ရထားစက်ခေါင်းအမိုးပေါ်မှခုန်ချ၍သေဆုံး

နေပြည်တော်၊ မေ ၂၄

၂၃-၅-၂၀၁၃ ရက်နေ့ ၁၇၃၀ အချိန် အမှတ်(၅၅)အဆန် မန္တလေး-မြစ်ကြီးနား အမြန် ရထားသည် မြစ်ကြီးနားမြို့နယ်၊ မရမ်းဘူတာနှင့် မလိခဘူတာကြား၊ မိုင်တိုင်အမှတ်(၇၀၂/၅) အရောက်တွင် ပထမတန်းတွဲ(၁)၊ ခုံအမှတ်(၂၃)၌ စီးနင်းလိုက်ပါလာသည့် မြစ်ကြီးနားမြို့၊ မြို့မရပ်ကွက်နေ ဦးကိုကိုကြီး(၃၅)နှစ်မှာ ရထားစက်ခေါင်းအမိုးပေါ်မှခုန်ချခဲ့သဖြင့် ရထားလုံခြုံရေးတပ်ဖွဲ့ဝင်များက ရထားအားရပ်တန့်ကြည့်ရှုခဲ့ရာ ဦးကိုကိုကြီးတွင် ဦးခေါင်းနောက်စေ့(၇)လက်မခန့် ပေါက်ပြဲဒဏ်ရာ (၁)ချက်၊ ၀ဲနဖူး(၁)လက်မခန့်ပေါက်ပြဲဒဏ်ရာ(၁)ချက်၊ ယာဘက်လက်ဖျံပေါက်ပြဲဒဏ်ရာ(၁)ချက်၊ ယာခြေထောက်ကျိုးဒဏ်ရာများရရှိခဲ့သဖြင့် မြစ်ကြီးနားဆေးရုံသို့ပို့ဆောင်စဉ် သေဆုံးသွားသောကြောင့် မြစ်ကြီးနားမြို့မရဲစခန်း သေမှုသေခင်းအမှတ်စဉ်(၁၀/၂၀၁၃)ဖြင့် အမှုဖွင့်စစ်ဆေးလျက်ရှိကြောင်း သတင်းရရှိသည်။

ရဲဇာနည် (Facebook)