ပြည်ထောင်စု လွှတ်တော် အစည်းအဝေးဟာ နအဖစစ်အစိုးရက ဦးသိန်းစိန် အစိုးရဆီကို အာဏာလွှဲ မပေးခင် ၂၀၁၀ ခုနှစ်ထဲမှာ ပြဋ္ဌာန်းပေးသွားခဲ့တဲ့ ပြည်သူ့လွှတ်တော် ဆိုင်ရာဥပဒေနဲ့ အမျိုးသား လွှတ်တော်ဆိုင်ရာ ဥပဒေတွေကို ပယ်ဖျက် အစားထိုးဖို့ ပြည်သူ့ လွှတ်တော်ဥပဒေ (၂၀၁၂ ခုနှစ်) နဲ့ အမျိုးသား လွှတ်တော်ဥပဒေ ၂၀၁၂ ခုနှစ်တွေကို ရေးဆွဲ အတည်ပြုခဲ့ပါတယ်။ ပြဿနာက အဲဒီမှာ စတာ ဖြစ်ပါတယ်။
ဥပဒေထဲမှာ အရင် သမ္မတ နဲ့ အငြင်းပွားခဲ့တဲ့ “လွှတ်တော်အသီးသီးက ဖွဲ့စည်းတဲ့ ကော်မတီနဲ့ ကော်မရှင်တွေဟာ ပြည်ထောင်စုအဆင့်ဖြစ်သည်” ဆိုတဲ့ အချက်နဲ့ အခြား လွှတ်တော်အမတ်တွေကို အခွင့်အရေး လုပ်ပိုင်ခွင့်တွေ ပိုပေးထားတဲ့ အချက် အများကြီး ပါဝင်လာပါတယ်။ ဒီနေရာမှာ လွှတ်တော်အမတ်တွေအတွက် ရုံးခန်းဖွင့်လှစ်ပေးရေး အပါအ၀င် အခြား အချက်အလက်တွေကို မဆွေးနွေးလိုပေမယ့် သမ္မတနဲ့ အဓိက ပြဿနာဖြစ်ရတဲ့ လွှတ်တော်အသီးသီးက ဖွဲ့ထားတဲ့ ကော်မတီနဲ့ ကော်မရှင်အဖွဲ့တွေဟာ ပြည်ထောင်စုအဆင့် ဟုတ် မဟုတ်ဆိုတဲ့ အချက်ကိုပဲ ဆွေးနွေးပါ့မယ်။ ဒီ ဥပေဒ ၂ ခုကို ပြည်ထောင်စုလွှတ်တော်က အတည်မပြုခင် အစည်းအဝေးကို သူရဦးရွှေမန်းက သ၀ဏ်လွှာ ၂ စောင် ပေးပို့ပြီး အဲဒါကို လွှတ်တော်က အတည်ပြုပေးခဲ့ပါတယ်။ အဲဒီအထဲက သ၀ဏ်လွှာတစောင်မှာ အရင် ဖွဲ့စည်းပုံအခြေခံဥပေဒဆိုင်ရာ ခုံရုံးက အဆုံးအဖြတ်ပေးသွားတဲ့ “လွှတ်တော်အသီးသီးက ဖွဲ့စည်းထားတဲ့ ကော်မတီနဲ့ ကော်မရှင်တွေဟာ ပြည်ထောင်စုအဆင့်လို့ အဓိပ္ပာယ် ဖွင့်ဆိုခြင်းဟာ ဖွဲ့စည်းပုံအခြေခံဥပေဒနဲ့ ကိုက်ညီခြင်း မရှိ” ဆိုတဲ့ ဆုံးဖြတ်ချက်ဟာ နဂိုကတည်းကပင် ပျက်ပြယ်တဲ့ ဆုံးဖြတ်ချက် ဆိုပြီး ပါရှိပါတယ်။
အဓိပ္ပာယ်ကတော့ ပြည်သူ့လွှတ်တော်ဥက္ကဋ္ဌ သူရဦးရွှေမန်းဟာ သူတို့ကိုယ်တိုင် ရေးဆွဲပြဋ္ဌာန်းပြီး အတင်းအကျပ်နည်းနဲ့ အတည်ပြုထားတဲ့ ဖွဲ့စည်းပုံ အခြေခံဥပေဒပုဒ်မ ၃၂၄ ပါ “နိုင်ငံတော်ဖွဲ့စည်းပုံ အခြေခံဥပေဒဆိုင်ရာ ခုံရုံး၏ ဆုံးဖြတ်ချက်သည် အပြီးအပြတ် အတည်ဖြစ်သည်” ဆိုတာကို သ၀ဏ်လွှာတစောင်ရေးပြီး ချိုးဖောက်လိုက်တာလို့လည်း အဓိပ္ပာယ်ဖွင့်နိုင်ပါတယ်။
ဘယ်လိုပဲဖြစ်ဖြစ် ပြည်ထောင်စုလွှတ်တော်က အတည်ပြုပေးလိုက်တဲ့ ပြည်သူ့လွှတ်တော်ဥပေဒ ၂၀၁၂၊ အမျိုးသားလွှတ်တော် ဥပေဒ ၂၀၁၂ မှာပါတဲ့ လွှတ်တော်အသီးသီးက ဖွဲ့ထားတဲ့ ကော်မတီတွေ ကော်မရှင်တွေကို ပြည်ထောင်စုအဆင့် အဓိပ္ပာယ် သတ်မှတ်တာ အပါအ၀င် အချက် ၁၀ ချက်ကို သမ္မတက လက်မခံနိုင်ကြောင်း သဘောထားမှတ်ချက်နဲ့တကွ အကြောင်းပြန်ကြားထားပြီးလည်း ဖြစ်ပါတယ်။ သမ္မတက လက်မခံတဲ့ အချက် ၁၀ ချက် အနက် ၁ ချက်ကလွဲပြီး ကျန်တာတွေအားလုံး ပြည်ထောင်စုလွှတ်တော်က အတည်ပြုထားတဲ့အတိုင်းပဲ ဖြစ်သင့်တယ်လို့ လွှတ်တော် ဥပဒေကြမ်း ပူးပေါင်းကော်မတီက သဘောထားမှတ်ချက်ပေးဖို့လည်း ဆွေးနွေးထားပြီဖြစ်ပါတယ်။ ဒီတော့ ဘာတွေ ဆက်ဖြစ်လာနိုင်သလဲ။
သမ္မတက ဘယ်လိုပဲ သဘောထားသည်ဖြစ်စေ၊ ပြည်ထောင်စုလွှတ်တော်က ဒီ ဥပေဒကြမ်း ၂ ခုကို မဲခွဲဆုံးဖြတ်၊ အများစုမဲနဲ့ အတည်ပြုခဲ့ရင် သမ္မတ အနေနဲ့ ဘာမှ မတတ်နိုင်တော့ပါဘူး။ တကယ်လို့ ဥပဒေကြမ်း ပူးပေါင်းကော်မတီရဲ့ အကြံပြုချက်အတိုင်းသာ အတည်ဖြစ်ခဲ့ရင် ဒီ ဥပေဒ ၂ ခုဟာ အစိုးရနဲ့ လွှတ်တော်အကြား သဘောထား ကွာဟချက် အများဆုံး ဥပဒေတွေ ဖြစ်လာပါလိမ့်မယ်။ ဒီလိုဆိုရင် လွှတ်တော်က ဖွဲ့စည်းထားတဲ့ ကော်မတီတွေ၊ ကော်မရှင်တွေဟာ စိတ်ချလက်ချ ပြည်ထောင်စု အဆင့် ဖြစ်လာမှာလား။
လောလောဆယ် အခြေအနေမှာ ဖွဲ့စည်းပုံအခြေခံဥပဒေ ဆိုင်ရာခုံရုံး တခုလုံး နုတ်ထွက်သွားပြီ ဖြစ်တဲ့အတွက် ခုံရုံးမရှိ လစ်လပ်နေတဲ့ အခြေအနေပါ။ ဒါပေမယ့် မကြာခင် ခုံရုံးကို ပြန်ဖွဲ့ရပါဦးမယ်။ ခုံရုံးအဖွဲ့အတွက် သမ္မတ၊ ပြည်သူ့လွှတ်တော် ဥက္ကဋ္ဌနဲ့ အမျိုးသားလွှတ်တော် ဥက္ကဋ္ဌ ၃ ယောက်စီ အမည်စာရင်းပေး ဖွဲ့စည်းရမှာဖြစ်ပေမယ့် ဥက္ကဋ္ဌကိုတော့ သမ္မတက ရွေးချယ်ပြီး ပြည်ထောင်စုလွှတ်တော်က အတည်ပြုပေးရပါလိမ့်မယ်။ ဖွဲ့စည်းပုံဆိုင်ရာခုံရုံး ရှိလာရင် သမ္မတဟာ ဒီကိစ္စ တင်ပြပီး နောက်ထပ် အဆုံးအဖြတ် ရယူနိုင်ပါသေးတယ်။ လက်ရှိ လွှတ်တော်တွေကပဲ ပြဋ္ဌာန်းပြဋ္ဌာန်း၊ အရင် စစ်အစိုးရကပဲ ပြဋ္ဌာန်းပေးခဲ့ ပေးခဲ့ ဥပေဒ တခုဟာ ဖွဲ့စည်းပုံအခြေခံဥပေဒနဲ့ မကိုက်ညီဘူးဆိုရင် “မကိုက်ညီကြောင်း” ခုံရုံးက အဆုံးအဖြတ် ပေးနိုင်ခွင့် ရှိနေပါသေးတယ်။
တကယ်တော့ ပြဿနာကို ရှင်းသင့်တဲ့နည်းနဲ့ မရှင်း ရှည်လျားအောင် လုပ်နေသူဟာ ပြည်သူ့လွှတ်တော် ဥက္ကဋ္ဌ သူရဦးရွှေမန်းလို့ ကောက်ချက်ချနိုင်ပါတယ်။ တကယ်တော့ ဒီ အချက်ကို ပြင်ချင်တယ်ဆိုရင် အရင်တကြိမ် အငြင်းပွားချိန် သမ္မတ ဦးသိန်းစိန် သ၀ဏ်လွှာ ပေးပို့တင်ပြသလို ဖွဲ့စည်းပုံ အခြေခံဥပေဒကို ပြင်ဆင် ဖြည့်စွက်တဲ့နည်းနဲ့ အကောင်အထည် ဖော်နိုင်ပါတယ်။ ဒါပေမယ့် ပြည်သူ့လွှတ်တော်ဥက္ကဋ္ဌ သူရဦးရွှေမန်းဟာ စစ်အာဏာရှင်ဟောင်းတွေနဲ့ လက်ရှိ စစ်တပ်က သဘောကျဖို့ မရှိတဲ့ ဖွဲ့စည်းပုံ အခြေခံဥပေဒကို ပြင်ဖို့ ဆိုတာမျိုး ဘယ်ကိစ္စမှာမှ ထည့်မပြောသလို အကောင်အထည်ဖော်မယ့်ပုံလည်း လုံးဝ မတွေ့ရပါဘူး။ ဒီအတွက် သမ္မတဦးသိန်းစိန်နဲ့ ပြည်သူ့လွှတ်တော် ဥက္ကဋ္ဌ သူရဦးရွှေမန်း အငြင်းပွား အားပြိုင်မှုဟာ ဆက်ပြီး ရှိနေဦးမယ် ဖြစ်ပါကြောင်း တင်ပြလိုက်ရပါတယ်။
by တိုင်းကျော် (ဒီဗွီဘီ)
တကျော့ပြန်လာပြီဖြစ်တဲ့ သမ္မတ နဲ့ လွှတ်တော်ဥက္ကဋ္ဌ အားပြိုင်မှု
Reviewed by သစ်ထူးလွင်
on
18:24
Rating:
Reviewed by သစ်ထူးလွင်
on
18:24
Rating:
5 comments:
ဥပဒေပြုရေးဆိုတာ အုပ်ချုပ်မှုနဲ့ တရားစီရင်ရေးရဲ့ အထက်ကို ရောက်သွားပြီလား။
အပြန်ါအလှန် ထိန်းကျောင်းမှုဆိုတာ ဘာလဲ၊
ရှိမှာပါ...မြန်မာဟာဘယ်တုန်းကသူများလုပ်လို့
ချီးကျူးတာရှိလား?မကောင်းပြောမယ်/နာမယ်ဖျက်မယ်
တူတူမလုပ်နိုင်ဘူး/နှစ်ယောက်ရှိရင်ဆိုးတိုင်ပင်ကောင်းတိုင်ပင်မရှိ
တယောက်သတ်မယ်/အာဏာရတော့ရောပြည်သူ့အတွက်လား
ကိုယ်ကျိုးလား???
လူညီလျှင် “ဤ” ကို “ကျွဲ” ဟုဖတ်သည် (လွှတ်တော်ဥက္ကဌ)
ကျွန်ေ တ်ာကြုံဘူးေ သာမြန်မာ လြူကီးေ တာ်ေ တ်ာများများမှာလည်း လူညီစရာမလိုဘဲ လုပ်ပိုင်ခွင့်ရှိ၍ "ဤ" ကို"ကျွဲ" ဟုတစ်ေ ယာက်တည်းဖတ်ပြီး လက်အောက်ငယ်သား များအား အတင်းသဘောတူခိုင်းပါသည်။
ကိုယ်ကျိူးအတွက် စကားများအား လိုသလိုလီဆယ်တတ်ပါသည်။
လြူကီးဖြစ်၍ မိမိတွင်ဘယ်သောအခါမျှအပြစ်မရှိ။
မိမိတို့ကိုယ်တိုင်ချမှတ်သောလမ်းစဉ်များသည် မိမိတို့မလိုက်နာကြသည်ကို ကြုံတွေ့ရပါသည်။ ဒါ တြို့မန်မာများ၏သေ ဘာသဘာဝများလော?
ခုလိုအချိန်မျိုးမှာ အာဏာတွေပါဝါတွေအားပျြိင် နေမယ့်အစား တိုင်းပြည်တိုးတက်ရာတိုးတက်ကြောင်း အကောင်းဆုံးနည်းလမ်းကိုရွေးချယ်ပြီး ရှေ့ဆက်ရမဲ့ ဒီမိုကရေစီ ခရီးလမ်းဖြောင့်ဖျူးသာယာဖို့ ဝိုင်းဝန်းစဉ်းစား စုပေါင်းအဖြေရှာရမယ့်အချိန်ပါ လက်ညှိုးထိုးအပစ်ရှာနေရင် အချိန်ကုန်လူပန်း ခရီးလှမ်းနေပါလိမ့မယ် ဖြစ်သင့်တာက အဖက်ဖက်က ချွတ်ခြုံကျနေတဲ့ ပြည်သူလူထုတွေရဲ့ ဘဝတွေကို ဘယ်လိုများအမြန်ဆုးံနဲ့ အကောင်းဆုးံ အကောင်ထည်ဖော်နှိုင်မလဲဆိုတာ အစိုးရအဖွဲ့ရော လွှတ်တော် နှစ်ရပ်လုးံပါ ပူးပေါင်းဆောင်ရွက်ရမယ့် အချိန်ခါသမယပါ တိုင်းပြည်တွင်းကိုဝင်လာမဲ့ နိုင်ငံခြားရင်းနှီးမြူတ်နှံမယ့်သူတွေရဲ့ အထင်မြင်မလွဲရအောင် နည်းပညာ အလုပ်အကိုင် အခွင့်အလမ်းတွေ ပြည်သူတွေရရှိအောင် မြန်မာနိုင်ငံဆိုတာ ကမ္ဘာ့အလယ်မှာ သယံဇာတပေါကြွယ်ဝတဲ့အပြင် ညီညွတ်မျှတတဲ့ လူ့အဖွဲ့အစည်းလည်းရှိပြီး သမာသမတ်ကျတဲ့ခေါင်းဆောင်ကောင်းတွေရဲ့ ဦးဆောင်မှုအောက်မှာ ပွင့်လင်းလွတ်လပ်တဲ့ ဒီမိုကရေစီနိုင်ငံတော်ကြီးကိုတည်ဆောက်နေတယ်ဆိုတာကို ကမ္ဘာကသိအောင် ကြိုးစားအားထုတ်ကြပါလို့ မေတ္တာရပ်ခံချင်ပါတယ်
Post a Comment