 |
| ရွှေတူးဖေါ်သည့် ဆန္ဒပြလုပ်သားများ နေပြည်တော်သို့ ချီတက်လာစဉ် ( ဓါတ်ပုံ-သစ်ထူးလွင် အွန်လိုင်း မီဒီယာ) |
ရမည်းသင်းမြို့နယ် မိုးထိမိုးမိ ဒေသမှ ရွှေတူးဖေါ်သည့် ဆန္ဒပြလုပ်သားများ နေပြည်တော်သို့ ချီတက်လာရာ ရမည်းသင်းမြို့နှင့် ၆ မိုင်အကွာ ရွှေမြင်တင်တောင်တော်မြတ်၌ လုံထိန်းတပ်ဖွဲ့များ၏ ၀ိုင်းဝန်းပိတ်ဆို့ထားခြင်း ခံနေရသည်ဟု ကူညီဆောင်ရွက်ပေးသူ ကိုဟန်ဝင်းအောင်က ပြောသည်။
ရမည်းသင်းနှင့် မိုင် ၄၀ ကွာဝေးသည့် ရွှေတူးသည့်ဒေသမှ နေပြည်တော်သို့ ချီတက်လာသည့် ဆန္ဒပြလုပ်သားများအား ရမည်းသင်းမြို့အနီးအရောက်တွင် ယခုလိုတားဆီးထားခြင်းဖြစ်သည်။
ပိတ်ဆို့ထားလိုက်သည့်အတွက် အတွင်းမှ လုပ်သားများ အပြင်သို့ထွက်ခွင့်မရှိတော့ သကဲ့သို့ အပြင်မှလည်း အထဲသို့ဝင်ခွင့်မရှိတော့သဖြင့် စားရေးသောက်ရေးမှ အစ ခက်ခဲလာနိုင်သည်ဟု ကူညီပေးနေသူများက ဆိုသည်။
ထို့ပြင် ဆန္ဒပြလုပ်သားများအား ကူညီပေးနေသည့် အလုပ်သမားအရေး ဆောင်ရွက်သူများနှင့် မီဒီယာသမားများ တည်းခိုလျှက်ရှိသည့် ရွှေအိမ်စံ တည်းခိုခန်းပိုင်ရှင်အား ၎င်းတို့ကို လက်မခံရန် နယ်မြေခံ အက်စ်ဘီများက ဖိအားပေးမှုများလည်း ရှိသည်ဟု ကိုဟန်ဝင်းအောင်က ပြောသည်။
ဆန္ဒပြသူများအား ကူညီလိုက်ပါလာသည့် သံဃာ ၁၁ ပါးကိုလည်း မိမိတို့ သီတင်းသုံးရာ ကျောင်းသို့ပြန်ရန်၊ အကယ်၍ မပြန်ပါက ရမည်းသင်းတွင် လူဝတ်လဲလှယ်ခြင်းခံရမည်ဟု ရမည်းသင်းမြို့နယ် သံဃာနာယက အဖွဲ့က ခေါ်ယူပြောဆို သည်ဟုလည်း သိရှိရသည်။
ဆန္ဒပြ ရွှေလုပ်သားများ အနေဖြင့် ပြေလည်ရေးအတွက် ညှိနှိုင်းလာမည်ကို လိုလားလျှက်ရှိသော်လည်း ယခုလို ပိတ်ဆို့တားဆီးလိုက်ခြင်းသည် အပြုသဘောမဆောင်ကြောင်း အလုပ်သမားအရေး ကူညီပေးသူ ၎င်းက ကောက်ချက်ချ ပြောဆိုသည်။ ။
Yangon Press International
မိုးထိမိုးမိ ဆန္ဒပြရွှေလုပ်သားများ နေပြည်တော်သို့ မသွားရောက်နိုင်အောင် လုံထိန်းတပ်ဖွဲ့ပိတ်ဆို့
Reviewed by သစ်ထူးလွင်
on
15:32
Rating:
Reviewed by သစ်ထူးလွင်
on
15:32
Rating:
No comments:
Post a Comment