ချစ်သူများနေ့အမှတ်တရ အရောင်းဆိုင်ဖွင့်တဲ့ဓလေ့ မန်းလူငယ်တွေကြား အထူးရေပန်းစားလာ

ဖုန်ထူနေပူပြီး ဆိုင်ကယ်သံတွေ ဆူညံနေတဲ့ မန္တလေးမြို့မှာ ဇန်န၀ါရီလ နောက်ဆုံး သီတင်းပတ်
လောက်ကစပြီး ၇၃ လမ်းမပေါ် အပါအ၀င် မြို့တွင်းလမ်းဘေးဝဲယာ တစ်လျှောက်မှာ ချစ်သူများနေ့
အတွက် လက်ဆောင်ပစ္စည်းရောင်းတဲ့ ယာယီဆိုင်တွေနဲ့ စည်ကားနေပါပြီ။

သီချင်းတွေကိုလည်း အပြိုင်အဆိုင်ဖွင့်လို့ပေါ့။ ယာယီဆိုင်ငယ်တွေက သေးငယ်ပေမယ့်
ချစ်သူများနေ့မှာ လက်ဆောင်ပေးချင်စရာ အရုပ်၊ ချောကလက်၊ ပန်းစည်းတွေကို အရောင်အသွေး
စုံစုံလင်လင် ရွေးချယ်စရာအများအပြားနဲ့ကို တွေ့နိုင်ပြီး ဆိုင်ဖွင့်သူတွေကလည်း လူငယ်
ကျောင်းသားတွေပဲ အများဆုံးဖြစ်ကြပါတယ်။

တရုတ်ဘုံကျောင်းတစ်ကျောင်းမှာ တရုတ် စာသင်ယူနေတဲ့ မထက်ထက်ဦးကတော့ ဒီနှစ်မှာ
ပထမဆုံးအနေနဲ့ သူငယ်ချင်း လေးယောက် စုပြီး ချစ်သူများနေ့ အမှတ်တရပစ္စည်းဆိုင်ဖွင့်ဖြစ်တယ်
လို့ ပြောပါတယ်။

"ခုချိန်က ဘုံကျောင်းပိတ်ရက်ဖြစ်ပြီး တခြားရွယ်တူ သူငယ်ချင်းတွေလည်း ဈေးဆိုင်ဖွင့်ပြီး
ရောင်းတာမြင်လို့ ပျော်လို့လိုက်ရောင်းတာပါ။ ချောကလက်နဲ့ ပန်းစည်း အဓိကတင်ထားတယ်၊
လိုအပ်တဲ့ အမှတ်တရပစ္စည်းလေးတွေကိုတော့ သူငယ်ချင်းတွေစုပြီး ၀ယ်ကြပါတယ်"လို့
မထက်ထက်ဦးက ပြောပါတယ်။

နှင်းဆီပန်းမျိုးစုံအဓိကရောင်းတဲ့ သူ့ဆိုင်မှာ အဓိက လာဝယ်သူတွေက အသက် ၂၀ ၀န်းကျင်တွေ
ဖြစ်ပြီး လူကြီးတွေလည်း လာဝယ်သူတွေထဲမှာ ပါဝင်တယ်လို့ ပြောပါတယ်။

"အဲ.. မနေ့ကတော့ ကလေးလေး၊ အသက်ရှစ်နှစ်လောက်ပဲ ရှိဦးမယ် ကောင်လေးတစ်ယောက်
နှင်းဆီပန်းတစ်ပွင့် လာဝယ်တယ်။ အတန်းထဲက ကောင်မလေးတစ်ယောက်ကို ပေးမလို့တဲ့။
ပျော်စရာအရမ်းကောင်းပါတယ်"လို့ ပြောပါတယ်။

မန္တလေးမြို့မှာ လွန်ခဲ့တဲ့ သုံးလေးနှစ် ၀န်းကျင်ကစပြီး ချစ်သူများနေ့နီးလာချိန်ဆို ကျောင်းသား
လူငယ်တွေစုပြီး ယာယီအမှတ်တရ လက်ဆောင်အရောင်းဆိုင်တွေ ဖွင့်လာကြပြီး ချစ်သူများနေ့
အထိ ရောင်းချကြတယ်လို့ သိရပါတယ်။

မန္တလေးမြို့က သူငယ်ချင်းတွေရဲ့အစီအစဉ်ကြောင့် နမ္မတူမြို့ကနေ လာရောက်ဆိုင်ဖွင့် ရောင်းချတဲ့
မ၀င်းဝင်းသန့်ကတော့ ချစ်သူမရှိ မယ့်အတူတူ သူငယ်ချင်းတွေနဲ့ အခုလိုဈေးရောင်းရတာ ပျော်စရာ
ကောင်းတယ်လို့ ဆိုပါတယ်။

"ကျွန်မတို့က ချစ်သူ မရှိကြဘူးရှင့်။ ဒီတော့ ကိုယ်တိုင်မရှိမယ့်အတူတူ ရှိတဲ့သူတွေအတွက်
အမှတ်တရတွေဖြစ်စေဖို့ သူငယ်ချင်းတွေစုပြီး ဈေးရောင်းကြတာပေါ့။ ဒါဆို ချစ်သူမရှိလည်း
ကိုယ်တွေပါ ချစ်သူများနေ့မှာ အမှတ်တရ ပျော်စရာတွေ ဖြစ်လာမယ်လေ"လို့ ဖေဖော်ဝါရီလ
၇ ရက်နေ့မှာ ဈေးစရောင်းခဲ့တဲ့ မ၀င်းဝင်းသန့်က ပြောပါတယ်။

အရောင်းဆိုင်တွေဟာ တစ်ဆိုင်နဲ့ တစ်ဆိုင် ငါးပေ၊ ဆယ်ပေလောက်ပဲ ကွာဝေးပေမယ့် ဆိုင်ဖွင့်
ရောင်းသူ လူငယ်အုပ်စုအချင်းချင်း အပြိုင်အဆိုင်မဖြစ်ကြဘဲ ပျော်ပျော်ရွှင်ရွှင် ရောင်းချနေကြတာပါ။

ရောင်းချဖို့အတွက် ပစ္စည်းတွေကိုတော့ တရုတ်ပြည်နယ်စပ်၊ မူဆယ်၊ ရွှေလီမြို့တွေကို အများဆုံး
သွားရောက် ၀ယ်ယူကြပြီး ပြန်လည်ရောင်းချရာမှာ ပျမ်းမျှ အနည်းဆုံးကျပ် ၁,၅၀၀ နဲ့ အများဆုံး
ကျပ် လေးသောင်းခွဲ ပစ္စည်းတွေပဲ တင်ကြပါတယ်။

သူငယ်ချင်းတွေ နောက်ဆုံးဆုံတွေ့ရတဲ့နှစ်မှာ အမှတ်တရဖြစ်ချင်လို့ အရောင်းဆိုင်ဖွင့်ခဲ့ကြတဲ့
ကိုစိုင်းအောင်၊ ကိုဇော်ပိုင်နဲ့ မနန်းပပစိုး တို့ကတော့ သူငယ်ချင်း ရှစ်ယောက်စုပြီး အမှတ်တရ
အရုပ်ဆိုင်ကို ဖွင့်ထားကြပါတယ်။

"နောက်နှစ်ဆို နိုင်ငံခြားသွားတဲ့သူတွေ၊ ကျောင်းဆက်တက်မယ့်သူတွေ၊ လုပ်ငန်းခွင်ဝင်မယ့်သူ
တွေနဲ့ အကုန်လူစု ကွဲသွားကြမှာဆိုတော့ ဒီနှစ် အမှတ်တရဖြစ်အောင် ဆိုင်ဖွင့်ကြတာပါ။
သူငယ်ချင်းတွေက ကျောင်းတွေမတူကြတော့ ဆေး၊ ရတနာပုံ၊ ယူအက်ဖ်အယ်လ် အကုန်စုပြီး ဒီမှာ
အတူတူ ဈေးရောင်းကြပါတယ်"လို့ ကိုစိုင်းအောင်က ပြောပါတယ်။

စီးပွားရေးအရမဟုတ်ဘဲ အပျော်အတွက်သာ ဖွင့်လှစ်ရောင်းချကြတာမို့ ဆိုင်ဖွင့်တဲ့ လူငယ်တွေဟာ
တစ်နှစ်နဲ့တစ်နှစ် မတူကြပေမယ့် ဆိုင်အရေအတွက်ကတော့ ပိုတိုးလာတယ်လို့လည်း သိရပါတယ်။

"ချစ်သူနဲ့ဆိုရင် နှစ်ယောက်ထဲပဲ ပျော်ရမှာလေ။ ခုဆို သူငယ်ချင်းတွေ အများကြီးနဲ့ ပျော်စရာကြီး။
ပြီးတော့ ကိုယ့်ဆိုင်မှာ အရုပ်လာ ၀ယ်တဲ့သူတွေကိုလည်း သူတို့ ကောင်မလေးတွေကိုယ်စား
အရင်ပျော်နေရတာနဲ့ဆိုတော့ တကယ့် အမှတ်တရအကြီးကြီးပါပဲ"လို့ မနန်းပပစိုးက ပြောပါတယ်။

အရောင်းဆိုင်ဖွင့်ကြတဲ့ ကျောင်းသားတွေရဲ့ မိဘတွေအနေနဲ့လည်း ချစ်သူများနေ့မှာ သားသမီး
အတွက် စိတ်မပူရတော့ဘဲ ဆိုင်ပါ ၀ိုင်းကူဖွင့်ပေးပြီး အကြိုအပို့တွေ လုပ်ကြပါတယ်တဲ့။

"အိမ်က သူငယ်ချင်းတွေနဲ့ဆိုတော့ စိတ်ချတယ်လေ။ မနက်လိုက်ပို့၊ ညနေ လာကြို၊ ထမင်းတွေ
ဘာတွေချက်ပြီးတောင် လာပို့ပြီး ဆိုင်လည်း ၀ိုင်းကူခင်းပေးတယ်။ အပျော်ဆိုပေမယ့် တကယ်တမ်း
ဈေးလည်းရောင်းရတာဆိုတော့ လူတွေနဲ့ ပိုထိတွေ့ရတော့ အတွေ့အကြုံ လည်းရတယ်လေ"လို့
မနန်းပပစိုးက ပြောပါတယ်။

ချစ်သူများနေ့မရောက်ခင် ပစ္စည်းကုန်ရင် ထပ်သွားဝယ်ပြီး ပြန်ရောင်းမယ်လို့ အားတင်းထားကြ
ပေမယ့် တကယ်လို့ မကုန်ရင်လည်း သူငယ်ချင်းတွေ အကုန်ခွဲဝေယူကြမယ်လို့ ဆုံးဖြတ်ထားကြတဲ့
အတွက် လောဘကင်းတဲ့ ချစ်စရာလူငယ်ဓလေ့ကိုလည်း တွေ့နိုင်ပါတယ်။

ချစ်သူများနေ့ နီးလာလေလေ ဖွင့်တဲ့ ဆိုင်ပိုများလေဖြစ်ပြီး မနက် ၉ နာရီကနေ ည ၁၀ နာရီ
ဝန်းကျင်လောက်အထိ ဖွင့်တတ်ကြတဲ့ အမှတ်တရ ပစ္စည်းအရောင်းဆိုင်တွေက ချစ်သူများနေ့
မှာတော့ ညသန်းခေါင်အထိ ဖွင့်လှစ် ရောင်းချကြပါတယ်။

ငြိမ်းအိအိထွေး

မြန်မာတိုင်း(မ်)

မန္တလေးမြို့က အမှတ်တရပစ္စည်းဆိုင် တစ်ဆိုင်မှာ ပစ္စည်းတွေ ခင်းကျင်းနေတဲ့ လူငယ်တစ်ဦး။ စည်သူလွင်/မြန်မာတိုင်း(မ်)