 |
| ကားတိုက်မှုဖြစ်ပွါးသည့် မြင်ကွင်း (ဓါတ်ပုံ-Eleven Media Group) |
အခင်းဖြစ်ပွားပုံမှာ ဇူလိုင်လ ၁၇ ရက်နေ့ ည ၉ နာရီ ၃၀ မိနစ် အချိန်ခန့်တွင်လမ်းဖြတ်ကူးသူ အမျိုးသားတစ်ဦးမှာ ကမ်းနားလမ်း အတိုင်း မော်တင်ဘက်မှ ပန်းဆိုးတန်းဘက်သို့ မောင်းနှင်လာသော ကွန်တိန်နာ ကားတစ်စီးနှင့် အတိုက်ခံရပြီး ဘုန်းကြီးလမ်းမှ ၁၅ လမ်းထိပ်အထိ ကွန်တိန်နာကား၏ ဘယ်ဘက် အရှေ့ဘီးနှင့် တရွတ် တိုက်ပါသွားပြီး သေဆုံးသွားခဲ့ခြင်းဖြစ်ကြောင်း သိရသည်။
သေဆုံးသူမှာ ဒလမြို့နယ် ကျန်စစ်သားရပ်ကွက်တွင် နေထိုင်သူ အသက် ၃၀ နှစ်အရွယ် နေလင်းဦးဆိုသူ ဖြစ်ကြောင်း၊ သေဆုံးသူ၏ ပြတ်သွားသော ပေါင်တစ်ဖက်ကို ၁၃ လမ်းထိပ်တွင် ပြန်လည်တွေ့ရှိခဲ့ကြောင်းနှင့် အလောင်းကို အငှားယာဉ်တစ်စီးဖြင့် ရန်ကုန်ပြည်သူ့ဆေးရုံကြီးသို့ ပို့ဆောင်ခဲ့ကြောင်း သိရသည်။
ကွန်တိန်ကား ယာဉ်မောင်းအား လမ်းမတော်မြို့နယ် ရဲစခန်း၌ ဖမ်းဆီးထားပြီး အမှုဖွင့်စစ်ဆေးလျှက် ရှိကြောင်း အဆိုပါနေရာသို့ ရောက်ရှိနေသူ ရဲတပ်ဖွဲ့ဝင်တစ်ဦးထံ မှ သိရသည်ဟု Eleven Media Group က ဆိုပါသည်။
အခင်းဖြစ်ပွားပုံကို မြင်တွေ့ လိုက်ရသူ တစ်ဦးကလည်း “ကားနဲ့ တရွတ်တိုက်ပါသွားတုန်း ငယ်သံပါအောင် အော်တဲ့အသံကို နှစ်ခါတောင် ကြားလိုက်ရတယ်”ဟု Eleven Media Group ကို ပြောပြခဲ့ပါသည်။
လမ်းဖြတ်ကူးသူတစ်ဦး ကွန်တိန်နာကားနှင့် တိုက်မိပြီး ပေါင်တစ်ဖက်ပြတ် သေဆုံး
Reviewed by သစ်ထူးလွင်
on
07:25
Rating:
Reviewed by သစ်ထူးလွင်
on
07:25
Rating:
No comments:
Post a Comment