ပုဂ္ဂလိကဘဏ်များကို နိုင်ငံတကာကုန်သွယ်မှုဆိုင်ရာ ဘဏ်လုပ်ငန်းလုပ်ကိုင်ခွင့်ပြု

ရန်ကုန်၊ သြဂုတ် - ၇

ဗဟိုဘဏ်၏ ခွင့်ပြုချက်ဖြင့်  ပုဂ္ဂလိကဘဏ် ၁၁ ဘဏ်သည် နိုင်ငံတကာကုန်သွယ်မှုဆိုင်ရာ ဘဏ်လုပ်ငန်း  (International Banking Service)   လုပ်ကိုင်ဆောင်ရွက်ခွင့်ကိုရရှိသွားပြီဖြစ်ကြောင်း  သတင်းရရှိသည်။

နိုင်ငံတကာ ကုန်သွယ်မှုဆိုင်ရာဘဏ်လုပ်ငန်းများနှင့်ပတ် သက်၍ ၀န်ဆောင်မှုအမျိုးအစားလေးမျိုးဖြစ်သော  နိုင်ငံခြားငွေ

စာရင်း ဖွင့်လှစ်ခြင်းလုပ်ငန်း၊ နိုင်ငံခြားငွေကြေးလွှဲပြောင်းပေးပို့ခြင်းလုပ်ငန်း၊ ကုန်သွယ်မှုဆိုင်ရာ ပို့ကုန်လုပ်ငန်းဝန်ဆောင်မှုများနှင့် ကုန်

သွယ်မှုဆိုင်ရာ သွင်းကုန်လုပ်ငန်း ၀န်ဆောင်မှုများကို ပုဂ္ဂလိကဘဏ် ၁၁ ဘဏ်က   ၀န်ဆောင်မှုပေးမည်ဖြစ်သည်။

နိုင်ငံခြားငွေစာရင်း ဖွင့်လှစ်ခြင်းလုပ်ငန်းတွင် နိုင်ငံခြားငွေစာရင်း အချင်းချင်းစာရင်းပြောင်း နိုင်ခြင်းနှင့် အခြားသောပြည်တွင်း ဘဏ်တစ်ခုခုနှင့် စာရင်းပြောင်း ရွှေ့နိုင်ခြင်းတို့ကို ဆောင်ရွက်နိုင်မည်ဖြစ်သည်။

နိုင်ငံခြားငွေကြေး လွှဲပြောင်းပေးပို့ခြင်းလုပ်ငန်းတွင် လုပ်ကိုင် ခွင့်ရဘဏ်များနှင့် ချိတ်ဆက်ထားသည့် နိုင်ငံတကာဘဏ်များ ရှိ စာရင်းများမှ အပြန်အလှန်လွှဲပို့ဆောင်ရွက်နိုင်ခြင်းကို ပြုလုပ်နိုင် မည်ဖြစ်ပြီး ယင်းစနစ်သည် ကုန်သွယ်မှုလုပ်ငန်းနှင့်  သက်ဆိုင်သည်များကို   ရှင်းလင်းပေးသည့်စနစ်တစ်ခုမဟုတ်ဟုသိရသည်။

ကုန်သွယ်မှု ပို့ကုန်လုပ်ငန်း ၀န်ဆောင်မှုများကို ဆောင်ရွက် မည်ဆိုလျှင် ပို့ကုန်ကြိုတင်ငွေပေးချေခြင်းစနစ်နှင့် ပို့ကုန်ငွေလွှဲစာ တမ်းစနစ်များနှင့် သက်ဆိုင်သည်များကို    လုပ်ကိုင်နိုင်မည်ဖြစ်သည်။ ကုန်သွယ်မှုသွင်းကုန်လုပ် ငန်းဝန်ဆောင်မှုတွင် သွင်းကုန်ငွေ လွှဲစာ တမ်းဖွင့်လှစ်ခြင်း၊ သွင်းကုန်ဘီလ်များ  လက်ခံခြင်းနှင့်သင်္ဘော တင်အာမခံစာရွက်စာတမ်းထုတ်ပေးခြင်းများကို    ဘဏ်များဘက်မှ ဆောင်ရွက်ပေးမည်
ဖြစ်သည်ဟု သတင်းရရှိသည်။

ယခုကဲ့သို့ ပုဂ္ဂလိကဘဏ်များက နိုင်ငံတကာကုန်သွယ်မှုဆိုင်ရာ ဘဏ်လုပ်ငန်းကို ဆောင်ရွက်ခွင့်ရလိုက်ပြီဖြစ်သဖြင့်မြန် မာနိုင်ငံ၏ ပို့ကုန်သွင်းကုန်ကဏ္ဍကို ပိုမိုအထောက်အကူဖြစ်လာ စေမည်ဖြစ်ကြောင်း  အာရှစိမ်းလန်းဖွံ့ဖြိုးရေးဘဏ်၏    (Customer Sevice Department) မှ ဒါရိုက်တာဦးသက်လွှင်ရွှေက ပြော သည်။

အဆိုပါ ဘဏ်များအနေဖြင့် နိုင်ငံခြားဘဏ်များနှင့်လည်း ကြိုတင်ချိတ်ဆက်ထားပြီဖြစ်ပြီး အများအားဖြင့် ထိုင်း၊ စင်ကာပူ၊ မလေး

ရှား၊ ကိုရီးယားအစရှိသည့်နိုင်ငံများက ဘဏ်များနှင့် ချိတ်ဆက်သွားမည်ဟု CB   ဘဏ်၏ မန်နေးဂျင်းဒါရိုက်တာဦးဖေမြင့်ကပြောသည်။

နိုင်ငံခြားငွေစာရင်းဖွင့်လှစ် ခြင်းလုပ်ငန်းတွင် အမေရိကန် ဒေါ်လာ၊ ယူရိုငွေနှင့် စင်ကာပူဒေါ်လာများကို လက်ခံမည်ဖြစ်ပြီး နိုင်ငံခြားငွေ တရားဝင်ကိုင်ဆောင်ခွင့် ရှိသူများအနေဖြင့် ၎င်းတို့ဖွင့်လှစ်မည့် စာရင်းအပ်ငွေရရှိသည့် မူလအရင်းအမြစ်ကို တိတိကျကျပြသရန် လိုအပ်သည်။

CB   ဘဏ်မှ တာဝန်ရှိသူတစ်ဦးဖြစ်သော ဒေါ်သိဂနွယ်က “နိုင်ငံခြားငွေစာရင်းဖွင့်လှစ်မယ့်သူအနေနဲ့ သူတုိ့ရဲ့နိုင်ငံခြားငွေဘယ်ကရသလဲဆိုတဲ့ ရင်းမြစ်ကို ပြသရမှာဖြစ်တယ်။ နိုင်ငံခြားသားနဲ့လက်ထပ်ထားလို့ နိုင်ငံခြားငွေ ရရင် လက်ထပ်စာချုပ်ပြရမယ်။ ဘယ်လုပ်ငန်းမဆို နိုင်ငံခြားငွေရ  ရှိတဲ့ အဓိကမူလရင်းမြစ်ကို ပြသနိုင်မှ ဖွင့်လို့ရမယ်”ဟု  ပြောကြားသည်။

by 7Day News Journal