သမ္မကြီးဦးသိန်းစိန် ထိုင်းဝန်ကြီးချုပ်နှင့် သီးသန့်တွေ့ဆုံမည်

သမ္မတကြီး ဦးသိန်းစိန်နှင့် ထိုင်းဝန်ကြီးချုပ် ယင်းလတ်ရှင်နာဝပ်တို့ တွေ့ဆုံစဉ်။ Photo Credit - Yingluck Shinawatra Page

ဘန်ကောက် ဇူလိုင် ၂၃

ထိုင်းနိုင်ငံဝန်ကြီးချုပ်၏ တရားဝင် ဖိတ်ကြားချက်အရ ဘန်ကောက်မြို့တော် သို့ ချစ်ကြည်ရေးခရီး ရောက်ရှိနေသော နိုင်ငံတော် သမ္မတကြီး ဦးသိန်းစိန် သည် ယနေ့ နံနက်ပိုင်းတွင် ဘန်ကောက် မြို့တော်ရှိ အစိုးအိမ်တော် သို့ ရောက်ရှိမည်ဖြစ်ပြီး ထိုင်းနိုင်ငံ ဝန်ကြီးချုပ်နှင့် သီးသန့် တွေဆုံရန်ရှိကြောင်း ဘန်ကောက်ရောက် The Voice Weekly သတင်းထောက်က တိုက်ရိုက် သတင်းပေးပို့သည်။

ယင်းသို့ တွေဆုံမှုအပြီးတွင် မြန်မာ-ထိုင်း နှစ်နိုင်ငံ ပူးတွဲသတင်းစာရှင်းလင်းပွဲတစ်ရပ် ကျင်းပသွားရန်ရှိသည်။

သမ္မတကြီးသည် ယမန်နေ့က ထားဝယ်နှင့် ချိတ်ဆက်သွယ်တန်းမည့် ထိုင်းနိုင်ငံ လန်ချဘန် ဆိပ်ကမ်းသို့ ရောက်ရှိလေ့လာခဲ့ပြီး မွန်တိုင်းရင်းသား အဖိုးဖြစ်သူ၏မြေးဖြစ်သည့် ထိုင်းလူမျိုး စီးပွားရေးလုပ်ငန်းရှင်တစ်ဦး ပိုင်ဆိုင်သည့် အမတ စက်မှုဇုံကို မော်တော်ယာဉ်ဖြင့် ဖြတ်၍လေ့လာခဲ့သည်။

ယမန်နေ့ ညနေ ၄ နာရီခန့်တွင် သမ္မတကြီးဦးသိန်းစိနနှင့် ဝန်ကြီးများအဖွဲ့သည် လမ်ချဘန်စက်မှုဇုန် ထိန်းချုပ်စင်တာသို့ သွားရောက် လေ့လာခဲ့ကြပြီး ဘန်ကောက်မြို့သို့ ပြန်လည် ထွက်ခွာခဲ့ကြသည်။

ယနေ့ နေ့မွန်လွဲပိုင်းတွင် သမ္မတကြီး ဦးသိန်းစိန်ကိုယ်တိုင် တက်ရောက်မည့် မြန်မာနှင့်ထိုင်း နှစ်နိုင်ငံအကြား အရေးပါသည့် စီးပွားရေး ပူးပေါင်းဆောင်ရွက်မှုအတွက် သဘောတူစာချွန်လွှာ ၃ ခုခန့် ရေးထိုးရန်ရှိပြီး ထားဝယ်စီမံကိန်းနှင့်ပက်သက်၍ ပါဝင်သည်ဟု မြန်မာအစိုးရအဖွဲ့ဝင်များ၏ ပြောကြားချက်အရ သိရသည်။

သမ္မတကြီးနှင့်အတူ လိုက်ပါလာသော အလုပ်သမားဝန်ကြီးဌာန ပြည်ထောင်စုဝန်ကြီး ဦးအောင်ကြည်သည် ဘန်ကောက်တွင် မြန်မာနိုင်ငံကူးလက်မှတ် ထုတ်ပေးနေ့သည့်စခန်းကို သီးခြားသွားရောက်ရန်ရှိပြီး စီးပွားရေးနှင့် ကူးသန်းရောင်းဝယ်ရေးဝန်ကြီးသည်လည်း မြန်မာနိုင်ငံမှ ဆန်စပါးထုတ်လုပ်သူများနှင့်အတူ ထိုင်းနိုင်ငံရှိ RES ( Rice Engineering Supply Co. Ltd. )နှင့် တွေ့ဆုံရန်ရှိကြောင်း သမ္မကြီးနှင့် အတူလိုက်ပါလာသော အစိုးရအဖွဲ့ဝင်အချို့ထံမှ သိရှိရသည်။

The Voice Weekly