ဒုသမ္မတသစ်အရေး လွှတ်တော်မှာ ဆွေးနွေးနိုင်ဖွယ်ရှိ

ဒုသမ္မတ (၁) ရာထူးကို ၁၀ ရက်အတွင်း လွှတ်တော်က တပ်မတော်သား ကိုယ်စားလှယ် အစုအဖွဲ့က ပြန်လည် ရွေးချယ်ပေးဖို့ ပြောခဲ့ပေမဲ့ အခုဆိုရင် ရက်ပေါင်း ၂၀ ကျော် လာတဲ့အထိ ရွေးချယ် တင်မြောက်နိုင်ခြင်း မရှိသေးပါဘူး။ အစောပိုင်း ကာလက ဒုသမ္မတ လောင်းအဖြစ် တပ်မတော်သား ကိုယ်စားလှယ်များ အစုအဖွဲ့က အမည် စာရင်း တင်သွင်းခံ ထားရတဲ့ ဦးမြင့်ဆွေ ဟာ ဖွဲ့စည်းပုံ အခြေခံ ဥပဒေပါ ဒုသမ္မတ ဖြစ်ခွင့် အချက်တွေနဲ့ မကိုက်ညီဘူး ဆိုတဲ့ သတင်းတွေလည်း ထွက်ပါတယ်။ ကာလအားဖြင့် အနည်းငယ် ကြာလာတဲ့ ဒု သမ္မတ ကိစ္စဟာ မနက်ဖြန် နေ့လယ် ၁ နာရီ မှာ ခေါ်မယ့် ပြည် ထောင်စု လွှတ်တော်မှာ တင် ပြ ဆွေးနွေးလာနိုင်တယ်လို့ လွှတ်တော်တွင်းက ဆိုပါတယ်။ အပြည့်အစုံကိုတော့ ရန်ကုန် ဗွီအိုအေ သတင်းထောက် ကိုရဲကျော်အောင် က သတင်းပို့ထားပါတယ်။

နိုင်ငံတော် သမ္မတ က ၇ ရက် အတွင်း ဒု သမ္မတ (၁) ရာထူး အတွက် ပြန်လည် ရွေးချယ်ပေးဖို့ ပြောကြားထားပေမဲ့ ရက် အတော်ကြာတဲ့ အထိ မရွေးချယ်နိုင်သေးတဲ့ ကိစ္စကို မနက်ဖြန်မှာ ခေါ်ယူမယ့် ပြည်ထောင်စု လွှတ် တော် မှာ  တပ်မတော် သား ကိုယ် စား လှယ် များ အစုအဖွဲ့က တင်သွင်းလာတဲ့ အမည်စာရင်းပေါ်မှာ ပြည်ထောင်စု လွှတ်တော်က ဆွေးနွေး သွားနိုင်တယ်လို့ လသာမြို့နယ်က ပြည်သူ လွှတ်တော် ကိုယ်စားလှယ် ဦးကြည်မြင့်က ပြောပါတယ်။

“လောလောဆယ်မှာတော့ ၁၀ ရက်လို့ ဆိုထားပေမဲ့လည်း ရက်ကြာသွားတယ်ပေါ့နော်။ ဒီကိစ္စက ရက်ကြာလေ့ရှိပါတယ်။ မနက်ဖြန် ပြည်ထောင်စုလွှတ်တော် ကျင်းပမယ်။ မနက်ဖြန် လွှတ်တော်မှာ ဒီကိစ္စကို ထုတ်ပြီးတော့ လုပ်လာရင်လည်း လုပ်လာဖို့ရှိတယ်။ ဦးမြင့်ဆွေနဲ့ ပတ်သက်လို့ကတော့ သူ့သားအနေနဲ့ သြစတြေးလျ နိုင်ငံသား ခံယူထားတဲ့ ကိစ္စက အဲဒါကို ညှိနှိုင်းနေတာလည်း ဖြစ်နိုင်တယ်။ စောင့်ဆိုင်းနေတာလည်း ဖြစ်နိုင်တယ်လေ။ အဲဒီကိစ္စက မပြတ်သေးတဲ့သဘော ဖြစ်နေတယ်။ သို့သော်လည်းပဲ ကာလတခုက သတ်မှတ်ချက်က ရှိတာကိုး။ သတ်မှတ်ချက် ရှိနေတဲ့အရ ဆိုရင်ကတော့၊ နောက်တယောက်ကို ရွေးဖို့ဆိုတဲ့ ကိစ္စမှာလည်းပဲ အဓိက ကတော့ တပ်မတော်သား ကိုယ်စားလှယ်တွေက ရွေးရမှာကိုး။ တပ်မတော်သားကိုယ်စားလှယ်တွေ ရွေးရမယ့် ဒုသမ္မတလောင်းကိုး။ တပ်မတော်သားတွေ ကြားမှာတော့ ဒါက အတိုက်အခံ ညှိနှိုင်းမှုလေးတွေလည်း ရှိမယ်။ အထက်အောက် ဆွေးနွေး ညှိနှိုင်းမှုတွေလည်း ရှိကြမှာပေါ့လေ။ အဲဒီမှာကတော့ နောက်တယောက်ကိုလည်း လျာထားတဲ့ သဘောတရားတော့ ရှိတာပေါ့လေ။”

အစောပိုင်း ကာလက ဒု သမ္မတ လောင်းအဖြစ် တပ်မတော်သား ကိုယ်စားလှယ်များ အစုအဖွဲ့က အမည်စာရင်း တင်သွင်း ခံထားရတယ်လို့ သတင်း ထွက်ပေါ်ခဲ့တဲ့ ဦးမြင့်ဆွေဟာ ဖွဲ့စည်းပုံ အခြေခံ ဥပဒေပါ ဒုသမ္မတ ဖြစ်ခွင့် အချက်တွေနဲ့ မကိုက်ညီ တာကြောင့် ဒုမ္မတအဖြစ် မရွေးချယ် နိုင်သေးတာ လို့ လွှတ်တော် ကိုယ်စားလှယ် အများစုက သုံးသပ် ကြပါတယ်။

ဒု သမ္မတ လောင်း အဖြစ် တပ်မတော်သား ကိုယ်စားလှယ် များ အစုအဖွဲ့က အမည်စာရင်း တင်သွင်း ခံထားရတဲ့ ဦးမြင့်ဆွေ သာ ဒု သမ္မတ ဖြစ် မလာခဲ့ဘူး ဆိုရင် ယခင် စစ် အာဏာပိုင် တွေရဲ့ ယုံကြည်မှုတွေ များစွာ ရရှိခဲ့ဖူးတဲ့ ဒုတိယ ဗိုလ်ချုပ်ကြီး လှဌေးဝင်း ဖြစ်လာနိုင်တယ်လို့ အမျိုးသား လွှတ်တော် ကိုယ်စားလှယ် ဒေါက်တာ အေးမောင်က ဗွီအိုအေကို အခုလို ပြောပြပါတယ်
“ဗိုလ်ချုပ်ကြီး တင်အောင်မြင့်ဦး အနားယူတယ်လို့ ကောလာဟလ သတင်းဖြစ်တဲ့ နောက်ပိုင်းမှာ နှစ်ဦးထွက်လာပါတယ်။ တစ်က ဗိုလ်ချုပ်ကြီး မြင့်ဆွေ၊ နှစ်က ဒုတိယ ဗိုလ်ချုပ်ကြီး လှဌေးဝင်း ပေါ့နော်။ ဗိုလ်ချုပ်ကြီး မြင့်ဆွေရဲ့ နောက်ခံဆိုရင် ဒါ ဗိုလ်ချုပ်မှူးကြီး သန်းရွှေ ရှိတာပဲ။ ဒုတိယ ဗိုလ်ချုပ်ကြီး လှဌေးဝင်းရဲ့ နောက်ခံက ဗိုလ်ချုပ်မှူးကြီး မောင်အေး ကိုး။ ဆိုတော့ ဒုတိယ ဗိုလ်ချုပ်ကြီး လှဌေးဝင်းဟာလည်း ကြားထားတဲ့အထဲမှာ ပါတယ်။”

ဒုသမ္မတ ရာထူးနဲ့ပတ်သက်ပြီး အစောပိုင်း ရက်တွေက ယခင် စစ်အာဏာပိုင် ဗိုလ်ချုပ် ကြီးဟောင်းတွေ ဖြစ်တဲ့ ဦးဌေးဦး၊ ဦးတင်အေး၊ ဦးမြင့်ဆွေ တို့ ဖြစ်နိုင်တယ်လို့ လွှတ်တော် အသိုင်းအ၀ိုင်းက သုံးသပ်ခဲ့ ကြပေမဲ့ အခုနောက်ဆုံးမှာတော့ စစ် ဗိုလ်ချုပ်ကြီးဟောင်း ဦးမောင်အေးရဲ့ လက်ရင်း တပည့်ဖြစ်ခဲ့တဲ့ ဒုတိယ ဗိုလ်ချုပ်ကြီး လှဌေးဝင်း ဆိုပြီး သတင်းတွေ ထွက်ရှိလာခဲ့တာပါ။

ထွက်ရှိလာတဲ့ သတင်းတွေနဲ့ ဒု သမ္မတ လောင်း ဘယ်သူ ဖြစ်လာနိုင်လဲ ဆိုတာနဲ့ပတ် သက်ပြီး မကြာသေး မီကမှ လွှတ်တော် နှစ်ရပ်ပေါင်း ဥက္ကဋ္ဌနဲ့ ဒု ဥက္ကဋ္ဌတွေ ပါဝင်တဲ့ သမ္မတ ရွေးချယ် စိစစ်ရေး အဖွဲ့က ပြည်သူ့လွှတ်တော် ကိုယ်စားလှယ် ဦးဌေးဦးနဲ့ အမျိုးသား လွှတ်တော် ကိုယ်စားလှယ် ဦးဇော်မြင့်ဖေ တို့ကို ဆက် သွယ် မေးမြန်းဖို့ VOA က ကြိုး စားခဲ့ပေမဲ့ အဲဒီ ကိုယ်စားလှယ် နှစ်ဦးကို ဆက် သွယ် မရ ခဲ့ပါဘူး။

၂၀၁၀ ရွှေး ကောက် ပွဲအပြီး ပုံ ပေါ်လာတဲ့ ယခင် စစ် တပ် အာ ဏာ ပိုင် အများစု နေရာ ယူထားတဲ့ ဦးသိန်းစိန် အစိုးရ လက်ထက် ပထမ ဆုံးသော ဒု သမ္မတ သီဟသူရ ဦးတင်အောင်မြင့်ဦး ဟာ ကျန်းမာရေး အခြေအနေကြောင့် ဇူလိုင်လ ၁ ရက် နေ့ကပဲ နိုင်ငံတော် သမ္မတထံ တရားဝင် နှုတ်ထွက်စာ တင်ပြီး နှုတ် ထွက် သွားခဲ့တာ ဖြစ်ပါတယ်။

 ကိုရဲကျော်အောင် - ဗွီအိုအေ - မြန်မာဌာန