ဒေါ်အောင်ဆန်းစုကြည် ခရီးစဉ် နော်ဝေဝန်ကြီးချုပ် ကြိုဆို

နော်ေ၀၀န်ကြီးချုပ်ရဲ့ ဖိတ်ကြားချက်အရ ဇွန်လ (၁၅) ရက်နေ့ ကနေ (၁၈) ရက်နေ့အထိ သွားရောက်မယ့် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ရဲ့ နော်ဝေနိုင်ငံခရီးစဉ် အချိန်ဇယားကို နော်ဝေ နိုင်ငံခြားရေးဌာနက မနေ့က ရက်စွဲနဲ့ ထုတ်ပြန်ကြေညာလိုက်ပြီး နော်ေ၀၀န်ကြီးချုပ်ကလည်း ဒေါ်အောင်ဆန်းစုကြည်အနေနဲ့ အခုလို သူရဲ့ဖိတ်ကြားချက်ကို လက်ခံပြီး နော်ဝေနိုင်ငံကို လာရောက်လည်ပတ်မှာကို ဂုဏ်ယူပါကြောင်း ပြောဆိုလိုက်ပါတယ်။

RFA

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် နော်ဝေဝန်ကြီးချုပ် Mr.Jens Stoltenberg တို့ဖြစ်ပါသည်။

“အခုနောက်ဆုံးမှာတော့ ဒေါ်အောင်ဆန်းစုကြည်ဟာ နော်ဝေနိုင်ငံကို လာရောက်ပြီး ကိုယ်တိုင် နိုဘယ်လ်ငြိမ်းချမ်းရေးဆုကို လက်ခံရယူနိုင်မှာ ဖြစ်တဲ့အတွက် ကျွန်တော်အလွန်ပဲ ၀မ်းသာပီတိဖြစ်ရပါတယ်။ မြန်မာဒီမိုကရေစီရေး လှုပ်ရှားမှုကို နော်ဝေနိုင်ငံက နှစ်ပေါင်းများစွာ အားပေးထောက်ခံခဲ့သလို လက်ရှိ မြန်မာပြည်တွင်း နိုင်ငံရေး ပြုပြင်ပြောင်းလဲမှုတွေကိုလည်း ကျွန်တော်တို့  ကြိုဆိုပါတယ်လို့” နော်ေ၀၀န်ကြီးချုပ်က ပြောဆိုကြောင်း ကြေညာချက်မှာ ဖော်ပြထားပါတယ်။
နော်ဝေနိုင်ငံ Oslo မြို့ကို ဇွန်လ (၁၅) ရက်နေ့မှာ ရောက်လာမယ့် ဒေါ်အောင်ဆန်းစုကြည်ဟာ အဲဒီနေ့နေ့လည်ပိုင်းမှာ နော်ဝေး၀န်ကြီးချုပ်နဲ့ တွေ့ဆုံမှာဖြစ်ပြီး ဒေါ်အောင်ဆန်းစုကြည်ကို ၀န်ကြီးချုပ်က ညစာစားပွဲနဲ့ တည်ခင်းဧည့်ခံမှာ ဖြစ်ပါတယ်။
ဒေါ်အောင်ဆန်းစုကြည်ဟာ ဇွန်လ (၁၆) ရက်နေ့မှာ နိုဘယ်လ်ဆုပေးပွဲ အခမ်းအနား တက်ရောက်မှာဖြစ်ပြီး ညနေပိုင်းမှာ နော်ဝေရောက် မြန်မာတွေနဲ့ တွေ့ဆုံဖို့ ရှိပါတယ်။ ဇွန်လ (၁၇) ရက်နေ့မှာတော့ ဘာဂန်မြို့ကို လာရောက်မှာဖြစ်ကြောင်း မြို့ခံ မြန်မာ့ဒီမိုကရေစီရေး လှုပ်ရှားနေသူ မကေသီအောင်က အခုလို ပြောပါတယ်။

" ဘာဂန်မြို့မှာကျတော့ ဒေါ်စုကို ပထမဦးဆုံးသော နိုင်ငံတကာဆုဖြစ်တဲ့ ရက်ဖ်တို လူ့အခွင့်အရေးဆုကိုပေးခဲ့တဲ့ ရက်ဖ်တိုဖောင်ဒေးရှင်း၊ ဒေါ်စုမကြာခဏကျေးဇူးတင်ကြောင်း ပြောလေ့ရှိတဲ့ ဖောင်ဒေးရှင်းပေါ့နော်။ အဲဒီဖောင်ေးဒရှင်းကို ဒေါ်စုလာလိမ့်မယ်တဲ့။ ပြီးတော့ ဘာဂန်မြို့မှာ ရှိနေတဲ့ ဗမာတွေအားလုံးနဲ့ တွေ့ဆုံပွဲလေး တခုလုပ်မယ်။ ဒေါ်စုကလည်း မိန့်ခွန်းပြောမယ်။ ဒေါ်စုကိုပြန်လည် မေးခွန်းထုတ်တာ၊ ဒေါ်စုနဲ့ပေါ့လေ၊ ဘာတွေ တိုင်းပြည်အတွက် အကူအညီပေးနိုင်မလဲလို့ ဒီမြို့ကလူတွေနဲ့ စကားပြောမယ်။ အဲဒီဟာကတော့ နာရီဝက် တစ်နာရီလောက်ပဲရှိမယ်။ အဲဒါပြီးလို့ရှိရင် ဒေါ်စုက ဗမာတွေရော၊ နောက်ပြီးတော့ ဒီဘာဂန်မြို့မှာရှိနေတဲ့ နော်ဝေလူမျိုးတွေကိုရော မြို့လယ်မှာ ဒေါ်စုက မိန့်ခွန်းပြောမယ်"

နော်ဝေခရီးစဉ် နောက်ဆုံးနေ့ဖြစ်တဲ့ ဇွန်လ (၁၈) ရက်နေ့မှာတော့ ဒေါ်အောင်ဆန်းစုကြည်ဟာ နော်ဝေလွှတ်တော်ကို သွားရောက်ပြီး လွှတ်တော်ကိုယ်စားလှယ်တွေနဲ့ ကာကွယ်ရေးကော်မတီဝင်တွေကို တွေ့ဆုံမှာ ဖြစ်ပါတယ်။

RFA-Burmese