လားရှိုးပဋိပက္ခတွင် သတင်းထောက်တဦး အတိုက်ခံမှုအပေါ် ရှုတ်ချကြောင်း အသိပေးကြေညာချက်

လားရှို့မြို့တွင် အကြမ်းဖက် ပဋိပက္ခသတင်း ရယူနေသော နယ်ခံ အလွတ်သတင်းထောက် ကိုခွန်ဇော်ဦးကို အကြမ်းဖက်သမားများက ရိုက်နှက်ကြသည့်အပြင် ကင်မရာကိုပါ ဖျက်ဆီးခဲ့မှုအပေါ် သတင်း လွတ်လပ်ခွင့် ကော်မတီ အနေဖြင့် လုံးဝ ရှုတ်ချပါသည်။

လားရှို့မြို့တွင် ရောက်ရှိနေသော သတင်းထောက်များ၏အဆိုအရ သက်ဆိုင်ရာရဲတပ်ဖွဲ့ဝင်များနှင့် အာဏာပိုင်များသည် သတင်းထောက်များ၏ လုံခြုံရေးကို အာမခံခြင်းမရှိသကဲ့သို့ ပူးပေါင်းဆောင်ရွက်မှု မရှိမှုဟု ကြားသိရပါသည်။

အစိုးရတာဝန်ရှိသူများ၊ မိဘပြည်သူများအနေဖြင့် သတင်းမှန်များကို တင်ပြနိုင်ရေး ကြိုးပမ်းနေသော သတင်းမီဒီယာသမားများ၏ လုံခြုံရေးကို အထူးဂရုစိုက်ပေးပါရန်နှင့် သတင်းသမားများအနေဖြင့်လည်း မိမိ၏ လုံခြုံရေး၊ ဘေးအန္တရာယ်ကင်းရှင်းရေးကို အထူးဂရုပြုကြပါရန် အလေးအနက်ထား တိုက်တွန်း မေတ္တာရပ်ခံအပ်ပါသည်။

သတင်းလွတ်လပ်ခွင့်ကော်မတီ။
ရန်ကုန်မြို့။

Committee For Freedom of Press (Myanmar)

ဓါတ်ပုံ - DVB TV News