ပြည်သူချစ်သော တပ်မတော်အဖြစ်

ငြိမ်းငြိမ်းနိုင်

“တစ်ချိန်တုန်းက ပြည်သူတွေက တပ်မတော်သားတွေကို တအားချစ်ကြတယ်။ ကျွန်မတို့က တပ်မတော်ကို သိပ်ကိုဂုဏ်သိက္ခာ ရှိစေချင်တယ်။ ပြည်သူလူထုတို့က လိုလိုလားလားလက်ခံတဲ့ တပ်မတော်လောက် ဂုဏ်သိက္ခာရှိတဲ့ တပ်မတော်မရှိဘူး”

ထိုစကားကို ၂၀၁၂ ကားဖြတ်ရွေးကောက်ပွဲအကြိုနေပြည်တော်ပုဗသီရိမဲဆန္ဒနယ်မဲဆွယ် စည်းရုံးရေးခရီးစဉ်အတွင်း ဒေါ်အောင် ဆန်းစုကြည်က ပြောကြားခဲ့ခြင်းဖြစ်သည်။

ဖွဲ့စည်းပုံ အခြေခံဥပဒေအရ လွှတ်တော်အတွင်း တပ်မတော်သား ကိုယ်စားလှယ် ၂၅ ရာခိုင်နှုန်း တည်ရှိနေမှုနှင့်ပတ်သက်၍ ဖွဲ့စည်းပုံအခြေခံဥပဒေ ပြင်ဆင်ရန်အင်တိုက်အားတိုက်ပြောဆိုနေကြသည့် နိုင်ငံရေးအင်အားစုများ ရှိသလိုအချိန်အတိုင်းအတာတစ်ခုအထိ လွှတ်တော်အတွင်း တပ်မတော်သားများ ရှိနေ
သင့်သည်ဟုကျားကန် ပြောဆိုနေကြသူများလည်းရှိသည်။

မြန်မာ့နိုင်ငံရေးအတွင်း တပ်မတော် ပါဝင်နေခြင်းကို တပ်မတော်က မိမိသဘော ဆန္ဒအလျောက် နောက်ဆုတ်သွားခြင်းကသာလျှင် အကောင်းဆုံး နည်းလမ်းတစ်ခုဖြစ်မည်ဟု လွှတ်တော်ကိုယ်စားလှယ် အချို့က သုံးသပ်သည်။

ယင်းကဲ့သို့ တပ်မတော်က လက်ရှိပြောင်းလဲနေသော နိုင်ငံရေးအခြေအနေတို့အပေါ် မူတည်သဘောပေါက်ပြီး လျှော့ချ ခဲ့ပါက တပ်မတော်အပေါ် ဝေဖန်နေမှုများ ဆုံးခန်းတိုင်သွားနိုင်ပြီး တစ်ချိန်က တပ်မတော်အပေါ် ပြည်သူတို့ ယုံကြည်အားကိုးသည့်အနေအထားမျိုးပြန်လည်ရရှိနိုင်လိမ့်မည်ဟု သုံးသပ်သူတို့က ဆိုသည်။

ရခိုင်တိုင်းရင်းသား ပြည်သူ့လွှတ်တော် ကိုယ်စားလှယ် ဒေါက်တာအေးမောင်က “ဒီပါဝင်မှုကလိုအပ်သေးရဲ့လားဆိုတာ တပ်မတော်သားတွေကိုယ်တိုင်က နားလည် သဘောပေါက်ရမှာ။ သူ တို့ကိုယ်တိုင် နုတ်ထွက်သွားရင် ပိုကောင်းမယ်။ ဒါမှလည်း အရပ်ဘက်နဲ့ တပ်မတော်ဘက် ဆက်ဆံရေး ကောင်းလာမယ်။ ပြည်သူနဲ့ ဆက်ဆံရေးကလည်း အရင်လို ပြန်ရောက်လာမယ်”ဟု သုံးသပ်သည်။

လတ်တလောတွင် တပ်မတော်က အထိန်းအကွပ်အနေဖြင့် ပါဝင်နေခြင်းဖြစ်ပြီး နိုင်ငံရေးပြု
ပြင်ပြောင်းလဲနေသည့် ကာလတစ်ခုဖြစ်သည့်အတွက် တဖြည်းဖြည်းနှင့် တပ်မတော်က နောက်
ဆုတ်သွားလိမ့်မည်ဟု သုံးသပ်သူတို့က ယုံကြည်ယူဆကြသည်။

သို့သော်လည်း ပြီးခဲ့သည့် တပ်မတော်နေ့က တပ်မတော် ကာကွယ်ရေးဦးစီးချုပ် ဒုတိယဗိုလ်ချုပ်မှုးကြီး သရေစည်သူ မင်းအောင်လှိုင်ပြောကြားသော မိန့်ခွန်းက နိုင်ငံရေးအသိုင်းအ၀ိုင်းတွင် ဆွေးနွေးစရာတစ်ခုဖြစ်လာခဲ့သည်။

ကာကွယ်ရေးဦးစီးချုပ်က တပ်မတော်သည် နိုင်ငံတော်ဖွဲ့ စည်းပုံအခြေခံဥပဒေကို ကာကွယ်
စောင့်ရှောက်ရန် အဓိကတာဝန် ရှိသည်ဟု ဖွဲ့စည်းပုံအခြေခံဥပဒေ ပါအပိုဒ်ကို ပြန်လည်ကိုးကားပြော
ဆိုခဲ့သည်။ လွှတ်တော်အသီးသီးတွင် တပ်မတော်သားကိုယ်စားလှယ်များ ပါဝင်ဆောင်ရွက်နေရ
ခြင်း အကြောင်းတစ်ရပ်ကိုလည်း ကာကွယ်ရေးဦးစီးချုပ်က တပ်မတော်သည် ပါတီနိုင်ငံရေး ကင်း
ရှင်းစွာဖြင့် လူမျိုးစွဲ၊ ဒေသစွဲများ မပါရှိဘဲ တစ်နိုင်ငံလုံး တစ်မျိုးသားလုံး၏ အကျိုးစီးပွားကို ဖော်ဆောင်
နိုင်မည့် အမျိုးသားနိုင်ငံရေးသက်သက်ကိုသာ ဖော်ဆောင်နေခြင်းဖြစ်ကြောင်း ထည့်သွင်းပြောဆို
သည်။

ထိုမိန့်ခွန်းနှင့် ပတ်သက်၍ တပ်မတော်အရေးကျွမ်းကျင်သူ ဦးဝင်းမင်းက “ဒီအချက်က ရှင်းရှင်းလင်းလင်း ပြသနေတာက တော့ တပ်ထိပ်တန်းခေါင်းဆောင်ပိုင်းက သူ့တို့ရဲ့ နိုင်ငံရေးအာဏာကို အနည်းဆုံးတော့ လတ်တလောကာလမှာ လက်လွှတ်မခံချင်ကြ တာကို ပြသနေပါတယ်” ဟု သုံးသပ်သည်။

လက်ရှိ လွှတ်တော်အတွင်း တပ်မတော်သားကိုယ်စားလှယ် ၁၆၆ ဦးရှိပြီး၊ ပြည်သူ့လွှတ်တော် တွင် အရပ်သား ၃၂၂ ဦးနှင့် တပ်မတော်သား ၁၁၀ ဦး၊ အမျိုးသားလွှတ်တော်တွင် အရပ်သား ၁၆၈ ဦးနှင့် တပ်မတော်သား ၅၆ ဦးရှိ သည်။ ဧပြီ ၂၂ ရက်က ရာထူးအဆင့်မြင့်သည့် တပ်မတော်သား ကိုယ်စားလှယ် ၅၉ ဦးကို အစားထိုးလဲလှယ်မှုလည်းပြုလုပ်ခဲ့ခြင်းဖြစ်သည်။

ယင်းလဲလှယ်မှုက ကြားဖြတ် ရွေးကောက်ပွဲပြီး၍ ဒေါ်အောင် ဆန်းစုကြည်အပါအ၀င် အမျိုး သားဒီမိုကရေစီအဖွဲ့ချုပ် ကိုယ်စားလှယ်များ လွှတ်တော်ထဲမ ရောက်မီ ပြောင်းလဲမှုတစ်ရပ် ဖြစ်ခဲ့ပြီး ထိုအပြောင်းအလဲနှင့် ပတ်သက်၍ ဝေဖန်မှုများရှိခဲ့သော် လည်း လွှတ်တော်အတွင်းကိုယ်စားလှယ်အများစုက ထိုပြောင်းလဲမှုကို အပြုသဘောအဖြစ် ကြိုဆိုခဲ့ကြသည်။

“အခု တပ်မတော်အတွင်းက ပိုမြင့်တဲ့ရာထူးတွေ ရောက်လာခြင်းက ကျွန်တော်တို့ လွှတ်တော်
ကိုယ်စားလှယ်တွေရဲ့ အခန်းကဏ္ဍကိုမြှင့်တင်ပေးတယ်လို့ တွေးလို့ရသလို၊ ဒေါ်အောင်ဆန်းစုကြည်ရဲ့ ဂုဏ်နဲ့လိုက်ဖက်ညီအောင် အဆင့်မြှင့်တင်ပေးလိုက်တာ ဖြစ်တယ်”ဟုပြည်သူ့လွှတ်တော်ကိုယ်
စားလှယ် ဦးခိုင်မောင်ရည်က အပြုသဘောဆောင် သုံးသပ်သည်။

ကြားဖြတ်ရွေးကောက်ပွဲ ကာလတွင် အမျိုးသားဒီမိုကရေစီ အဖွဲ့ချုပ်က ပြည်သူလူထုသို့ မဲဆွယ်စည်းရုံးရာတွင် ဖွဲ့စည်းပုံအ ခြေခံဥပဒေ ပြင်ဆင်ရေးက အဓိ ကအချက်တစ်ချက်အနေဖြင့် ပါဝင်ခဲ့သည်။“ရွေးကောက်ပွဲဝင်တဲ့ မူဝါဒ တွေထဲမှာ ရှေ့တန်းတင်ထားတာ သုံးချက်ရှိတယ်။ တတိယအချက်က ဖွဲ့စည်းပုံအခြေခံဥပဒေကို ပြည်သူတွေအကျိုးရှိအောင် ပြင်ဆင်ရေး ဖြစ်တယ်”ဟု ပါတီဥက္ကဋ္ဌဒေါ်အောင်ဆန်းစုကြည်က မဲ ဆွယ်စည်းရုံးရေးကာလများအတွင်း ပြောကြားခဲ့သည်။

တပ်မတော်သားများ လွှတ်တော်အတွင်း တည်ရှိနေခြင်းကြောင့် အခြားကိုယ်စားလှယ်များ အနေဖြင့် တစ်စုံတစ်ရာ ပြဿနာမရှိဟုဆိုကြသော်လည်း လွှတ်တော်အတွင်း ဥပဒေများပြင်ဆင်ပြောင်းလဲရေးတွင် တပ်မတော် သားကိုယ်စားလှယ်များ၏ သဘောတူညီမှုမပါဘဲ ပြုပြင်ပြင်ဆင်ရန် အဆင်မပြေသည့် ကိစ္စမျိုး
များ ရှိလာနိုင်ကြောင်း ကိုယ်စားလှယ်များက သုံးသပ်သည်။

“တချို့ကိစ္စတွေမှာ တပ်မ တော်သားကိုယ်စားလှယ်တွေ မပါ ရင်မဖြစ်တဲ့ ကိစ္စတွေရှိနေပါတယ်။ တပ်မတော်သားကိုယ်စားလှယ်တွေတစ်ယောက်ချင်းဖဲ့ထုတ်လို့ မရတဲ့အတွက် တစ်ဖွဲ့လုံးပါမှ ဖြစ် မယ့်အနေအထားမျိုးမှာ ပြုပြင်ပြောင်းလဲမှုကိစ္စတွေလုပ်မရနိုင်ဘူးဆိုတာ ဖြစ်လာနိုင်ပါတယ်”ဟု
ဦးခိုင်မောင်ရည်က ဆိုသည်။

ပြည်ထောင်စုကြံ့ခိုင်ရေး နှင့် ဖွံ့ဖြိုးရေးပါတီ ပြည်သူ့လွှတ်တော် ကိုယ်စားလှယ် ဦးသန်းထွန်းကမူ
လက်တလော တပ်မတော်သားကိုယ်စားလှယ်များ ပါဝင်နေသင့်သေးသည်ဟု ယူဆသည်။ “တပ်မတော်သားကိုယ်စားလှယ်တွေ လက်တလောမှာတော့ ပါဝင်နေသင့်တယ်ဆိုတဲ့ဘက်မှာ ကျွန်တော်ရပ်တည်ပါတယ်” ဟု ခိုင်ခိုင်မာမာပြောဆိုသည်။

ဦးသန်းထွန်းကပင် ဆက်လက်၍ လက်ရှိတပ်မတော် အနေ အထားကိုလည်း ထင်မြင်သုံးသပ် ချက်ပေးသည်။
“အရင်တပ်မတော်အစိုးရ လက်ထက်က ပြောမှားဆိုမှား လုပ်မှားကိုင်မှားတွေက အခုတပ်မတော်အပေါ်မှာ တွဲပြီးဆက်မြင် နေသလို အခုတပ်မတော်ပေါ်မှာ လည်း ပုံကျနေတယ်လို့ မြင်တယ်”

ဦးသန်းထွန်းကဲ့သို့ ထင်မြင်ယူဆသူ အသက် ၂၈ နှစ်အရွယ် ပြီး လုပ်သက် ၇ နှစ်ရှိ ဗိုလ်ကြီးအ ဆင့် တပ်မတော်အရာရှိတစ်ဦးကလည်း “ကျွန်တော်တို့ အပေါ်မှာ အမြင်မကြည်တာတွေ အများကြီးပါ။ တစ်စုံတစ်ယောက်၊ အချို့အပေါ်မှာ အမြင်စောင်းတာက နေ အကုန်လုံးက လိုက်ပြီးရော သွားတယ်လို့ မြင်ပါတယ်။ တကယ် တော့ တပ်မတော်သားတွေ ဘ၀မှာ ပေးဆပ်ရတာတွေက အများ ကြီးပါ။ အဲဒါတွေကို လူငယ်တွေသ ဘောပေါက်သွားမယ်၊ ကိုယ်ချင်း စာသွားမယ်ဆိုရင် ဟိုတုန်းကလိုမျိုး လူတွေချစ်တဲ့တပ်မတော် ဖြစ်စေ ချင်ပါတယ်”ဟု သူ့ခံစားချက်ကို ဖွင့်ဟပြောဆိုသည်။

လွှတ်တော်အတွင်း တပ်မတော်သား ၂၅ ရာခိုင်နှုန်းကိစ္စကို မေးမြန်းရာတွင်တော့ ယင်းဗိုလ်ကြီး
က “ဒီကိစ္စကတော့ လူကြီးတွေ အဖြေထုတ်စဉ်းစားရမှာပါ။ ကျွန်တော်တို့ကတော့ တပ်မတော်ကို
တခြားနိုင်ငံတွေက တပ်မတော်လိုနိုင်ငံကာကွယ်ရေးမှာ ပြီးပြည့်စုံတဲ့ ပုံစံမျိုးနဲ့ မြင်ချင်ပါတယ်”ဟု ဆိုသည်။

ဦးဝင်းမင်းကလည်း တပ်မ တော်သားကိုယ်စားလှယ်များ မိမိ တာဝန် အခန်းကဏ္ဍတွင်သာ ဦး
ဆောင်မည်ဆိုပါက ပြည်သူတို့ ၏ စိတ်နှလုံးကို ပြန်လည်ရယူ ပိုင် ဆိုင်နိုင်လာလိမ့်မည်ဟု ဆိုလေ သည်။
ထို့ကြောင့်လည်း လွှတ်တော် အတွင်းရှိ လွှတ်တော်ကိုယ်စား လှယ်များသည် တပ်မတော်ခေါင်းဆောင်ပိုင်းကို ၎င်းတို့၏ အခွင့်ထူးများ ရုပ်သိမ်းလိုက်ခြင်းသည် တပ်မတော်အတွက် အကောင်းဆုံးဖြစ်ကြောင်း နားလည် သဘောပေါက် လက်ခံလာအောင် နှစ်သိမ့်ပေးနိုင်ရန် အရေးကြီးသည်ဟု ဦးဝင်းမင်းက ဆက်ပြောသည်။ တပ်မ
တော်အစိုးရမှ အရပ်ဘက်သို့ ကူးပြောင်းရာတွင် စံနမူနာဖြစ်သည့်အင်ဒိုနီးရှားနိုင်ငံကို ၎င်းကပင်ယခုကဲ့သို့ ဥပမာပေးပြောဆိုသည်။

“သဘောထားပျော့ပျောင်း တဲ့ စစ်ဘက်ခေါင်းဆောင်တွေဟာ အရင်ဆုံး နိုင်ငံရေးမှာ လွှတ်တော်အတွင်းက သူတို့ရဲ့နေရာတွေကို တစ်ဆင့်ချင်း လျှော့ချပေးတယ်။ နောက်အခုဆိုရင် စီးပွားရေးမှာပါ တစ်ဆင့်ချင်း ဘေးထွက်ပေးဖို့ အရပ်ဘက်ခေါင်းဆောင်ပိုင်းက ဆွဲဆောင်နှစ်သိမ့်နိုင်ခဲ့တာ ဖြစ်ပါတယ်”

တပ်မတော်ကို ယခင်ကလိုပြည်သူချစ်သည့် တပ်မတော်ဖြစ်လာရေးအတွက် လွှတ်တော်အတွင်းက တပ်မတော်နေရာများ လျှော့ချနိုင်ရေးသာ မဟုတ်ဘဲစီးပွားရေးဆိုင်ရာ အခန်းကဏ္ဍတွေမှာပါ လျှော့ချနိုင်ရေးကလည်းအရေးပါနေသည်။

“တပ်မတော်က လိုလိုလား လားနဲ့ နောက်ဆုတ်ခဲ့ပြီးတော့ ကြီးမားတဲ့စီးပွားရေးလုပ်ငန်းတွေ မှာ ပါဝင်နေမှုကိုပါ လျှော့ချခဲ့မယ် ဆိုရင် တပ်မတော်နဲ့ ပြည်သူ့ဆက်ဆံရေး အရင်အချိန်ပြန်ရောက်လာမှာပါ”ဟု ဒေါက်တာအေးမောင် ကဆိုသည်။

လက်ရှိအမျိုးသားဒီမိုကရေ စီအဖွဲ့ချုပ်ပါတီဝင်ဖြစ်ပြီး ၂၀၀၅ ခုနှစ်တွင် တပ်မတော်မှ အနားယူ
ခဲ့ကာ တပ်မတော်ထဲတွင် ၁၁ နှစ်ကြာ တာဝန်ထမ်းဆောင်ခဲ့သော ဗိုလ်ကြီးနေမျိုးဇင်(ငြိမ်း)ကတော့ ယခုကဲ့သို့ ယုံကြည်မျှော်လင့်သည်။

“လွှတ်တော်ထဲမှာ စနစ်တကျ လုပ်ဆောင်လာနိုင်ပြီဆိုရင် တပ်မတော်ခေါင်းဆောင်တွေက ရိုးသားမယ်ဆိုရင် လူထုချစ်မြတ်နိုးတဲ့ နိုင်ငံ့လုံခြုံရေးကိုပဲ လုပ်ဆောင်သွားမယ်လို့ ကျွန်တော်ကတော့ ယုံကြည်တယ်ဗျ”

ထို့ကြောင့်လည်း တပ်မတော်သား ကိုယ်စားလှယ်များ လွှတ်တော်အတွင်းရှိနေခြင်းကို လတ်တလောတွင်တစ်သဘောတည်း လက်ခံနေသူများရှိသလို တပ်မတော်သားများကိုယ်တိုင် နားလည်သ
ဘောပေါက်ပြီး လျှော့ချနုတ်ထွက်သွားရန် ယုံကြည်ဆနရှိနေသူများလည်းရှိသည်။

7Day News Journal