မကွေးဆရာတော်ကို တိုင်းသံဃနာယကအဖွဲ့ ခေါ်ယူတွေ့ဆုံမှု ပျက်ပြယ်

ရန်ကုန်၊ မေ ၂၈

ရွှေတီဂုံ စေတီတော်တွင် အပတ်စဉ် ဗုဒ္ဒဟူးနေ့တိုင်း ဦးရဲမင်းဦး လွတ်မြောက်စေရန် စာရွက်များ ကိုင်ဆောင်၍ မေတ္တာပို့ ဆန္ဒဖော် ထုတ်ရာတွင် ဦးဆောင်နေသော မကွေးဆရာတော်ကို မေလ ၂၈ရက်နေ့ မွန်းလွဲ ၁နာရီ မိနစ် ၃၀ တွင် ရန်ကုန်တိုင်း သံဃနာယကအဖွဲ့မှ ဆရာတော်ကြီးများက ခေါ်ယူတွေ့ဆုံရန် စီစဉ် ထားသော်လည်း ယင်းအစီအစဉ် ပျက်သွားကြောင်း ရန်ကုန်တိုင်း သံဃနာယက အဖွဲ့မှ ဆရာတော် တစ်ပါးက မိန့်ကြားသည်။

စာရွက်စာတမ်းများ ကိုင်ဆောင်၍ ရွှေတိဂုံစေတီတွင် ဆန္ဒဖော် ထုတ်နေသော ဒဂုံမြို့သစ်(အရှေ့ပိုင်း)ရှိ မကွေးပရိယတ္တိ စာသင်တိုက် ကျောင်းထိုင် ဆရာတော် ဦးပါမောက္ခကို လိုအပ်သလို ဆောင်ရွက် ပေးနိုင်ရေးအတွက် တိုင်းဒေသကြီးသံဃ နာယကအဖွဲ့ ရုံးတည်ရာ ဗဟန်းမြို့နယ် ကြားတောရလမ်းတွင် မေလ ၂၈ ရက်နေ့ မွန်းလွဲ ၁နာရီ မိနစ် ၃၀ ၌ ချိန်းဆိုထားရာမှ ပျက်ပြယ်သွားခြင်း ဖြစ်သည်။

ရဲတပ်ဖွဲ့ဝင်များက တိုင်းသံဃနာယက ရုံးရှေ့တွင် အဆိုပါဆရာတော် တစ်ပါးတည်းကိုသာ ဝင်ရောက်ခွင့်ပေးရာ နောက်လိုက်သံဃများက လိုက်ပါခွင့်ရရန် ကြိုးပမ်းရာမှ မွန်းလွဲ ၂ နာရီကျော် အထိ မပြေလည်သဖြင့် လှည့်ပြန်ခဲ့ကြောင်း မကွေး ဆရာတော် ဦးပါမောက္ခက မိန့်ကြားသည်။

"သံဃတွေရှေ့မှာ ပွင့်ပွင့်လင်းလင်း မေးမြန်းစေချင်တာ" ဟု မကွေးဆရာတော် က ရှင်းပြသည်။

နိုင်ငံတော် အကြည်ညိုပျက်အောင် လုပ်တာ မဟုတ်သဖြင့် ရွှေတိဂုံစေတီ အရှေ့ ဘက်စောင်းတန်းကြေးသွန်း ဘုရားရှေ့၌ လာမည့်ဗုဒ္ဓဟူးနေ့တွင် ဦးရဲမင်းဦးအတွက် စာရွက်များ မကိုင်တော့ဘဲ မေတ္တသုတ်ရွတ်ဖတ်မည်ဖြစ်ကြောင်း မကွေးဆရာတော် က ဆက်လက်မိန့်ကြားသည်။

ရန်ကုန်တိုင်းဒေသကြီး သံဃနာယက အဖွဲ့၏ ဥက္ကဋ္ဌဆရာတော်ကြီးများက မကွေး ဆရာတော် ဦးပါမောက္ခနှင့် ထပ်မံတွေ့ဆုံရန် လတ်တလော မသတ်မှတ်ရသေးကြောင်း ယင်းသံဃနာယကအဖွဲ့ ထံမှသိရသည်။

"တားမြစ်ချက်တွေကို ဦးပါမောက္ခ က ဆက်လုပ်ရင်တော့ တိုင်းသံဃနာယက အဖွဲ့နဲ့ မဆိုင်တော့ဘဲ အာဏာပိုင်များရဲ့ အရေးယူမှုပေါ်သာ မူတည်ပါတယ်"ဟု ရန်ကုန်တိုင်း သံဃနာယကအဖွဲ့ မှ ဆရာတော် တစ်ပါးက မိန့်ကြားသည်။

The Voice Weekly