 |
| သုံးခွမြို့ နယ်မှာ အလှူရှင်များလှူဒါန်းထားတဲ့ ရေတွင်းမှ ရေသယ်ယူနေကြစဉ် (ဓါတ်ပုံ-ပိုးအိဖြူ) |
ပိုင်ပိုင် (YPI)
ကန်ရေကို အဓိကထား အသုံးပြုနေရသော ဒေသများတွင် ရေရှားပါးမှုပြဿနာများကို နှစ်စဉ်နီးပါး ကြုံတွေ့လာရသောကြောင့် ရေရှည်အမြင်ဖြင့် ဖြေရှင်းသွားရန် အရေးတကြီး လိုအပ်လာကြောင်း ယင်းဒေသများမှ ဒေသခံများကပြောသည်။
ကန်ရေကို အဓိကအားထားနေရသည့် ဒလ၊ ခရမ်း၊သုံးခွ အစရှိသည့် မြို့နယ်ရှိ ကျေးရွာများအတွင်း ငါးနှစ်ဆက်တိုက်နီးပါး နွေရာသီ၌ ရေကန်ခမ်းခြောက်ကာ သောက်သုံးရေ ရှားပါးမှုသည့် ပြဿနာသည် တစ်နှစ်ထက်တစ်နှစ် ပိုမိုဆိုးဝါးလာသည်ဟု ဒေသခံများကပြောသည်။
"လတ်တလောမှာလည်း လိုအပ်နေသေးတယ်ဆိုပေမယ့် ရေရှည်အတွက်ပါ ထည့်စဉ်းစားရတော့မှာ။ အနည်းဆုံးတော့ တစ်ရွာကို အ၀ိစိတွင်းတစ်ခုလောက်ရှိဖို့လိုအပ်လာပြီ။ တစ်ချို့ရွာတွေက ရေသွားလှူမယ့်သူရှိရင်တောင် လမ်းပမ်းဆက်သွယ်ရေး ခက်တော့ သယ်ယူပို့ဆောင်တဲ့အခါ အခက်အခဲတွေရှိတယ်"ဟု သုံးခွမြို့ဒေသခံ ဦးစိန်ဝင်းမောင်ကပြောသည်။
သုံးခွမြို့နယ်တွင် ကျေးရွာပေါင်း ၆၄ရွာရှိပြီး မုတ္တမပင်လယ်ကွေ့နှင့် နီးသောကျေးရွာပေါင်း ၂၀ကျော်တွင် လတ်တလော သောက်သုံးရေရှားပါးမှုပြဿနာ ကြုံတွေ့နေရဆဲဖြစ်ကာ အလှူရှင်များ လိုအပ်နေဆဲဖြစ်သည်ဟု ၎င်းကဆက်ပြောသည်။
ရေရှားပါးရာ ကျေးရွာများသို့ ကိုယ်တိုင်သွားရောက်လှူဒါန်းခဲ့ဖူးသူ ခရမ်းမြို့ဒေသခံ ကိုချက်ကြီးကလည်း"ရွာတွေမှာတော့ အ၀ီစိတွင်းမတူးနိုင်တော့ မြို့ပေါ်က သွားလှူကြတာပေါ့။ တချို့ရွာတွေမှာဆိုရင် ရေလာလှူတဲ့သူကို ထိုင်တောင်ကန်တော့တာမျိုး ကြုံခဲ့ဖူးတယ် "ဟုသူ့အတွေ့အကြုံကို ပြန်ပြောပြသည်။
ယခုနောက်ပိုင်းနှစ်များတွင် ကန်ရေကို အဓိကထား အသုံးပြုနေရသော မြို့ပေါ်ရပ်ကွက်များတွင်ပါ ရေခမ်းခြောက်လာမှုများ ကြုံတွေ့လာရသောကြောင့် အ၀ိစိတွင်းတူးဖော်မှုများပိုမိုများပြားလာသည်ဟု ၎င်းကဆက်ပြောသည်။
ကန်ရေကို အဓိကထား အသုံးပြုနေရသည့် ဒဂုံဆိပ်ကမ်းမြို့နယ် ကျီစုကျေးရွာ ဒေသခံတစ်ဦးဖြစ်သူ ကိုမောင်မောင်ကလည်း ၎င်းတို့နေထိုင်ရာကျေးရွာတွင် ရေကန်များ အကုန်ခမ်းခြောက်သွားပြီဖြစ်ကြောင်း၊ ရေလာရောက်လှူဒါန်းသူများရှိသော်လည်း လူဦးရေ များပြားသဖြင့် မလောက်ငှကြောင်း၊ ထို့ကြောင့် ရွာ၏ရေအခက်အခဲကို ရေရှည်ဖြေရှင်းနိုင်ရန်အတွက် အ၀ီစိတွင်းတူးရန် အလှူခံလျက်ရှိကြောင်း ပြောပြသည်။
လတ်တလော သောက်သုံးရေရှားပါးမှု ပြဿနာအတွက် အင်န်ဂျီအိုအဖွဲ့အစည်းများ နှင့် ပြည်သူများ ၀ိုင်းဝန်းလှူဒါန်းနေသော်လည်း ကျေးရွာအများစုတွင် ရေရှားပါးမှုများ ဆက်လက်ကြုံတွေ့နေဆဲဖြစ်ကြောင်း သောက်ရေလှူဒါန်းမှုများ ပြုလုပ်နေသည့် Save The Aged အဖွဲ့မှအဖွဲ့ဝင် ကိုဝေလင်းအောင်ကပြောသည်။
ယခုနှစ်နွေရာသီ၌ ရန်ကုန်တိုင်း ဒလ၊ ခရမ်းသုံးခွမြို့နယ်များအပြင် ရခိုင်ပြည်နယ် စစ်တွေမြို့နယ်ရှိ ကျေးရွာအချို့တွင်လည်း ရေရှားပါးမှု ပြဿနာနှင့် ကြုံတွေ့နေရကာ ရန်ကုန်မြို့နှင့်နီးသော အရပ်ဒေသများသို့ ရေလှူသည့် အဖွဲ့အစည်းများ ရှိသော်လည်း ရခိုင်ပြည်နယ်ကဲ့သို့သော ဒေသများတွင် ကျေးလက်ဒေသခံများအနေဖြင့် ၎င်းတို့ဘာသာ နည်းလမ်းရှာ ဖြေရှင်းကြရသည်။
အပူရှိန်ပြင်းထန်သည့် ၂၀၁၀ ခုနှစ်နွေရာသီက ရေရှားပါးမှု ပြဿနာကို မွန်ပြည်နယ်၊ ရန်ကုန်တိုင်း ပဲခူးတိုင်းတို့တွင် အဆိုးရွားဆုံး တွေ့ကြုံခဲ့ကြရသည်။ ။
Yangon Press International
နွေရာသီရေရှားပါးမှုပြဿနာ ရေရှည်အမြင်ဖြင့်ဖြေရှင်းသွားရန် အရေးတကြီးလိုအပ်
Reviewed by သစ်ထူးလွင်
on
05:33
Rating:
Reviewed by သစ်ထူးလွင်
on
05:33
Rating:
3 comments:
မြန်မာပြည်လို နိုင်ငံမှာမှာတောင် ရေ ပြသာနာ ကောင်းကောင်း မဖြေရှင်း ပေး နိုင်ရင် ။ စင်္ကကာပူ လို ရေအရင်းအမြစ်လုံးဝ မရှိတဲ့ နိုင်ငံ မှာဆို အားလုံးငတ် သေ နိုင်တယ် ။ တာဝန်ရှိသူတွေ လည်းစဉ်းစားပြီလုပ်ကြပါ။ မြန်မာပြည် ဦးခေါင်းပိုင်ကနေ ခြေဖျား အထိ စီးဆင်းနေတာ ရေကောင်းရေသန့်တွေပါ ။ကောင်ကောင်လုပ်ရင် မြန်ပြည်က ရေ ရှားရမဲ့ နိုင်ငံ မဟုတ်ရပါဘူး
ကောင်း လိုက် တဲ့ စကား ဗျာ....မြန်မာပြည်ကထဲက လုပ်ပိုင်ခွင့်ရှိတဲ့ လူကြီးတွေ ဦးနှောက်မှ မရှိကျတာကိုးဗျ..အခု ချိန်ထိ စားပွဲမှာ စာရွ့က်ဘော့ပင်သုံး နေကျသုံး...ကွန်ပြူတာသုံးရင် အောက်ဆိုက်ငွေ မရမှာစိုးလို့ တဲ့ ဗျို့။
ဆက်သွယ်လို့ရမဲ့ လိပ်စာ ရှိရင် ပြောပေးကြပါဗျာ
Post a Comment