လွန်ဆွဲပွဲသည် ပိုမိုအရှိန် မြင့်တက်လာခဲ့သည်။

ပြင်ဆင်ရေးနှင့် ပတ်သက်၍ လက်ရှိအနေအထားအရ ပြည်သူလူထုလိုလားနေသည့် နိုင်ငံတော်
သမ္မတ အရည်အချင်း သတ်မှတ်မှု၊ နိုင်ငံရေးတွင် ပါဝင်နေသော တပ်မတော်၏ အခန်းကဏ္ဍ၊
ဖွဲ့စည်းပုံအခြေခံဥပဒေ ပြင်ဆင်ရေး စသည့် အဓိက အချက်များအား ၂၀၁၅ မတိုင်မီ ပြင်၊ မပြင်
ဆိုသည်မှာ မသေချာသေးပေ။ နိုင်ငံရေး လေ့လာသုံးသပ်သူများကမူ လာမည့်ကာလများတွင်
ဒေါ်အောင်ဆန်းစုကြည် သမ္မတဖြစ်ရေးအတွက် အဟန့်အတား၊ တိုက်ခိုက်မှုများကို ယခုထက်ပိုမို
ကြုံတွေ့ရမည်ဖြစ်ပြီး အဓိကကျသည့် ပုဒ်မ ၇၄ ခုကို ပြင်ဆင်နိုင်မည် မဟုတ်ကြောင်း မြန်မာ့
နိုင်ငံရေး ကျွမ်းကျင်သူများက သုံးသပ်သည်။

အကယ်၍ လက်ရှိအစိုးရသည် ၂၀၁၅ အလွန်တွင် ထွက်ပေါ်လာမည့် အစိုးရသစ်နှင့် နိုင်ငံတော်
ဦးဆောင်မှု အခန်းကဏ္ဍအား ယခု ပုံစံအတိုင်း ဆက်လက်တည်ရှိရန် ထပ်မံကြိုးပမ်းပါက ၂၀၁၅
နီးလာသည်နှင့်အမျှ မငြိမ်သက်မှုများ ဖြစ်ပေါ်လာပြီး ၂၀၁၅ ရွေးကောက်ပွဲသည်လည်း စိုးရိမ်စရာ
အခြေအနေများဖြင့် ရင်ဆိုင်ရမည်ဖြစ်ကြောင်း နိုင်ငံရေး ကျွမ်းကျင်သူများက ဆိုသည်။

သို့ဖြစ်ရာ ယင်းကဲ့သို့သော တိုင်းပြည် မငြိမ်သက်မှုများကို ထိန်းသိမ်းနိုင်ပြီး တရားမျှတသည့်
ရွေးကောက်ပွဲ ကျင်းပနိုင်ရန် ဒေါ်အောင်ဆန်းစုကြည် တောင်းဆိုနေသည့် လေးပွင့်ဆိုင်ဆွေးနွေးပွဲ
ဖြစ်မြောက်ရေးသည် အဓိက အချက်ဖြစ်ပြီး ၎င်းတို့ကြားတွင် ခိုင်မာသည့် နိုင်ငံရေး သဘော
တူညီချက် ရရှိရေးသည် အရေးကြီးသည့် အချက်ပင်ဖြစ်သည်။

"ပြည်ခိုင်ဖြိုး၊ စစ်တပ်နဲ့ ဒေါ်အောင်ဆန်းစုကြည်တို့ကြားမှာ နိုင်ငံရေး သဘောတူညီချက် တစ်ခုရဖို့
လိုတာကတော့ ငြင်းမရတဲ့ အချက်ပါ။ အဲဒါကြောင့် ဒေါ်စုက လေးပွင်ဆိုင်တွေ့ဆုံရေးကို
တောင်းတာပါ။ အဲဒီနိုင်ငံရေး သဘောတူညီချက်ရဖို့ဆိုတာ တွေ့ဆုံဆွေးနွေးရေးကို အရင်
ကျော်ဖြတ်ရမှာပါ"ဟု မြန်မာ့နိုင်ငံရေးကျွမ်းကျင်သူ ဒေါက်တာရန်မျိုးသိမ်းက ပြောသည်။

အမျိုးသား ဒီမိုကရေစီအဖွဲ့ချုပ် ခေါင်းဆောင် ဒေါ်အောင်ဆန်းစုကြည်သည် ဖွဲ့စည်းပုံ အခြေခံဥပဒေ
ပြင်ဆင်ရေးအတွက် နိုင်ငံတော် သမ္မတ၊ တပ်မတော် ကာကွယ်ရေးဦးစီးချုပ်နှင့် လွှတ်တော် ဥက္ကဋ္ဌ
တို့အား လေးပွင့်ဆိုင်ဆွေးနွေးရန် ၂၀၁၃ ခုနှစ် ဩဂုတ်လအတွင်း ကမ်းလှမ်းခဲ့သော်လည်း
ငြင်းဆန်ခြင်းခံခဲ့ရသည်။

ဒေါ်အောင်ဆန်းစုကြည်သည် နေအိမ်အကျယ်ချုပ်ဘ၀မှ လွတ်မြောက်ပြီး မကြာမီ နိုင်ငံတော်
သမ္မတနှင့် တွေ့ဆုံခွင့်ရခဲ့ပြီးလွှတ်တော် ဥက္ကဋ္ဌ သူရ ဦးရွှေမန်းနှင့်လည်း ကောင်းမွန်သည့်
ဆက်ဆံရေးကို တည်ဆောက်နိုင်ခဲ့သည်။

စစ်တပ် နှင့် အင်န်အယ်လ်ဒီ၏ ဆက်ဆံရေး ကောင်းမွန်စေရန် သူ့အနေဖြင့် တပ်မတော်အပေါ်
ကာကွယ်ပြောဆိုမှုများ ရှိခဲ့သလို လေးပွင့်ဆိုင်တွေ့ဆုံမှု အား ငြင်းပယ်သူမှာ သမ္မတ ဦးသိန်းစိန်
သာဖြစ်ပြီး ကာကွယ်ရေးဦးစီးချုပ်က ငြင်းဆိုခြင်း မဟုတ်ကြောင်း ပြောဆိုခဲ့သည်။

ထို့အတူ လက်ရှိနိုင်ငံရေး၏ အဓိက အခန်းကဏ္ဍမှ ပါဝင်နေဆဲဖြစ်သည့် စစ်တပ်အကြီးအကဲ
ကာကွယ်ရေးဦးစီးချုပ်နှင့် တွေ့ဆုံခွင့်ရရန် သူ့အနေဖြင့် ထပ်မံကြိုးစားမည် ဆိုသော်လည်း ယနေ့
အချိန်အထိ တွေ့ဆုံနိုင်ခြင်း မရှိသေးပေ။

"အဓိကကတော့ ယုံကြည်မှု တည်ဆောက်ရေးအပိုင်းမှာ လိုအပ်နေတာလို့ ထင်တယ်။ သမ္မတက
ပယ်ချပြီး ကာချုပ်က မငြင်းခဲ့ဘူးလို့ ပြောဖို့ခက်ပါတယ်။ သမ္မတရော၊ ကာချုပ်ရော ဟာ ကာလုံ
(နိုင်ငံတော်ကာကွယ်ရေးနှင့် လုံခြုံရေး ကောင်စီ) အဖွဲ့ဝင်တွေပါ။ စစ်တပ်အနေနဲ့ ဒေါ်စုနဲ့ တွေ့ဖို့
အချိန်စောသေးတယ်လို့ ယူဆကောင်း ယူဆနိုင်သလို ဒေါ်စုကိုတွေ့ဖို့ မယုံကြည်သေးဘူးလို့လည်း
ယူဆနိုင်ကောင်းပါတယ်။ နောက်နှစ်ဖက်စလုံးက နိုင်ငံရေး အပေးအယူလုပ်ဖို့ အဆင်သင့်ဖြစ်ပုံ
မရသေးဘူးလို့ ထင်ပါတယ်"ဟု ဒေါက်တာ ရန်မျိုးသိမ်းက ပြောသည်။

ဒေါ်အောင်ဆန်းစုကြည် အနေဖြင့် နိုင်ငံရေး အပေးအယူလုပ်ရန် ကြားခံလူ သို့မဟုတ် အဖွဲ့အစည်း
တစ်ခုခုမှတစ်ဆင့် တပ်မတော်နှင့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီအား ချဉ်းကပ်လျှင်
အဆင်ပြေနိုင်မည်ဟု ထင်ကြောင်း ၎င်းကပြောသည်။

"ဒါပေမဲ့ မြန်မာ့နိုင်ငံရေး အပြောင်းအလဲအတွက် နိုင်ငံရေး တွေ့ဆုံဆွေးနွေးမှုတွေကနေ တစ်ဆင့်
ပုံဖော်နိုင်မယ်ဆိုတဲ့အချက်ကို တပ်မတော်ရော၊ ပြည်ခိုင်ဖြိုးကရော လက်ခံဖို့ လိုအပ်သလို
ယုံကြည်မှုတည်ဆောက်ရေးနဲ့ နိုင်ငံရေးအပေးအယူဟာ အဓိကကျတယ်ဆိုတာ အားလုံးလက်ခံဖို့
လိုပါတယ်"ဟု နိုင်ငံရေးဆောင်းပါးများကို ရေးသားနေသူ ဒေါက်တာရန်မျိုးသိမ်းက ပြောသည်။

မြန်မာနိုင်ငံ အနှံ့အပြားတွင် ဖွဲ့စည်းပုံအခြေခံဥပဒေဆိုင်ရာ ဆွေးနွေးပွဲများကို ပြုလုပ်နေသည့်
ဖွဲ့စည်းပုံ အခြေခံဥပဒေဆိုင်ရာ ကွန်ရက်အဖွဲ့ဝင် ကိုမျိုးရန်နောင်သိမ်းကလည်း လေးပွင့်ဆိုင်
တွေ့ဆုံခြင်းဆိုသည်မှာ နိုင်ငံရေးဆိုင်ရာ ယဉ်ကျေးမှုတစ်ခု ဖြစ်သော်လည်း တွေ့ဆုံရန် ခက်ခဲနေခြင်း
မှာ နောက်ကွယ်တွင် မမြင်နိုင်သည့် ရှုပ်ထွေးမှုများကြောင့် ဖြစ်ကြောင်း ခန့်မှန်းခဲ့သည်။

"ဒါက အမှန်တော့ အင်မတန်ရှင်းလင်းတဲ့ တွေ့ဆုံမှုပါ။ ဘာကြောင့်ခက်ခဲနေလဲဆိုတာ တော့ပြောဖို့
ခက်တယ်။ ကြားရသလောက် အခု သမ္မတနဲ့ ကာကွယ်ရေးဦးစီးချုပ်က အဆင်ပြေနေတယ်ပေါ့။
နောက်ဒေါ်အောင်ဆန်းစုကြည်နဲ့ သူရဦးရွှေမန်းကလည်း အဆင်ပြေနေတဲ့ အနေအထားပဲ။
နောက်တစ်ချက် စဉ်းစားရမှာက ကာကွယ်ရေးဦးစီးချုပ်က ပြောဖူးတယ်။ သူ့အနေနဲ့ ဗိုလ်ချုပ်မှူးကြီး
သန်းရွှေ ချမှတ်ခဲ့တဲ့ လမ်းကြောင်းအတိုင်း လျှောက်မယ်ဆိုတော့ နောက်ကွယ်မှာ ဘယ်လို
အခြေအနေရှိလဲ။ နိုင်ငံ အနာဂတ်အတွက် အလွယ်တကူ အဆင်ပြေနိုင်တဲ့ လမ်းကြောင်းပေါ်
ရောက်ဖို့ လွယ်ကူနေတာကို ခက်ခဲနေတာဟာ နောက်ကွယ်မှာ ဒီထက်မက ရှုပ်ထွေးမှုတွေ
ရှိတာကြောင့်ပဲ"ဟု ဗေဒါ နိုင်ငံရေး သိပ္ပံကျောင်း၏ ဒါရိုက်တာဖြစ်သူ ကိုမျိုးရန်နောင်သိမ်းက
ပြောသည်။

လေးပွင့်ဆိုင် တွေ့ဆုံဆွေးနွေးရေးသည် ဖွဲ့စည်းပုံ အခြေခံ ဥပဒေ ပြင်ဆင်ရေး၊ အမျိုးသား ပြန်လည်
သင့်မြတ်ရေးနှင့် ဖက်ဒရယ် ပြည်ထောင်စု ထူထောင်ရေးစသည့် နိုင်ငံရေး ရည်မှန်းချက်ကြီးများ
အတွက် အလွန်အရေးကြီးသော အချိုးအကွေ့တစ်ခုဖြစ်ပြီး မြန်မာ့နိုင်ငံရေး သမိုင်းကြောင်းကို
ပြန်ကြည့်ပါက အလုပ်ဖြစ် ထိရောက်သည့် နိုင်ငံရေး ဆွေးနွေးပွဲများအား လွတ်လပ်ရေးရသည့်
အချိန်မှစ၍ ယနေ့အချိန် ထိမရှိသည့်အတွက် နိုင်ငံရေးအရ အဖြေမထွက်နိုင်ဘဲ အဆိုးသံသရာ
ထဲမှာ တ၀ဲလည်လည် ဖြစ်နေသည်ဟု ဒေါက်တာရန်မျိုးသိမ်းက ပြောသည်။

"တကယ်တမ်း လေးပွင့်ဆိုင်ဆွေးနွေးဖြစ်မယ်ဆိုရင် ကျွန်တော်က နောက်ထပ် တိုင်းရင်းသား
ကိုယ်စားလှယ် တစ်ယောက်တော့ပါစေချင်တယ်။ အားလုံးမဟုတ်တောင် တစ်ယောက် ဖြစ်ဖြစ်၊
နှစ်ယောက်ဖြစ်ဖြစ်ပေါ့။ ဒါမှသာ တိုင်းရင်းသား ပြည်သူအားလုံး ကိုယ်စားပြုတဲ့ ဆွေးနွေးပွဲဖြစ်လာ
မှာ"ဟု ကိုမျိုးရန်နောင်သိမ်း က ပြောသည်။

တိုင်းရင်းသား လက်နက်ကိုင် တပ်ဖွဲ့များဖြင့် ဖွဲ့စည်းထားသော ညီညွတ်သောတိုင်းရင်းသား
လူမျိုးများကောင်စီ (ယူအင်န်အက်ဖ်စီ)၏ အထွေထွေအတွင်းရေးမှူးဖြစ်သူ ဦးခွန်ဥက္ကာ ကမူ
လွှတ်တော်တွင်း ဖွဲ့စည်းပုံ အခြေခံဥပဒေ ပြင်ဆင်ရန် အလားအလာမရှိဘဲ မူလပြဋ္ဌာန်းချက်များအား
ပိုမိုခိုင်ခံ့အောင် အကာအကွယ် ပြုလုပ်လိုခြင်းသာဖြစ်ကြောင်း ပြောဆိုခဲ့သည်။

ထို့အတူ လက်ရှိ ဖြစ်ပွားနေသော ပြည်တွင်းငြိမ်းချမ်းရေး ပြဿနာများကိုလည်း ၂၀၀၈ ဖွဲ့စည်းပုံ
အခြေခံဥပဒေနှင့် ဖြေရှင်း၍ မရနိုင်ကြောင်း ပြောဆိုခဲ့သည်။

"အဓိကက နိုင်ငံရေး ဆွေးနွေးပွဲ မူဘောင် တစ်ခုရပြီးတဲ့အချိန်မှာ ၂၀၁၅ အတွက် အားလုံး
ဝိုင်းအဖြေရှာဖို့ လိုတယ်။ ဒီအချိန်မှာ ဒေါ်အောင်ဆန်းစုကြည်ကိုလည်း ကျွန်တော်တို့ ချန်ထားလို့
မရဘူး။ အဲဒီအခါကျ လေးပွင့်ဆိုင် မဟုတ်ဘူး။ ငါးပွင့်ဆိုင်ပေါ့။ ဒါမှသာ ကျွန်တော်တို့လည်း
နောက်ကျောလုံလုံနဲ့ နိုင်ငံရေး ဆွေးနွေးပွဲကို ဆက်လုပ်နိုင်မှာဖြစ်တယ်။ အခုလည်း
ဒေါ်အောင်ဆန်းစုကြည်အပါအ၀င် အားလုံးကြိုးစားနေတာကို ထောက်ခံတယ်။ ကျွန်တော်တို့လည်း
ပြင်ပကနေ ပြင်ဆင်ရေး ကြိုးပမ်းနေတယ်" ဟု ၎င်းကပြောသည်။

ဒေါ်အောင်ဆန်းစုကြည် သမ္မတဖြစ်ပါက နိုင်ငံနှင့် ပြည်သူလူထုအကျိုးအတွက် ပူးပေါင်း
ဆောင်ရွက်မည်ဟု ပြောဆိုလေ့ရှိသူ လွှတ်တော် ဥက္ကဋ္ဌ သူရဦးရွှေမန်းကမူ လေးပွင့်ဆိုင်ဆွေးနွေးပွဲ
ကို လက်ခံကြိုဆိုကြောင်း ပြောဆိုခဲ့ပြီး ထပ်မံ ကမ်းလှမ်းပါက ၎င်းအနေဖြင့် လက်ခံမည်ဖြစ်ကြောင်း
ပြောခဲ့သည်။

ဖေဖော်ဝါရီလ ၁၂ ရက်နေ့တွင် ကျရောက်သည့် (၆၇)နှစ်မြောက် ပြည်ထောင်စုနေ့ ညစာ စားပွဲတွင်
ဒေါ်အောင်ဆန်းစုကြည်နှင့်အတူ သမ္မတ ဦးသိန်းစိန်၊ လွှတ်တော်ဥက္ကဋ္ဌ သူရ ဦးရွှေမန်း၊
ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့ စားပွဲတစ်ခုတည်းတွင် အတူတကွ
ထိုင်နေသည်ကို တီဗီဖန်သားပြင်မှ တွေ့မြင်ခဲ့ရသည်။

သို့သော် ယင်းမြင်ကွင်းသည် လေးပွင့်ဆိုင်ဆွေးနွေးပွဲ ဖြစ်မြောက်ရန် ကြိုတင်နိမိတ် ပုံရိပ်တစ်ခု
ဟုတ်မဟုတ်ဆိုသည်မှာ ခန့်မှန်းရန် ခက်ခဲနေဆဲပင်ဖြစ်သည်။

"ဒါက တိုက်ဆိုင်တာတော့ မဟုတ်ဘူး။ တမင်တကာ ဖန်တီးထားတာတော့ သေချာတယ်။
တကယ်လိုအပ်တာက လေးပွင့်ဆိုင်ဆွေးနွေးပွဲ တရားဝင်ဖြစ်လာဖို့ပဲ"ဟု ကိုမျိုးရန်နောင်သိမ်းက
ပြောသည်။

အိအိတိုးလွင်
မြန်မာတိုင်း(မ်)

ယခုနှစ် ပြည်ထောင်စုနေ့ ညစာစားပွဲ၌ သမ္မတဦးသိန်းစိန်နှင့် ဒေါ်အောင်ဆန်းစုကြည်တို့ နှုတ်ဆက်နေစဉ်။ ဓာတ်ပုံ - သမ္မတရုံး