ရန်ကုန်တိုင်း၊ လှည်းကူးမြို့နယ်က ဖျက်သိမ်းခံလိုက်ရတဲ့ သမီးလေးကျေးရွာက ကျောင်းသားမရှိတဲ့ အိမ်ထောင်စုတွေကို လောလောဆယ် ခိုလှုံနေတဲ့နေရာက ဒီနေ့မဖယ်ရှားရင် မနက်ဖြန်မှာ အာဏာပိုင်တွေကိုယ်တိုင်လာဖယ်ရှားတဲ့အခါ မလိုလားအပ်တဲ့ ပြဿနာပေါ်ပေါက်မယ်ဆိုတဲ့အတွက် ယာယီတဲတွေကို ဒီနေ့  ဖျက်သိမ်းလိုက်ရပါတယ်။
ပဲခူးတိုင်းအုပ်ချုပ်ရေးမှူးက အကြောင်းကြားလာတဲ့အတွက် ဖျက်သိမ်းပေးလိုက်ရတာလို့ အလံနီကျေးရွာ။ အောင်သိဒ္ဓိကျောင်းတိုက်ဆရာတော် ဦးအဂ္ဂဓမ္မက မိန့်ကြားပါတယ်။
အိမ်ထောင်စု ၆၆ စုက လူဦးရေ ၁၈၄ ယောက်ကို ကျောင်းဝင်းထဲက ဓမ္မာရုံထဲမှာ ယာယီနေရာချထားပေးတယ်လို့လည်း ဆရာတော်က မိန့်ပါတယ်။ အိမ်ထောင်စု ၇၂ စုက လူဦးရေ ၃၅၁ ယောက်ကတော့ ယာယီတဲတွေနဲ့ ကျန်ရစ်ခဲ့ပါတယ်။ ညနေပိုင်းမှာတော့ ညွှန်ကြားချက်အတိုင်း တဲတွေဖျက်ပြီး-မပြီး ပဲခူးတိုင်း ဒုတိယအုပ်ချုပ်ရေးမှူးက လာရောက်ကြည့်ရှုစစ်ဆေးပါတယ်။ ဒီမတိုင်ခင် တောင်သုံးလုံးတပ်က အရာရှိတစ်ဦး လာရောက်သွားတယ်လို့ ဆရာတော် ဦးအဂ္ဂဓမ္မက မိန့်ကြားပါတယ်။
ဒေသခံတွေဟာ သမီးကလေးရွာကိုဖျက်ချိန်က ရရာအထုပ်ဆွဲထွက်လာကြရပြီး စေတနာရှင်တွေက ကယ်ဆယ်ရေး အကူအညီတွေ ပေးထားပေမဲ့ စောင်အလုံအလောက် မရှိကြဘူးလို့လည်း မိန့်ပါတယ်။
RFA Burmese
သမီးလေးကျေးရွာသားများရဲ့ ယာယီတဲများ ဖျက်သိမ်းရ
Reviewed by သစ်ထူးလွင်
on
21:40
Rating:
Reviewed by သစ်ထူးလွင်
on
21:40
Rating:
