မြန်မာနိုင်ငံမှ တရုတ်နိုင်ငံသို့ တင်ပို့နေသော အသားထွက်ကုန်ပစ္စည်းများတွင်
ခွာနာလျှာနာရောဂါရှိနေသောကြောင့် လက်မခံနိုင်ဟုဆိုကာ အေးခဲအမဲသားများ
တင်ပို့နေမှုကို လုံးဝပိတ်လိုက်ကြောင်း သတင်းရရှိသည်။
အဆိုပါ အကြောင်းကြားစာသည် ဇူလိုင်လဆန်းတွင် UMFCCI (မြန်မာနိုင်ငံ
ကုန်သည်/စက်မှုအသင်းချုပ်)သို့ ရောက်ပြီးနောက် မွေးမြူရေးနှင့် ကုသရေးဦးစီးဌာန
ညွှန်ကြားရေးမှူးချုပ်ထံမှတစ်ဆင့် မြန်မာနိုင်ငံမွေးမြူရေးလုပ်ငန်းအဖွဲ့ချုပ်က
လက်ခံရရှိထားကြောင်း မြန်မာနိုင်ငံ မွေးမြူရေးလုပ်ငန်းအဖွဲ့ချုပ် ဒုတိယဥက္ကဋ္ဌ(၁)
ဦးဝင်းစိန်ကဇူလိုင် ၁၇ ရက်တွင်ပြောသည်။
''တရုတ်ကို တင်ပို့နေတဲ့ အသားတွေ အမဲသားတွေမှာ ခွာနာ လျှာနာရောဂါ
မကင်းရှင်းတာကြောင့်တရုတ်နိုင်ငံရဲ့ တိရစ္ဆာန်များ၊ သစ်ပင်၊ ပန်းမန်များ အ၀င်အထွက်
စစ်ဆေးရေး ဥပဒေအရ အခု ကျွန်တော်တို့ဆီက အေးခဲအမဲသားတင်ပို့မှုတွေ ရပ်ဆိုင်း
သွားပါပြီ ''ဟု ၎င်းက ပြောသည်။
အေးခဲအမဲသားအပြင် ကြက်ငှက်တိရစ္ဆာန်များ၏ အသားထွက်ကုန်ပစ္စည်းများပါ
တရုတ်နိုင်ငံသို့ တင်ပို့ရောင်းချခြင်းနှင့် အသားထွက်ကုန်များကို အခြားနိုင်ငံမှ ၀ယ်ယူပြီး
တရုတ်နိုင်ငံသို့ တင်ပို့ရောင်းချခြင်းကိုပါ ပိတ်ပင်လိုက်ကြောင်း အထက်ပါစာတွင် ပါရှိသည်။
''မြန်မာမှာ ကြက်ငှက်တုပ်ကွေးနဲ့ ခွာနာလျှာနာရောဂါတွေ ကျရောက်နိုင်တဲ့အတွက်
သူတို့ဆီကနေပြီး တော့ ဒီအသားတွေ တင်ပို့ခြင်းကို လက်မခံနိုင်ပါဘူးဆိုပြီးတော့
မြန်မာသံရုံးကို တရုတ်နိုင်ငံ မွေးမြူရေးဌာနကနေပြီးတော့တရားဝင်အကြောင်းကြားထားတယ်''
ဟု မြန်မာနိုင်ငံမွေးမြူရေးလုပ်ငန်း အဖွဲ့ချုပ်ဒုတိယဥက္ကဋ္ဌ(၃) ဒေါက်တာလှလှသိန်းက
လည်း ပြောသည်။
ထို့ကြောင့် တရုတ်နိုင်ငံသို့ အသားတင်ပို့သော လုပ်ငန်းရှင်များ၏ စက်ရုံ၊ အလုပ်ရုံများလည်း
ရပ်ဆိုင်းသွား၍ အလုပ်သမားများ အလုပ်လက်မဲ့ဖြစ်ကုန်ကြကြောင်း သတင်းရရှိသည်။
မြန်မာနိုင်ငံသည် တရုတ်နိုင်ငံသို့ ၂၀၁၂-၂၀၁၃ ဘဏ္ဍာနှစ်အစ ဧပြီမှ ဇွန် သုံးလအတွင်း
အေးခဲအမဲသားတန်ချိန် ၄၈၈၄ တန် တင်ပို့နိုင်ခဲ့သည်။ သို့ရာတွင် ပုံမှန်ရက်သတ္တပတ်
တစ်ပတ်လျှင် အေးခဲအမဲသားတန်ချိန် ၄၀၀ ခန့်တင်ပို့နေရာမှ ဇွန် ၂၇ ရက်မှ ဇူလိုင်
၃ ရက်တွင်မူ ၁၄၅ တန်သာ တင်ပို့နိုင်တော့ကြောင်း စီးပွားရေးနှင့် ကူးသန်းရောင်းဝယ်ရေး
ဝန်ကြီးဌာနမှ စာရင်းဇယားများအရ သိရှိရသည်။
ယခုအချိန်တွင် မြန်မာနိုင်ငံမှ တရုတ်နိုင်ငံသို့ တင်ပို့နေသော အသားထွက်ကုန်ပစ္စည်း
များအားလုံး လုံးဝရပ်ဆိုင်းသွားပြီဖြစ်ကြောင်း သတင်းရရှိသည်။
7Day News Journal
တရုတ်နိုင်ငံက မြန်မာမှ အမဲသားတင်ပို့မှုကို ပိတ်ပင်လိုက်ပြီ
Reviewed by သစ်ထူးလွင်
on
17:56
Rating:
Reviewed by သစ်ထူးလွင်
on
17:56
Rating:
No comments:
Post a Comment