 |
| မြို့နယ် အထွေထွေအုပ်ချုပ်ရေးရုံးတွင် ယနေ့ (၂၂-၈-၂၀၁၂)ရက်နေ့ နေ့လည် (၂း၀၀)နာရီအချိန် ဒေါ်သွဲ့သွဲ့ဝင်း ဦးဆောင် သောအဖွဲ့ လာရောက် ဆွေးနွေးစဉ် (ဓါတ်ပုံ- Myanmar News Now) |
မုံရွာခရိုင် ဆားလင်းကြီးမြို့နယ်က ဆည်တဲ၊ ၀က်မှေး၊ ဇီးတော၊ ကန်တော၊ ဖေါင်းကား၊ မိုးကြိုးပြင်၊ တုန်ရွာ၊ ရွှေလှေ၊ ထန်းတော၊ ကျော်ရွာ၊ ညောင်ပင်ကြီး စတဲ့ ၂၆ ရွာက ရာနဲ့ချီတဲ့ တောင်သူတွေဟာ လက်ပန်းတောင်းတောင် ကြေးနီစီမံကိန်းက စွန့်ပစ်မြေဇာတွေ ဒေသခံပိုင် ယာမြေတွေမှာ မစွန့်ပစ်ဖို့ မြို့နယ်အုပ်ချုပ်ရေးမှူးထံ အရေးဆိုကန့်ကွက်ခဲ့တယ်လို့ ၀က်မှေး ဒေသခံ တဦးက ပြောပါ တယ်။
“ဆားလင်းကြီးဝင်းထဲတော့ ရောက်ပြီ၊ အုပ်ချုပ်ရေးမှူးက အကုန်လုံးနဲ့ အတွေ့မခံပါဘူး။ ဒါကြောင့် အကုန်စုဝေးပြီးတော့ တရွာကို ပြောနိုင်တဲ့သူ တယောက်ပဲ ခေါ်နေပါတယ်။ အကုန် ရှိတာတော့ ၂၆ ယောက်ပါ။ အကုန်လုံး ၆၀၀၊ ၇၀၀ လောက်တော့ ရှိပါတယ်။”
မြို့နယ်အုပ်ချုပ်ရေးမှူးကို လယ်ယာမြေတွေထဲ စွန့်ပစ်မြေ မပုံရေး၊ ရွာမရွှေ့ရေး၊ ဘုန်းကြီးကျောင်းတွေ ပြန်လည် ဖွင့်ပေးရေး၊ ယာမြေတွေပေါ်မှာ အဆောက်အဦ မဆောက်ရေး စတဲ့ အချက် ၄ ချက်ကို ဒေသခံတွေက ဆွေးနွေးတောင်းဆိုတယ်လို့ သိရပါတယ်။
မုံရွာမြို့အနောက်ဘက်ကမ်းက လက်ပန်းတန်းတောင်စီမံကိန်းကို ဒေသခံတွေ တားနေသည့်ကြားက ကျေလည်အောင် ညှိနှိုင်းခြင်း မရှိသေးဘဲ အခုလို မြေဇာတွေကို စွန့်ပစ်တာလို့ ၀က်မှေးရွာခံတွေက ပြောပါတယ်။
လယ်ယာမြေတွေပေါ်မှာ စီမံကိန်း ဘေးထွက်ပစ္စည်းတွေ လာရောက် စွန့်ပစ်တဲ့ အတွက် ဒေသခံ တောင်သူတွေက တားဆီးကန့်ကွက်ပြီး ညှိနှိုင်းနေတုန်းမှာ အခုလို လာရောက် စွန့်ပစ်တာလည်း ဖြစ်ပါတယ်။
ကြေးနီစီမံကိန်းက စွန့်ပစ်မြေဇာတွေ ယာမြေတွေကို ထိခိုက်တယ်လို့ အဆိုပါ ဒေသခံက ဆက်ပြောဆိုပါတယ်။
“သူတို့ မြေတွေကို ကျမတို့ထဲ လာစွန့်ပစ်တော့ ကျမတို့ လယ်တွေ ထိခိုက်တယ်။ လယ်ယာမြေတွေထိခိုက်တာက ကျမတို့အတွက်ကို တနှစ်ထိခိုက်တာလည်း မဟုတ်ဘူး တသက်တာအတွက် ထိခိုက်သွားတာ။ ကျမတို့ စိုက်ပျိုးစားတဲ့ လယ်ယာမြေထဲကို သူတို့မြေတွေ လာပုံတော့ ဘယ်နေရာသွားပြီး လုပ်ကိုင်စားသောက်ရမှာတုန်း။ ”
လက်ပံတန်းတောင် ကြေးနီစီမံကိန်းကို တပ်မတော်ပိုင် မြန်မာ့စီးပွားရေးဦးပိုင်ကုမ္ပဏီနဲ့ တရုတ်အမျိုးသားပိုင် ၀မ်ပေါင်ကုမ္ပဏီတို့ ဖက်စပ် လုပ်ကိုင်နေတာလည်း ဖြစ်ပါတယ်။
by မင်းလွင်
စွန့်ပစ်မြေဇာ လယ်ယာမြေများတွင် မစွန့်ပစ်ရေး ဒေသခံများ အရေးဆို
Reviewed by သစ်ထူးလွင်
on
16:37
Rating:
Reviewed by သစ်ထူးလွင်
on
16:37
Rating:
No comments:
Post a Comment