ကြားဖြတ် ရွေးကောက်ပွဲတွင် မဲဆန္ဒနယ်အများစု၌ အနိုင် ရရှိခဲ့သော အမျိုးသားဒီမိုကရေစီအဖွဲ့ချုပ်သို့ ပြည်သူ့လွှတ်တော်ကိုယ်စားလှယ် သုံးဦး ပါတီဝင်အဖြစ် လျှောက်ထားကြောင်း NLD ပါတီ ပြောခွင့်ရပုဂ္ဂိုလ် ဦးဥာဏ်ဝင်း The Voice Weekly သို့ ပြောကြား သည်။
NLD ပါတီဝင်အဖြစ် လျှောက် ထားကြသူ လွှတ်တော်ကိုယ်စားလှယ် သုံးဦးမှာ အမျိုးသားဒီမိုကရေစီအင်အား စုပါတီမှ လမ်းမတော်မြို့နယ် ပြည်သူ့ လွှတ်တော် ကိုယ်စားလှယ် ဦးခင်မောင်ဝင်း၊ မြောက်ဥက္ကလာပမြို့နယ် ပြည်သူ့ လွှတ်တော်ကိုယ်စားလှယ် ဒေါက်တာ သန်းဝင်းနှင့် တစ်သီးပုဂ္ဂလ လွှတ်တော် ကိုယ်စားလှယ် တစ်ဦးဖြစ်သည့် လသာ မြို့နယ်ပြည်သူ့လွှတ်တော်ကိုယ်စားလှယ် ဦးကြည်မြင့် တို့ဖြစ်ကြောင်း ၎င်းက ဆိုသည်။
၂၀၁၀ခုနှစ် ရွေးကောက်ပွဲတွင် ၀င်ရောက်ယှဉ်ပြိုင်ခဲ့သော အမျိုးသား ဒီမိုကရေစီအင်အားစုပါတီအား ထူထောင်ရန်ညှိနှိုင်းဆွေးနွေးကတည်း ကပင် NLD ပါတီ မှတ်ပုံတင်ပြန်လည် လျှောက်ထားပါက ပြန်လည်ပေါင်းစည်း ရန် မူအားဖြင့် ချမှတ်ထားပြီး ဖြစ်ကြောင်း လမ်းမတော်မြို့နယ် ပြည်သူ့လွှတ်တော် ကိုယ်စားလှယ် ဦးခင်မောင်ဝင်းက ပြောကြားသည်။
NLD ပါတီဝင်အဖြစ် လျှောက်ထားရခြင်းနှင့် ပတ်သက်၍ လသာ မြို့နယ် ပြည်သူ့လွှတ်တော်ကိုယ်စား လှယ် ဦးကြည်မြင့်အား ဆက်သွယ် မေးမြန်းရာတွင် “အိတ်ဖောင်းလို့ စိတ် ပြောင်းတာ မဟုတ်ပါဘူး။ လာမယ့် ၂၀၁၅ မှာလည်း အမတ်ပြန်လုပ်ဖို့ မရည်ရွယ်ပါဘူး။ NLD မှတ်ပုံပြန်တင် ရင် NLD ကိုပဲ ပြန်သွားမယ်လို့ ကျွန်တော်အစောကြီးကတည်းက ကြေညာပြီးသားပါ” လို့ ပြန်လည် ဖြေ ကြားသည်။
အဆိုပါလွှတ်တော်ကိုယ်စားလှယ် သုံးဦးတွင် ဦးခင်မောင်ဝင်းအား ဧပြီလ ၄ရက်နေ့မှ စတင်ကာ NLD ပါတီဝင် အဖြစ် လက်ခံလိုက်ပြီဖြစ်ကြောင်း လွှတ်တော်ကိုယ်စားလှယ်အဖြစ်မှ NLD ပါတီသို့ ထပ်မံကူးပြောင်းခဲ့သူ ဒေါက်တာ မြတ်ဥာဏ်စိုးက ပြောကြားခဲ့သည်။
ကြားဖြတ် ရွေးကောက်ပွဲ၌ အမျိုးသား ဒီမိုကရေစီ အဖွဲ့ချုပ်သည် ၄၄ နေရာ၌ ၄၃ နေရာ အနိုင်ရရှိခဲ့ရာ ယခုကူပြောင်းလာသော လွှတ်တော် ကိုယ်စားလှယ်များအား လက်ခံလိုက်ပါက ပြည်ထောင်စု လွှတ်တော်၌ NLD ပါတီအား ကိုယ်စားပြု လွှတ်တော် ကိုယ်စားလှယ် ဦးရေမှာ ၄၇ ဦးထိ ရောက်ရှိလာပြီ ဖြစ်ပြီး ပြည်ထောင်စု လွှတ်တော်၌ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီပြီးလျှင် လွှတ်တော်ကိုယ်စားလှယ် ဒုတိယအများဆုံး ရပ်တည်နိုင်တော့မည်ဖြစ်သည်။
The Voice Weekly
လွှတ်တော်ကိုယ်စားလှယ် ၃ဦး NLD ပါတီသို့ ကူးပြောင်း
Reviewed by သစ်ထူးလွင်
on
14:43
Rating:
Reviewed by သစ်ထူးလွင်
on
14:43
Rating:
9 comments:
ကြိုဆိုပါတယ် အမတ်မင်းတို့ ရေ..... အိတ်ဖေါင်းလို့  စိတ်ပြောင်းတာ မဟုတ်သလို ..အိတ်ပိန်လို့  စိတ်မငြိမ်တာမျိုးလည်း မဖြစ်ကြစေလိုပါ..။ တိုင်းပြည်အတွက်၊ လူထု အတွက် အမှန်တကယ် အကျိုးပြုနိုင်ကြပါစေ ။
ကြိုဆိုပါတယ်။
အဲဒါတွေကအမေစုရဲ့  မေတ္တာတွေပေါ့...
မကြာပါဘူးနော်...နောက်ဆိုလွတ်တော်အမတ်တွေ
အကုန်ပြောင်းလာတော့မှာ...( NLD )ပါတီကို
လွှတ်တော်ထဲ ၉% လောက်နဲ့ဘာမှလုပ်လို့မရဘူးလို့ ဖွတ်တွေက ပြောတယ်။ ခေါင်းဝင်ကိုယ်ဆန့် ဆိုတာ မကြားဘူးဘူးနဲ့တူတယ်။
ကြိုဆိုပါတယ် . ဘယ်သူတွေ ဘယ်လိုပြောင်းပြောင်း အမိမြန်မာပြည်ကြီး ကောင်းစားဘို့ကိုသာ ရည်ရွယ်ချက် ကောင်းဖို့လိုပါတယ် ။
ကြိုဆိုပါတယ် . အမိမြန်မာပြည်ကြီး ကောင်းစားဘို.နဲ. ရည်ရွယ်ချက် ကောင်းဖို့လိုပါတယ်........
အားပိုကောင်းလာတာပေါ့
ဝမ်းသာပါတယ်ဗျာ။
မြင်ပြီလား...ဘာေ၇ွှးကောက်ပွှဲမှမလိုဘူး...အားလုံးလေးနေ၇ာ၇နေပြီ..သဘောပေါက်...
Post a Comment