Freedom Fighter လား။ သူပုန်လား

ထက်အောင်ကျော်။ ၀၉-၀၉-၂၀၁၂
အထက်ခေါင်းစဉ်ပါ စကားနှစ်လုံးကို အဓိပ္ပါယ် အတူတူလို့ အစက ကျနော်ထင်ခဲ့ပေမဲ့ အချိန် ကြာလာတာနဲ့အမျှ အဓိပ္ပါယ် ဆင်တူရင်တောင် အနှစ်သာရ မတူဘူးလားဆိုပြီး စဉ်းစားနေမိပါတယ်။ ဒီ လိုစဉ်းစားဖို့ ဖြစ်လာစေတဲ့နောက်ခံ အကြောင်းရင်းကတော့ "Freedom Fighter လောက်ဆိုတော့ပြီ ပေါ့ဗျာ။ ဘာလို့ Rebel (သူပုန်) လို့သုံးတာလဲ" ဆိုပြီး အနောက်နိုင်ငံတခုမှာ ဘွဲရခဲ့ပြီး လောလော ဆယ်သတင်းသမားအဖြစ် အချိန်ပိုင်း တာဝန်ယူနေသူ တဦးရဲ့ မေးခွန်းကနေစခဲ့တာပါ။

အဲဒီမေးခွန်း စမေးခံရတဲ့အချိန်ဟာ "သူပုန်ကျောင်းသားတဦးရဲ့ မာရသွန်ခရီး" ဆောင်းပါးတွေမရေးခင် "Far from Home: 20- years in Exile" ဆိုတဲ့ စာအုပ်ထုတ်ဝေတဲ့ ၂၀၀၈-ခုနှစ် ဒီဇင်လာလကတည်းပါ။ အဲဒီစာ အုပ်မျက်နှာဖုံးမှာပါတဲ့ ''The life and views of a Burmese rebel and journalist'' ဆိုတဲ့ စာ သားထဲက Rebel နေရာမှာ Freedom Fighter သုံးသင့်တယ်လို့ သူက အကြံပြုနေတာပါ။

"သူပုန်ဟာ သူပုန်ဘဲ့ပေါ့ဗျာ။ ခင်ဗျားကလဲ" လို့ ကျနော်ချက်ချင်းတုန့်ပြန်လိုက်ပေမဲ့ အဲဒီထက် ပိုပြီး စီကာပတ်ကုံးရှင်းပြဖို့ အဲဒီအချိန်က ကျနော်မှာပြင်ဆင်ထားတာမရှိခဲ့ပါဘူး။ တကယ်တန်းပြော မယ်ဆိုရင် ဒီလိုမေးခွန်းမေးခံရလိမ့်မယ်လို့လဲ ထင်မထားခဲ့ပါဘူး။ ဘာကြောင့် သူက ဒီလိုမေးမှန်းလဲ ကျနော်မသိပါဘူး။ ဒါပေမဲ့ သူနဲ့စကားဆက်ပြောရင်း သူပုန်ဆိုတာ ကြမ်းတန်းတဲ့သဘော။ အစိုးရကို အကြမ်းဖက် ပုန်ကန်တဲ့သဘော။ မကောင်းတဲ့သဘောတွေပါဝင်နေတဲ့အတွက် အနောက်တိုင်းသား တွေ။ အထူးသဖြင့် သူနဲ့အတူတူအလုပ်လုပ်နေကြတဲ့ အနောက်တိုင်းသား အလှုရှင်တွေက သိပ် မကြိုက်ကြဘူးလို့ သူဆိုလိုမှန်း ကျနော်တီးခေါက်မိလိုက်ပါတယ်။

အဲဒီကတည်းက "သူပုန်" ဆိုတဲ့စကားလုံးအပေါ် စဉ်းစားခန်းဝင်နေတဲ့ကျနော်ဟာ "သူပုန် ကျောင်းသားတဦးရဲ့ မာရသွန်ခရီး" အခန်းဆက်ဆောင်းပါးရေးတဲ့အခါမှာလဲ "ဘာလို့သူပုန်လို့သုံးတာ လဲ။ ခင်ဗျားက သူပုန်လား။ တော်လှန်ရေးသမားလား" ဆိုပြီး သူပုန်ဆိုတဲ့ဝေါဟာရကို ဘ၀င်မကျတဲ့ ပရိတ်သတ်တချို့ရဲ့ တုန့်ပြန်ချက်ကို ကျနော်လက်ခံရရှိခဲ့ပြန်ပါတယ်။
ဒီတကြိမ်မှာတော့ အယင်တခါကလို "သူပုန်ဟာ သူပုန်ဘဲ့ပေါ့ဗျာ" လို့ ခပ်လွယ်လွယ်တုန့်ပြန် လို့မဖြစ်တော့။ အသေချာစဉ်းစားပြီး ပြန်ရှင်းပြမှကောင်းမယ်လို့ စိတ်ကူးရင်းနဲ့ ဒီဆောင်းပါးကို ရေးဖို့ စိတ်ကူးပေါ်လာတာဖြစ်ပါတယ်။

ပျောက်ဆုံးသွားသော နှစ် ၂၀

ရှေ့သတင်းပါတ် စက်တာဘာ ၁၈-ရက်နေ့မှာ ကျရောက်မဲ့ စစ်အာဏာသိမ်း ၂၄-နှစ်ပြည့်နေ့ ကို ၈၈-မျိုးဆက်အားလုံး မမေ့ကြသေးဘူးလို့ထင်ပါတယ်။ တနည်းအားဖြင့်ပြောမယ်ဆိုရင်တော့ ကျနော်တို့ဘ၀တွေကို တဆစ်ချိုးပြောင်းလဲစေခဲ့တဲ့။ စာသင်ခန်းထဲက တက္ကသိုလ်ကျောင်းသားဘ၀ ကနေ တောတောင်တွေထဲက သူပုန်တွေအဖြစ်ပြောင်းလဲစေခဲ့တဲ့ နေ့တနေ့ဖြစ်ပါတယ်။ တောစခိုစဉ် ကတော့ ''သူပုန်လား။ Freedom Fighter လား'' ဆိုတာကို ဘယ်သူမှ စဉ်းစားနေဖို့အချိန်မရခဲ့ဘူး လို့ထင်ပါတယ်။ လက်နက်မဲ့ဆန္ဒပြနေတဲ့ကျောင်းသားတွေကို လက်နက်အားကိုးနဲ့ အနိုင်ကျင့် ပစ် သတ်ခဲ့တဲ့ စစ်တပ်နဲ့ စစ်အာဏာရှင်စနစ်ကို လက်နက်နဲ့ပြန်တိုက်ယုံမှတပါး တခြားနည်း မရှိတော့ဘူး ဆိုပြီး ကျနော်တို့ တက္ကသိုလ်ကျောင်းသားတွေ မြိုပြက စာသင်ခန်းတွေကိုစွန့်။ ကန့်ကော်ပင်ရိပ်။ စွယ် တော်ရိပ်တွေကို့စွန်ပြီး အရှေ့ရိုးမ တောနက်ကြီးထဲက ကျွန်းပင်အရိပ်တွေကို ခိုလုံခဲ့ပေါ့။

လက်နက်ကိုင်တော်လှန်ရေးဆင်နွဲတယ်ဆိုတာ ပေါ့သေးသေးမှမဟုတ်ဘဲ။ တော်လှန်ရေးပုံစံ တွေထဲမှာမှ အမြင့်ဆုံးပုံစံကို ကျနော်တို့ကရွေးချယ်ခဲ့ကြတယ်မဟုတ်လား။ အသက်ကို ပဓာန မထား ဘဲ တိုင်းပြည်အပြောင်းအလဲအတွက် အသက်ပေးတိုက်ပွဲဝင်ဖို့ သန္ဒိဌာဏ်ပြုခဲ့ကြတယ်မဟုတ်လား။ ဒါ ပေမဲ့ တော်လှန်ရေးတရပ်အောင်မြင်ဖို့ဆိုတာဟာ စွန့်လွန့်အနစ်နာခံယုံသက်သက်နဲ့ ဘယ်လုံလောက် ပါ့မလဲ။ အောင်မြင်နိုင်လောက်အောင်လိုအပ်တဲ့ အချက်လက်အားလုံးပြည့်စုံမှ အောင်မြင်မှာပေါ့။ ဒါက လဲ ဘ၀နဲ့ရင်းပြီးမှ သိရတဲ့အတွေ့အကြုံတွေဆိုတော့ အသက် ၂၀-၀န်းကျင် တက္ကသိုလ်ကျောင်းသား ဘ၀မှာ တောခိုခဲ့တဲ့ ကျနော်တို့ ဘယ်ကြိုသိနိုင်ပါ့မလဲ။

ကျနော်တို့ထက် နှစ် ၄၀-လောက်စောပြီးတောခိုခဲ့တဲ့ ဗမာပြည်ကွန်မြူနစ်ပါတီနဲ့ တိုင်းရင်းသား တော်လှန်ရေးအဖွဲ့တွေ။ နှစ် ၂၀-လောက်စောပြီးတောခိုခဲ့တဲ့ ၀န်ကြီးချုပ်ဦးနုနဲ့ ပြည်သူ့ပြည်ချစ်ပါတီတို့ ရဲ့ အတွေ့အကြုံတွေကို ကျနော်တို့ကျောင်းသားတွေ လေ့လာမှုအားနဲခဲ့တယ်လို့ပြောရင်လဲ ခံရမှာပါဘဲ့။ ကျနော်တဦးတည်းအနေနဲ့ကတော့ နှစ် ၂၀။ နှစ် ၄၀-၀န်းကျင်က အဲဒီအဖွဲ့တွေထက် လွန်ခဲ့တဲ့နှစ် ၅၀-ကျော်က ပြည်ပကိုထွက်ပြီး စစ်ပညာသင်ခဲ့ကြတဲ့ ဗိုလ်ချုပ်အောင်ဆန်းနဲ့ ရဲဘော်သုံးကျိပ်ဝင်တွေကို ပို အားကျခဲ့ပေါ့။ တနည်းအားဖြင့်ပြောမယ်ဆိုရင်တော့ အတွေအကြုံမရှိသူတွေပီပီ စိတ်ကူးယဉ်ဆန်စွာနဲ့ လက်နက်ကိုင်တော်လှန်ရေးတခုကို စတင်ခဲ့မိတယ်ဆိုပါတော့။

ကမ္ဘာ့နိုင်ငံရေးအခြေနေ။ ပထ၀ီနိုင်ငံရေးအခြေနေ။ သမိုင်းနောက်ခံအခြေနေ။ ဘာလင် တံ တိုင်းကြီး ပြိုလဲသွားတဲ့အခြေနေ။ ဆိုဗီယက်ယူနီယံပြိုကွဲသွားတဲ့အခြေနေ။ ဗမာပြည်ကွန်မြူနစ်ပါတီနဲ့ လူမျိုးစုတွေကွဲပြဲသွားတဲ့အခြေနေ။ ရန်သူနဲ့စကားပြောတဲ့ယဉ်ကျေးမှုထွန်းကားလာတဲ့အခြေနေ။ မဟာ မိတ်တွေ တပ်ပေါင်းစုကနေထွက်ပြီး စစ်အစိုးရနဲ့ အပစ်ခတ်ရပ်စဲရေးလုပ်လိုက်တဲ့အခြေနေ။ ဒီလိုအခြေ နေများစွာအောက်မှာ ကျနော်တို့ကျောင်းသားတပ်မတော်ဟာ နိုင်ငံရေးလှိုင်းတံပိုးများစွာကို နှစ် ၂၀-ကျော် ခါးစည်းခံခဲ့ရပေါ့။

ဒီ နှစ် ၂၀-ကျော်ကာလအတွင်း ကျနော်တို့ရဲ့ "ရဲဘော်သူငယ်ချင်းတွေ" တိုက်ပွဲမှာ ကျဆုံးခဲ့ရ။ ငှက်ဖျားကိုမလှန်နိုင်ကြ။ တောရိုင်းဥပဒေကို မလွန်ဆန်နိုင်ကြ။ အသက်ကို ညဏ်မစောင့်နိုင်ကြနဲ့ ထိ ခိုက်-ကျဆုံး-သေဆုံး-ဒဏ်ရာရ စာရင်းပေါင်းလိုက်တော့ ၁၀၀၀-ကျော်အထိ ဖြစ်နေပါရော့လား။ ဒါဟာ ပညာတတ်မျိုးဆက်တခုအတွက် ဘယ်လောက်နှမြောဖို့ကောင်းသလဲ။

တကယ်က နှမျောတသနေယုံနဲ့မပြီး။ သူတို့ရဲ့ပေးဆပ်မှုတွေအတွက် ကျနော်တို့ဘာတွေရခဲ့ပြီး ပြီလဲ။ ရအောင်ကော ကျနော်တို့ဘာတွေဆက်လုပ်နေကြသလဲ။ ဆက်လုပ်နေတဲ့သူက ဘယ်လောက် ရှိပြီး ဘာမှမလုပ်တော့ဘဲ ဘေးထိုင်ဘုပြောနေသူကဘယ်လောက်ရှိနေလဲ။ ဒါတွေကို အခုလို စစ်အာ ဏာသိမ်း နှစ်ပါတ်လည်နေ့မျိုးမှာမှ မစဉ်းစားရင် ဘယ်အချိန်မှာ ကျနော်တို့စဉ်းစားကြမလဲ။

Ferie Paradise -နဲ့ တတိယနိုင်ငံ ယဉ်ကျေးမှု

နော်ဝေးနဲ့အနောက်နိုင်ငံတွေမှာ ခေတ်စားလှတဲ့ တနှစ်တခါ သတင်း ၄-၅ ပတ် လစာအပြည့် အားလပ်ရက်ယူပြီး အပန်းဖြေခြင်းကိုအားကျလို့ နော်ဝေးစကား Ferie နဲ့ အင်္ဂလိပ်စကား Paradise ကိုတွဲသုံးလိုက်တာပါ။ တော်လှန်ရေးမီဒီယာ DVB ကနေ အလုပ်ဖြုတ်ခံရတဲ့ ကျနော်ဟာ အားအားယားယားနဲ့ သူများအိမ်တွေ။ အလှုပွဲတွေ။ သာရေး-နာ ရေးအခန်းနားတွေ  တော်မျာများသွားဖြစ်ခဲ့ပါတယ်။ ဒီလိုသွားရင်းနဲ့ တတိ ယနိုင်ငံရောက် ၈၈ မျိုးဆက်တွေ။ အကြောင်းအမျိုးမျိုးကြောင့် တတိယနိုင်ငံဆီရောက်နေသူတွေရဲ့ ဘ၀တစိတ်တဒေသကို လေ့လာခွင့်ရခဲ့ပါတယ်။

သေချာတာတခုကတော့ နော်ဝေးရောက် ဒုက္ခသည် ၃-ထောင်ဝန်းကျင်ထဲကအတော် များ များဟာ လူ-ကနော်ဝေးရောက်နေကြပေမဲ့ စိတ်-ကတော့ မြန်မာပြည်ထဲမှာ ဒါမှမဟုတ် ထိုင်း-မြန်မာ နယ်စပ်မှာ ကျန်နေဆဲဖြစ်တာကို ကျနော်တွေ့ရပါတယ်။ ဆိုလိုတာကတော့ သူတို့လုပ်ချင်တဲ့အလုပ်နဲ့ သူတို့နေချင်တဲ့နေရာကတမျိုး။ လက်ရှိ သူတို့လုပ်နေရတဲ့အလုပ်နဲ့ သူတို့ရောက်နေရတဲ့နေရာက တခြားဖြစ်နေကြပါတယ်။ ဒါပေမဲ့ ဒါဟာ လူအတော်များများဆိုပေမဲ့ လူအားလုံးတော့မဟုတ်ပါဘူး။

လူဦးရေတ၀က် ဒါမဟုတ် အများစုလို့တောင်ထင်ရတဲ့လူတွေ။ အထူးသဖြင့် သူတို့ရဲ့ အမျိုးသ မီးတွေနဲ့ကလေးတွေဟာ မြန်မာနိုင်ငံနဲ့ မြန်မာနိုင်ငံလွတ်မြောက်ရေးတိုက်ပွဲအကြောင်း သိပ်စိတ်မ၀င် စားတော့ဘဲ လက်ရှိနော်ဝေးလူနေမှုဘ၀ထဲမှာ တန်းဝင်အောင်နေနိုင်ရေးကိုဘဲ့ ပိုစိတ်ဝင်စားနေကြတာ ကိုတွေ့ရပါတယ်။ ဒါဟာ လက်တွေကျတဲ့အပြင် သဘာဝလဲကျတဲ့အတွက် သူတို့ကို အပြင်မတင်သင့် ပါ။ အပြင်တင်ဖို့ပြောနေခြင်းလဲမဟုတ်ပါ။ အရှိတရားတခုကို စဉ်းစားနိုင်ဖို့တင်ပြခြင်းမျှသာဖြစ်ပါတယ်။

ဒီအတွက် နော်ဝေးစာတတ်ဖို့သင်ရပါတယ်။ ပြီးရင် ခိုင်မာတဲ့အောက်ခြေသိမ်းအလုပ်တခုခု fast jobb တခုရဖို့ ရှာရပါတယ်။ ပြီးရင် အိမ်နဲ့ကားကို အကြွေးနဲ့ (လပေးစနစ်နဲ့) ၀ယ်နိုင်ဖို့ကျိုးစား ရပါတယ်။ သားသမီးတွေကို လူစဉ်မီအောင်ထားနိုင်ဖို့ကျိုးစားရပါတယ်။ ဆိုလိုတာကတော့ လူအတော် များများဟာ ဒီလို တို့တာဝန် အရေး ၃-ပါးအတွက် လုံးပန်းရင်းနဲ့ ရှေ့မှာကျ နော်တင်ပြခဲ့တဲ့ အာဏာ သိမ်းနှစ်ပတ်လည် ၂၅-နှစ်တို့။ ၈-လေးလုံးနှစ်ပါတ်လည် ၂၅-တို့။ ABSDF-နှစ်ပတ်လည် ၂၅-နှစ်တို့ကို စဉ်းစားဖို့အချိန်တွေလျော့နဲသွားခဲ့ပေါ့။

တနှစ်မှာ ၁၁-လလုံးလုံး ဒီတာဝန် ၃-ပါးအတွက် အောက်ခြေသိမ်းအလုပ်တွေနဲ့ မနားတန်း လည်ပတ်နေရပြီး ''Ferie Paradise - အားလပ်ရက်နိဗာန်ဘုံ'' လေးမှာဘဲ့ သူတို့ရဲ့လှုပ်ရှားမှုပုံတွေကို Fcaebook ပေါ်မှာတွေ့ခွင့်ရတဲ့ အခြေနေမျိုးအထိဖြစ်လာနေပါတယ်။ ဒါဟာ တတိယနိုင်ငံရောက် ၈၈-မျိုးဆက်တွေရဲ့ သရုပ်မှန်ပုံရိပ်လား။ ယာယီပုံရိပ်လား။ အမြဲတန်းပုံရိပ်ဖြစ်သွားမလား။

Freedom Fighter နဲ့ သူပုန် ဘာကွာသလဲ။ ပန်းတိုင်အထိ ဘယ်သူတွေဆက်သွားကြမလဲ

''Ferie Paradise - အားလပ်ရက်နိဗာန်ဘုံ'' ဘ၀ကနေ ပျောက်ဆုံးသွားတဲ့ နှစ် ၂၀-အခြေ နေကိုပြန်ကောက်ရမယ်ဆိုရင် လွန်ခဲ့တဲ့နှစ် ၂၀-အတွင်း ကမ္ဘာ့နိုင်ငံရေးအပြောင်းလဲတွေအများအပြား ဖြစ်ခဲ့ပါတယ်။ စစ်အေးတိုက်ပွဲကြီးပြီးဆုံးလို့ ၀ါဒရေးရာတိုက်ပွဲတွေခေတ်ကုန်။ ဘာလင်တံတိုင်းကြီး ပြို လဲ။ ဆိုဗီယက်ယူနီယံပြိုကွဲ။ ဌာနေတိုင်းရင်းသားတွေအလံဆွဲ။ ဗမာပြည်ကွန်မြူနစ်ပါတီနဲ့ လူမျိုးစုတွေ လဲ ခွါ-ပြဲ။ ရန်-ငါ စည်းပြတ်ရမယ်ဆိုတဲ့ယဉ်ကျေးမှုအစား ရန်သူနဲ့စကားပြောရမယ်ဆိုတဲ့ယဉ်ကျေးမှု ထွန်းကား။ ကျနော်တို့ရဲ့မဟာမိတ်များ တပ်ပေါင်းစုကနေထွက်ပြီး စစ်အစိုးရနဲ့ အပစ်ခတ်ရပ်စဲရေးလုပ် သွားလိုက်ကြတာများ သေနပ်ဆက်ကိုင်နေတာဆိုလို့ KIA တဖွဲ့ဘဲ့ ကျန်တော့သလိုလိုဖြစ်လာနေခဲ့ ပေ့ါ။

ဒါက လွန်ခဲ့တဲ့ လပိုင်းတွေအထိအခြေနေကို ပြောတာပါ။ အခုဆိုရင် ကျနော်တို့ကိုယ်တိုင် ဆယ်နှစ်ဆယ်မိုး ပါဝင်တာဝန်ထမ်းဆောင်ခဲ့ဖူးတဲ့။ စစ်တပ်က အာဏာသိမ်းချိန်မှာ အဲဒီစစ်တပ်ကို လက်နက်ကိုင်တော် လှန်မှရမယ်လို့တောခိုခဲ့ကြတဲ့ကျောင်းသားလူငယ်တွေဖွဲ့စည်းခဲ့တဲ့ ABSDF- မှ ဥက္ကဌဟောင်း ၃-ဦးအပါဝင် ကျနော်တို့ရဲ့ ရဲဘော်သူငယ်ချင်းတချို့တောင် ''ပြည်တော်ပြန်'' စီမံကိန်း အရ ရန်ကုန်မြို့ဆီ ရောက်နေကြပါပြီ။ ဒါကိုတိုးတက်မှုအဖြစ် ခင်ဗျားမြင်ပါသလား။ အပြောင်းအလဲလို့ ခင်ဗျားထင်ပါသလား။ တဦးချင်းအနေနဲ့ လွတ်လပ်စွာထင်မြင် ပိုင်ခွင့်ရှိပေမဲ့ အဖွဲ့စည်းအနေနဲ့။ မျိုး ဆက်တခုလုံး အနေနဲ့တော့ အသေချာစဉ်းစားဆုံးဖြတ်ဖို့လိုလိမ့်မယ်လို့ ကျနော်ထင်ပါတယ်။

နိုင်ငံရေးအပြောင်းလဲဆိုတာကလဲ မပြောင်းချင်တော့ နှစ် ၂၀-အတွင်း ဘာမှမပြောင်းဘူး။ ပြောင်းချင်တော့လဲ အခု ဒီဆောင်းပါးရေနေစဉ် ရက် ၂၀-လောက်အတွင်းမှာတောင် အပြောင်းလဲတွေ က မြန်လိုက်တာ။ ဥက္ကဌဟောင်းတွေကို ဗီဇာ-ထုတ်ပေးပြီးနောက်တရက်မှာဘဲ့ ထုံးဖြူအသုတ်ခံ ရသူ လူ ၂-ထောင်စာရင်းကိုထုတ်ပြန်လိုက်ပါတယ်။ ဒါက လတ်တလောဖြစ်နေတဲ့ နိုင်ငံရေးအခြေနေ တွေ ပါ။ ဒီဆောင်းပါးရဲ့ အဓိက ဆိုလိုချက်က ဗီဇာရလူတစု ပြည်တော်ပြန်လေ့လာရေးခရီးစဉ်ကိုညွန်းလို ခြင်းမဟုတ်ပါ။ မျိုးဆက်အလိုက်တာဝန်ယူရမဲ့သမိုင်းပေးတာဝန်တခုကို ကျနော်တို့ဘယ်လိုပ ခုံးပြောင်း ထမ်းဆောင်ကြမလဲဆိုတဲ့ အပိုင်းဖြစ်ပါတယ်။

လူ ၁၀-ယောက်လောက်စုပြီး ပြည်တော်ပြန်လေ့လာယုံနဲ့ ကျနော်တို့မျိုးဆက်တခုလုံး အတွက် အလုပ်ဖြစ်ပါ့မလား။ ကျန်တဲ့ သောင်းနဲ့ချီရှိတဲ့ ရဲဘော်သူငယ်ချင်းတွေကကော ဘာဆက်လုပ်ကြမလဲ။ ဒီလူ ၁၀-ဦးက အားလုံးရဲ့ကိုယ်စားလှယ်လား။ လွန်ခဲ့တဲ့နှစ် ၂၀-ကာလကလိုမျိုး ဘယ်သူ့ကို ဘယ်သူ က ကိုယ်စားပြုတယ်ဆိုတဲ့ စနစ်တကျဖွဲ့စည်းမှုမျိုးကော ကျနော်တို့ကြားမှာရှိပါသေးရဲ့လား။ တသီးပုဂ လတွေ သိပ်ခေတ်စားနေပြီလား။ တဖက်မှာ တသီးပုဂလလို့ပြော။ တဖက်မှာကျတော့ အားလုံးကို ကိုယ်စားပြုသလိုသလိုလေသံပစ်နဲ့ လုပ်နေတာကိုမြင်ရတော့ လွန်ခဲ့တဲ့နှစ် ၂၀-က အင်အားကြီးခဲ့တဲ့ ABSDF အဖွဲ့ကို ပိုပြီး သတိရလာစေပါတယ်။

"ငါတို့ ၁၀-နှစ်လောက် အသက်နဲ့ရင်းပြီး တောထဲမှာတိုက်ပွဲဝင်ခဲ့ပြီးပြီဘဲ့ကွာ။ ငါတို့တာဝန်ကျေ ခဲ့ပြီပေါ့။ အခုတော့ သားသမီးတွေဖက် အလှည့်ပေးရဦးမယ်လေ'' လို့ တတိယ နိုင်ငံရောက် ရဲဘော် သူငယ်ချင်းတဦးကပြောပါတယ်။ သူပြောတာဟာ အလွန်သဘာဝကျပြီး အားလုံးလက်ခံသင့်တဲ့ ဒါမှမ ဟုတ် တတိယ-နိုင်ငံရောက် ၈၈-မျိုးဆက်အတော်များများပြောနေတဲ့ စကားလုံးတခုပါဘဲ့။
ဒါပေမဲ့ မေးစရာဖြစ်လာတာကတော့ ဒါဆိုရင် တော်လှန်ရေးဆိုတာ ၁၀-နှစ်လောက်လုပ်လို့ မ အောင်မြင်ရင် ရပ်လိုက်ရတဲ့သဘောရှိလား။ ပန်းတိုင်မရောက်မချင်းဆက်လုပ်သင့်တဲ့အရာလား။ ဘယ် သူကမှ အတိအကျတာဝန်ပေးလိုက်ခြင်းမရှိပေမဲ့ ကိုယ်အသိနဲ့ကိုယ် ဘယ်အတိုင်းတာအထိ ဆက်လုပ် သင့်တယ်လို့ခင်ဗျားထင်ပါသလဲ။

ဒီဖြစ်စဉ်တွေကိုစဉ်းစားရင်းနဲ့ ဒီလိုအတိုင်းတာတခုထိ ရွံရွံချွံချွံတာဝန်ထမ်းခဲ့ပြီး အခုချိန်မှာ ကိုယ့်မိသားစုကိစ္စကိုယ်လုပ်နေသူတွေကို Freedom Fighter တွေအဖြစ် ခေါ်နိုင်မလားလို့ ကျနော်စဉ်း စားနေမိပါတယ်။ အခုချိန်ထိ မဆုတ်သောဇွဲနဲ့ ပန်းတိုင်အထိ ရောက်အောင်ဆက်သွားဖို့ပြင်နေသူ။ နယ်စပ်မှာရှိနေဆဲ။ သို့မဟုတ် ပြည်ပကနေ တတ်နိုင်တဲ့ဖက်ကကူနေဆဲ လူနဲစုကိုတော့ သူပုန်တွေ အဖြစ် ခေါ်နိင်မလားလို့ ကျနော်စဉ်းစာနေမိပါတယ်။ Freedom Fighter လွတ်မြောက်ရေး အတွက် တိုက်ပွဲ ၀င်သူဟာ စေတနာ့ဝန်ထမ်း Volunteer သဘော။ တဦးချင်း တယောက်ချင်းသဘောကို ပို ဆောင်ပြီး သူပုန် Rebel ကတော့ ပန်းတိုင်ရောက်တဲ့ အထိ။ တနည်းအားဖြင့်ပြောမယ်ဆိုရင် နိုင်ငံ ရေးအာဏာ သို့မဟုတ် နိုင်ငံရေးစနစ်တခုပြောင်းလဲတဲ့အထိ စနစ်တကျ အစုအဖွဲ့နဲ့တိုက်ပွဲဝင်သွားတဲ့ သူတွေကို ဆိုလိုတာဖြစ်မယ်လို့ ကျနော်စဉ်းစားနေမိပါတယ်။

ဒီအတွက် သူပုန် Rebel ဆိုတဲ့စကားလုံးကို Freedom Fighter လွတ်မြောက်ရေးအတွက် တိုက်ပွဲဝင်သူ ဆိုတဲ့စကားလုံးထက် ကျနော်ပိုနှစ်ခြိုက်နေမိပါတယ်။ ကျနော်တို့ဟာ တက္ကသိုလ်စာသင် ခန်းကနေထွက်ပြီး တောခိုစဉ်ကာလက စေတနာ့ဝန်ထမ်းအဖြစ်ပါဝင်လာကြတယ်ဆိုပေမဲ့ အခုနှစ် ၂၀ ကြာပြီးတဲ့အချိန်မှာတော့ အမြဲတန်းဝန်ထမ်း သူပုန်တွေဖြစ်မနေသင့်ဘူးလားလို့လဲ ကျနော်စဉ်းစားနေမိ ပါတယ်။

တချိန်းတည်းမှာဘဲ့ ဆရာစံသူပုန်။ ရေနံမြေသူပုန်။ တို့ဗမာအစည်းရုံးသူပုန်။ BIA သူပုန်ကနေ အစိုးရဖြစ်လာတဲ့အခြေနေတွေကိုစဉ်းစားရင်း သူပုန်ဆိုတဲ့စကားလုံးကိုသုံးဖို့ ဘာမှသိမ်ငယ်စရာမရှိဘူး လို့ထင်ပါတယ်။ တခါ ပြီးခဲ့တဲ့နှစ်အတွင်း ကမ္ဘာ့နိုင်ငံရေးဖြစ်စဉ်မှာ သို့မဟုတ် ကမ္ဘာ့လက်နက်ကိုင်တော် လှန်ရေးဖြစ်စဉ်မှာ အဓိကနေရာယူခဲ့တဲ့ လစ်ဗျားလက်နက်ကိုင်တော်လှန်ရေးနဲ့ လစ်ဗျားသူပုန်လှုပ်ရှား မှု။ အခုလောလောဆယ် ကမ္ဘာ့သတင်းနဲ့ ကမ္ဘာ့လက်နက်ကိုင်တော်လှန်ရေးမှာ ရှေ့ဆုံးရောက်နေတဲ့ ဆီရီယားလက်နက်ကိုင်တော်လှန်ရေးနဲ့ ဆီးရီယားသူပုန်လှုပ်ရှားမှုတွေကိုကြည့်မယ်ဆိုရင်လဲ သူပုန် Rebel ဆိုတဲ့စကားလုံးအတွက် ဘာမှစောဒကတက်စရာမရှိလောက်ဘူးလို့ထင်မိပါတယ်။

ကဲ... ဒီဆောင်းပါးကိုဖတ်နေတဲ့ ခင်ဗျားကိုယ်တိုင်ကော။ Freedom Fighter လား။ Rebel သူပုန်လား။ ပန်းတိုင်ရောက်တဲ့အထိ ဆက်သွားမလား။ တသီးပုဂလတွေနဲ့ဘဲ့လွဲထားမလား။ စနစ်ကျ တဲ့ စုဖွဲ့မှုတွေနဲ့ အသေချာပြန်လုပ်ပြီး မျိုးဆက်တခုရဲ့ မပြီးဆုံးသေးတဲ့ တာဝန်တွေအတွက် ကျနော်တို့ အားလုံး လက်တွဲဆောင်ရွက်ကြဖို့ အချိန်ရောက်နေပြီလို့ ထင်မြင်မိပါတယ်။

ထက်အောင်ကျော်
၀၉-၀၉-၂၀၁၂။

 "www.colourparliament.com"