စစ်သားတွေရဲ့ ဘ၀နဲ့ ခံစားချက်

ကျွန်တော်က တပ်မတော်ထဲမှာ တာဝန်ထမ်းဆောင်နေတာ နှစ်ပေါင်း(၁၆)ကျော်ကြာခဲ့ပါပြီ။ တပ်မတော်ထဲဝင်ခဲ့တဲ့ရည်ရွယ်ချက်ကတော့ ဘာမှရည်ရွယ်ချက်ကြီးကြီးမားမား မရှိခဲ့ပါဘူး။ အဓိက ကတော့ ၀ါသနာပါလို့ပါ။ ဘယ်လောက်ဝါသနာပါလည်းဆိုရင် ငယ်ငယ်က ကစားရင်တောင် စစ်တိုက်တမ်းပဲ ကစားခဲ့တာ။ ဒါနဲ့ ၁၉၉၅ ခုနှစ် အသက်(၂၀)ကျော်မှာ တပ်မတော်ထဲ ၀င်ရောက်ခဲ့ ပါတယ်။

အစပိုင်းမှာတာ့ စစ်ပညာအခြေခံသင်တန်းကို ပင်ပန်းဆင်းရဲစွာ သင်ခဲ့ရပါတယ်။ ဘယ်လောက်ပဲ ပင်ပန်းပါစေ ၀ါသနာအရင်းခံထားတာမို့ ဒါလောက်တော့ မမှုပါဘူးဆိုတဲ့ ဇွဲ၊ သတ္တိနဲ့ အောင်မြင်စွာတက်ရောက်နိုင်ခဲ့ပါတယ်။ သင်တန်းပြီးဆုံးလို့ သက်ဆိုင်ရာတပ်ရင်းတပ်ဖွဲ့တွေမှာ စတင်တာဝန်ထမ်းဆောင်နေ့ကစပြီး ငါစစ်သားဖြစ်ပြီ၊ ငါဟာရဲရင့်တဲ့ယောကျာင်္း၊ တိုင်းပြည်အတွက် အားထားရတဲ့စစ်သား အဖြစ် ကိုယ့်ကိုယ်ကို ဂုဏ်ယူဝင်ကြွားစွာနဲ့ နယ်မြေအသီးသီးမှာ စစ်ဆင်ရေးတာဝန်တွေကို တာဝန်ကျေကျေ ထမ်းဆောင်ခဲ့နိုင်ခဲ့ပါတယ်။

စစ်သက် (၁၀)နှစ်ကျော်လာတဲ့အခါကျတော့ ကျန်းမာရေးက တဖြည်းဖြည်းယိုယွင်းလာခဲ့တယ်။  ဆေးခန်းခဏခဏပြရတယ်။ ရှေ့တန်းမလိုက်နိုင်တဲ့အကြိမ်က များလာတယ်။ အဲဒီအခါကျတော့ ကျွန်တော့်ကို အထက်အရာရှိများက ကျန်းမာရေးချို့ယွင်းလို့ သနားစရာကောင်းတဲ့သူအဖြစ် မရှုမြင်ကြတော့ဘဲ ရေသာခိုချင်လို့၊ ဂယ်ရှာချင်လို့ ဒီလိုလုပ်တယ်လို့ ထင်ကြတယ်။ အဲဒီတော့ ကျွန်တော်လည်း စိတ်ဓာတ်ကျလာတယ်။ အရင်က စစ်သားကောင်းတစ်ယောက်လို့ အသိအမှတ်ပြုခံထားရတဲ့ ကျွန်တော်ဟာ အခုတော့ အလွန်အသုံးမကျတဲ့ စစ်သားတစ်ယောက်ဖြစ်နေပါပြီလားလို့ တွေးရင်း စိတ်အားငယ်မိတယ်။

အဲဒီတော့ စစ်သက်ကလည်း (၁၂)နှစ်လောက်ရှိပြီ ဆိုတော့ ဘာပဲဖြစ်ဖြစ် တပ်မတော်မှာ အသုံးမ၀င်မယ့် အတူတူ တပ်မတော်ကထွက်ပြီး အိုးမင်းမစွမ်းဖြစ်နေတဲ့ မိဘရင်ခွင်မှာပဲ မိဘကို လုပ်ကျွေးပြီး ပြန်လည်ကျေးဇူး ဆပ်မယ်လို့ ဆုံးဖြတ်ချက်ချလိုက်တယ်။ နောက်ပြီး တပ်ရင်းမှူးဆီ နှုတ်ထွက်စာတင်ဖို့ ရုံးအုပ်ကြီးဆီသွားလိုက်တယ်။ အဲဒီတော့ ရုံးအုပ်ကြီးက မင်းနှုတ်ထွက်စာတင်ချင်ရင် တင်နိုင်တယ်။ ဒါပေမယ့် ငါတို့တပ်မတော်မှာ ဘယ်တုန်းကရိုးရိုးနှုတ်ထွက်ခွင့်ရတာ မင်းတွေ့ဖူးလို့လဲ၊ ထောင်ကျပြီးမှ ထွက်ရတယ်ဆိုတာ မင်းမသိဘူးလား၊ တပ်မတော်ဆိုတာ ပြန်လမ်းမရှိဘူးကွလို့ပြောလိုက်တယ်။ ကျွန်တော် တော်တော်ကို အံ့အားသင့်ပြီး တုန်လှုပ်သွားတယ်။ တပ်မတော်မှာ (၁၀)နှစ်ကျော်အောင် တာဝန်သိသိ၊ သစ္စာရှိရှိ ထမ်းဆောင်ခဲ့တဲ့ ကျွန်တော်ဟာ တပ်မတော်မှ ထွက်ပြေး၊ ပြန်အဖမ်းခံ၊ ထောင်ချခံပြီးမှထွက်ရမယ်ဆိုတဲ့ သဘောတရားဟာ အင်မတန်ဆိုးဝါးတဲ့လမ်းကြောင်းတစ်ခုပါလို့လဲ တွေးမိတယ်။

ယနေ့တပ်မတော်မှာ အဲဒီနည်းနဲ့ ထောင်နန်းစံ ရတဲ့ တပ်မတော်သားတွေ တော်တော်များပါတယ်။ နေ့စဉ် အင်းစိန်ထောင်နဲ့ ထောင်တော်တော်များများမှာ ရေး-၃ တပ်ကြပ်ကြီးနဲ့ တပ်ရဲတွေဟာ ထောင်ပို့ဝရမ်းကိုင်ပြီး စစ်ပြေးမှုနဲ့ ထောင်ကျတဲ့ မိမိရဲ့ရဲဘော်ရဲဘက်တွေကို လက်ထိပ်၊ ခြေထိပ်တွေခတ်ပြီး လာပို့နေလိုက်ကြတာအခုဆိုရင် ထောင်ကျတဲ့ စစ်သားအရေအတွက်ဟာ တိုင်းစစ်ဌာနချုပ်တစ်ခုမှာ  ရှိတဲ့ စစ်သားအရေအတွက်တောင် များမယ်ထင်ပါတယ်။ အဲဒီလို သားသမီးတွေကို မွေးထုတ်လိုက်တဲ့ မိဘတွေရဲ့ ရင်တွင်းမီးဟာလည်း ဘယ်လောက်တောင် တောက်လောင်နေမလဲ စဉ်းစားကြည့်စေချင်တယ်။ မိမိရဲ့သားသမီးကို ဆရာဝန်၊ အင်ဂျင်နီယာ၊ ကွန်ပျူတာပညာရှင်တွေရယ်လို့ မြင်တွေ့ချင်မှာ အမှန်ပါပဲ။ 

တကယ်တော့ အကြောင်းအမျိုးမျိုးကြောင့် တပ်မတော်ထဲရောက်သွားရရှာတဲ့ ကျွန်တော်တို့လို တပ်မတော်သားအများစုဟာ တပ်မတော်ရဲ့ သဘောထားအမှန်ကို သိလိုက်ရတဲ့ အချိန်မှာ ဘယ်လိုမှာ မတတ်နိုင်တော့ပါဘူး။ ဒါကြောင့်မို့ မြန်မာဆိုရိုးစကားတစ်ခုကို “အိမ်ထောင်မှုဘုရားတည်၊ ဆေးမှင်ရည်စုတ်ထိုး၊ အဆင်မခြင် စစ်ထဲဝင် ဤလေးမျိုး ချက်မပိုင်လျှင် နောင်ပြင်ရန် ခက်သည့်အမျိုးဆိုပြီး ပြင်ရေးရမယ်လို့ ထင်ပါတယ်။

 တပ်မတော်မှာ ကျွန်တော်တို့လို အခြေအမြစ်မရှိတဲ့ ရဲဘော်တွေအတွက် ငရဲလို့ဆိုရလောက်အောင် ဆိုးဝါးပေမယ့် အရာရှိများနဲ့ တစ်ချို့ အရာရှိ အလိုတော်ရိတွအတွက်တော့ သုခဘုံပါပဲ။ တပ်ရင်းမှူးတစ်ယောက်ဖြစ်လာရင် ရန်ကုန်လိုမြို့ကြီးနဲ့ အခြားမြို့တွေမှာ တိုက်တွေကားတွေနဲ့ အင်မတန်ဖွံ့ဖြိုးတိုးတက်နေပါတယ်။ ဗိုလ်ချုပ်ကြီးတွေ၊ ဗိုလ်ချုပ်တွေ အတွက်ကတော့ နိုင်ငံတော်က ပေးတဲ့မြေကွက်တွေ၊ တိုက်တွေ၊ ကားတွေနဲ့ ဝေဆာနေတဲ့ အချိန်မှာ ကျွန်တော်တို့ အခြားအဆင့် တပ်မတော်သားတွေမှာတော့ ကိုယ့်ယူနီဖောင်းကိုယ်ဝယ်ဝတ်ပြီး စစ်တိုက်ထွက်နေရတုန်းပါပဲ။ ရဲဘော်လေးတစ်ယောက် တစ်ခါတစ်လေ ကံကောင်းထောက်မပြီး ငွေလေး နဲနဲရှိလို့ ဆိုင်ကယ်စုတ်ကလေးတစ်စီးလောက် စီးလိုက်ရင် အရာရှိများက မျက်စောင်းထိုးပြီး ဒီကောင်ဘယ်ကရတာလဲလို့ မေးချင်ကြတယ်။ အခုဆိုရင် တယ်လီဖုန်းတွေ နှစ်သိန်း၊ နှစ်သိန်းခွဲ အထိ ဈေးကျလာတာတောင် မ၀ယ်နိုင်ကြသေးပါဘူး၊ ၀ယ်နိုင်တဲ့သူကလည်း မ၀ယ်ရဲသေးပါဘူး၊ သူတို့ နှိပ်ကွပ်မှာကို ကြောက်နေရတယ်လေ။ ဒါကြောင့် ညီငယ်လေးတွေကို မှာချင်တာကတော့ ပြန်လမ်းမရှိတဲ့ တပ်မတော်ထဲကို မလာကြပါနဲ့အုံး။ တိုင်းပြည်ကို ချစ်ရင် တစ်ခြားနည်းနဲ့ပဲ ချစ်တတ်အောင်လုပ်ကြပါအုံးလို့ ပြောလိုက် ပါရစေ။

 ဆက်လက်တင်ပြပါအုံးမည်။

စစ်သည်တော်တစ်ဦး