ရပ်ကွက်ကျေးရွာ အုပ်ချုပ်ရေးမှူးများကို ရွေးချယ်ရာတွင် သတ်မှတ်ထားသည့် ဥပဒေ ပြဒါန်းချက်များ၊ လုပ်ထုံးလုပ်နည်းများ နှင့်အညီ အများပြည်သူ လေးစားပြီး သြဇာတိက္ကမ ကြီးမားသော ရပ်မိရပ်ဖ ငါးဦး ပါဝင်သော ကြီးကြပ်ရေးအဖွဲ့က ရွေးချယ် တင်မြောက်သော မည်သူမဆို ရပ်ကွက်ကျေးရွာ အုပ်ချုပ်ရေးမှူးအဖြစ် တင်မြောက်ပိုင်ခွင့် ရှိကြောင်း ပြည်ထဲရေး ၀န်ကြီးဌာန ပြည်ထောင်စု ဒုတိယ၀န်ကြီး ဗိုလ်မှုးချုပ်ကျော်ဇံမြင့် က လွှတ်တော်တွင် ပြောကြားခဲ့သည်။
မြန်မာနိင်ငံ လူအဖွဲ့အစည်းတွင် အမျိုးသမီးများ၊ ကလေးများ၊ လိင်တူချစ်တူများ ခွဲခြား ဆက်ဆံလေ့ရှိကြောင်း အဖိုနှင့် အမ၊ အပူနှင့် အအေး၊အပေါင်းနှင့် အနှုတ်၊အမှောင်နှင့် အလင်း မတူကွဲပြားမှုများသည် သဘာဝဖြစ်ကြောင်း လိင်ကွဲပြားမှု အရ အမျိုးသမီးများ ခွဲခြား၊ နှိမ့်ချ၊ ဆက်ဆံမည့်အစား နိင်ငံတကာကဲ့သို့ လွတ်တော် အပါအ၀င် အုပ်ချုပ်ရေးနှင့် ဦးဆောင်မှု အခန်းကဏ္ဍများတွင် အချိုးကျ ကိုတာစနစ်ဖြင့် နေရာပေးသင့်ကြောင်း အမျိုးသမီးရေး တက်ကြွ လှုပ်ရှားသူ တစ်ဦးက အကြံပြု ပြောကြားသည်။
လက်နက်ကိုင် တိုက်ပွဲတွေဖြစ်သည့် ကရင်ပြည်နယ်၊ ကယားပြည်နယ်နှင့် ရှမ်းပြည်နယ်က ရွာများတွင် လွန်ခဲ့သော နှစ်သုံးလေးဆယ် ကတည်းက အမျိုးသမီး သူကြီးများကို ရွာသားများက ရွေးချယ်ခဲ့ကြောင်း နှစ်ဖက်တပ်များ၏ ရိက္ခာနှင့် ပေါ်တာ ကိစ္စများကို အမျိုးသမီး သူကြီးများ အဆင်ပြေပြေ ဆက်ဆံန်ိင်ခဲ့ကြောင်း ၄င်းက သုံးသပ်ပြောဆိုသည်။
၂၀၁၂ ဇူလိုင် ၂၆ ရက်နေ့တွင်ကျင်းပခဲ့သည့် ပထမအကြိမ် ပြည်သူ့လွှတ်တော် စတုတ္ထပုံမှန် အစည်းအဝေး(၁၅)ရက် မြောက်နေ့တွင် ဘားအံမြို့ နယ်မှ ပြည်သူ့လွှတ်တော် ကိုယ်စားလှယ် ဒေါ်နန်းစေအွာ၏ ရပ်/ကျေး အုပ်ချုပ်ရေးမှူးများတွင် အမျိုးသမီးများ ရွေးချယ်ပိုင်ခွင့် ရှိ၊ မရှိ မေးမြန်းမှုကို ပြည်ထဲရေး ဒုတိယ၀န်ကြီးက အထက်ပါအတိုင်း ပြန်လည် ဖြေကြားခြင်းဖြစ်သည်။
၂၀၁၂ မတ်လ ၂၈ ရက်နေ့၌ နိုင်ငံတော် သမ္မတ လက်မှတ်ရေးထိုး ထုတ်ပြန်ကြေညာခဲ့သည့် ရပ်/ကျေး အုပ်ချုပ်ရေးမှူး ခန့်ထားရေး ဥပဒေတွင် ရပ်ကွက်ကျေးရွာ အုပ်ချုပ်ရေးမှူးအဖြစ် အရွေးချယ် ခံလိုသူများသည် နိုင်ငံသား မိဘနှစ်ပါးမှ မွေးဖွားသူများ၊ မိမိအရွေးချယ်ခံမည့် ရပ်ကွက် တွင် တစ်ဆက်တစ်စပ်တည်း ၁၀ နှစ်နေထိုင်သူ၊ ကျန်းမာရေး ကောင်းမွန်၍ ပညာအရည်အချင်း အသင့်အတင့် ရှိရမည်ဖြစ်ပြီး အထိုက်အလျောက် စားဝတ် နေရေး ဖူလုံသူ၊ မတရား အသင်းများနှင့် အဆက်အသွယ်ရှိသူ မဖြစ်ရခြင်း စသည့်အချက်များပါဝင်သည်။
The Voice Weekly
အမျိုးသမီးများကို ရပ်ကွက် အုပ်ချုပ်ရေးမှူး အဖြစ် ရွေးချယ်ခွင့်ရှိ
Reviewed by သစ်ထူးလွင်
on
19:48
Rating:
Reviewed by သစ်ထူးလွင်
on
19:48
Rating:
No comments:
Post a Comment