အဆိုပါကလေးငယ်မှာ ပြင်ဦးလွင်မြို့နေ အသက်၆ နှစ်ရှိသူ မ၀င့်သူသူထက်ဖြစ်ပြီး အဆိုပါမုန့်ထုတ်ထဲမှ မုန့်ချောင်းငယ်လေး ၁၀ ချောင်းမျှစားပြီးနောက်ဝယ် အစာအဆိပ်သင့်သည့် ရောဂါလက္ခဏာများပြလာကာ ပြို့အန်လာသဖြင့် နီးရာဆေးခန်းသို့ သွားရောက်ပြသကာ အရေးပေါ်ဆေးကုသမှုများ ခံယူလိုက်ရခြင်းဖြစ်သည်။
"ကျွန်မတို့ဆီမှာတော့ အဲဒီမုန့်ကို 'အစပ်ချောင်း' လို့ခေါ်ကြပါတယ်။ မုန့်ထုတ်ထဲမှာ မီးခြစ်ဆံချောင်းလုံးပတ်လောက်ရှိတဲ့ စားစရာအချောင်းလေးတွေ အချောင်း ၅၀ လောက်ပါတယ်။ မုန့်ထုတ်ပေါ်မှာတော့ တရုတ်စာတွေချည်းပဲရေးထားတော့ ဘာတွေ ဘယ်လိုပါဝင်နေတယ်ဆိုတာ ကျွန်မတို့မသကြဘူးလေ။ သမီးလေးကတော့ အဲဒီအချောင်းလေး ၁၀ ချောင်းလောက်စားပြီးတဲ့နောက် ၂ နာရီလောက်ကြတော့ ရေတောင်မသောက်နိုင်တော့ပဲ ပြို့သလို အန်သလိုလိုဖြစ်လာတာကြောင့် အနီးဆုံး ဆေးခန်းကိုသွာပြီး ပြရတော့တာပါပဲ။ အကောင်းကြီါ်ကနေ ချက်ခြင်းဆိုသလိုဖြစ်လာတာနော်" ဟု ကလေးငယ်၏ မိခင် ဒေါ်ခင်ခင်လေးကပြောသည်။
ထိုသို့ ပြို့အန်ပြီးနောက် ညနေပိုင်းသို့ရောက်သော် ကလေးငယ်မှာ ကိုယ်ပူရှိန်တက်ခါ အဖျားဝင်လာကြောင်း၊ ညဖက်ရောက်သည်တွင် ကိုယ်ပူချိန်မှာ ၁၀၅၊ ၁၀၆ လောက်အထိတက်လာကြောင်း၊ ထို့ကြောင့် နောက်တစ်နေ့တွင် ဆေးခန်းသို့သွားပြကာ ဆရာဝန်၏ ညွှန်ကြားအချက်အတိုင်း ပြုစုကုသရကြောင်း ကလေးငယ်၏ မိခင်ကပြောပါသည်။ ဆရာဝန်ကလည်း အစာအဆိပ်သင့်သည့် ရောဂါလက္ခဏာဖြစ်ကြောင်းပြောသည်ဆို၏။ ထိုသို့ကုသပြီး ၃ ရက်ခန့်ကြာသည်တွင်မှ မူလအခြေအနေသို့ပြန်ရောက်ကြောင်းသိရသည်။
အဆိုပါ မုန့်ထုတ်ထဲမှ အချောင်းလေးများကို မီးရှို့ကြည့်သောအခါ ပလပ်စတစ်ချောင်းလေးများအား မီးရှို့သကဲ့သို့တွေ့မြင်ရပြီး အနံ့မှာလည်း ပလပ်စတစ်မီးလောင်သည့် အနံ့ကဲ့သို့ပင်ဖ်ြစ်ကြောင်း ကလေးငယ်၏ မိခင် ကပြောသည်။
Popular Myanmar News Journal
နယ်စပ်မှ တင်သွင်းလာသည် မုန့်ကြောင့် ကလေးငယ်တစ်ဦး အစာအဆိပ်သင့်
Reviewed by သစ်ထူးလွင်
on
15:14
Rating:
Reviewed by သစ်ထူးလွင်
on
15:14
Rating:
No comments:
Post a Comment